15 ¹ خداوندا، کی تَأنه تی خیمه مقدسَ بودورون بَأیه؟ و کی تَأنه تی کوهِ مقدس میَأن سامان بیگیره؟ ² کسی کی بی عیب و بی ریا بیبه و هر کاری یَ صداقتِ اَمرَه انجام بده. ³ و خو زبانِ اَمرَه غیبت نوکونه و خو همساده یَ بدی نوکونه، و دربارۀ خو نزدیکان تُهمت و اِفترایَ قبول نوکونه. ⁴ و گوناهکاران اونِ چومِ جَه حقیر بوبود و دوروستکارانَ احترام بنه. خو قؤلَ وفا بوکونه، هر چند اگر به اونِ ضرر تومامَ بِه. ⁵ خو پولَ نزول فَأنده و بر علیه بی گوناه رِشوه قبول نوکونه. هر کی اَ کارانَ انجام بده همیشه اُستوار مَأنه.