14 ¹ احمق خو دیلِ میَأن گویه خدایی وجود نَئره. اشَأن آدمایه فاسدی ایسد کی کارایِ زشت انجام دهد و کارِ دوروست اَشَأنِ جَه سر نزنه. ² خداوند جی آسمان زمینِ مردمِ رو نظر تَأوَأده تا بیدینه آیا عاقلی ایسَه کی خدا طالب بیبِه. ³ ولی همه خدا جَه رو وَأگردَأنه دَأرد و فاسدَ بوستد، حتی ایتَه دوروستکارم اوشَأنِ میَأن پیدا نیبه. ⁴ خداوند وَأورسه: آیا هیچکودام جی گوناهکاران نفهمد و مرَه به یاد نَأورد کی می قؤمَ خورد؟ هَطو خورد کی اِنگار نان خوردَأن درد. ⁵ ولی همۀ اوشَأن به وحشت دکفد، چره کی خدا دوروستکارانِ اَمرَه یه. ⁶ وختی شریران دوروستکارانِ نقشه یَ خرابَ کوند، خداوند مظلومانَ خو ورجَه پناه دِهه. ⁷ کاشکی اسرائیلِ نجات جی صَهیون بَأیِه، وختی خداوند خو قؤمَ جی اَسیری آزادَ کونه، یعقوب خوشحالَ بِه و بنی اسرائیل شادی کونه.