16 ¹ خدایا مرَه محافظت بفرما، چره کی ترَه توکل دَأرم. ² خداوندَه بوگوفتم: تو می خداوندی، تو تنها چیزِ خوبی ایسی کی دَأرم. ³ و اَ مقدسین و نجیبان کی زمینِ رو ایسَد، همۀ می دیلخوشی هَشَأند. ⁴ کسایی کی خدایانِ دیگرِ دونبال شده اوشَأنِ غم و غُصه زیادَ بِه. من اوشَأنِ قربانی کودَأنِ مراسمِ میَأن شرکت نوکونم و اوشَأنِ نامم به زبان نَأورم. ⁵ خداوندا، تو همۀ چیزی ایسی کی من احتیاج دَأرم، تو می مال و ثروتی، می زندگی تی دسانِ میَأن نَهه. ⁶ اونچی کی مرَه ببخشه دَاری عالیه، جی اِرثی کی مرَه برسه دَأره لذت بورم. ⁷ خداوندَه شُکر کونم کی مرَه راهنمایی بوکود، حتی شبانم می وجدان مرَه هُشدار دِهه. ⁸ همیشه خداوندَه می روبرو دینم، چره کی اون می راستِ دس ورجَه ایسَه، تا اشتباه نوکونم، ⁹ هَنه وَسی می دیل شادمانه و می زبان جی شادی فریاد کونه، و می جان اُمیدِه دورون سامان دَأره، ¹⁰ چره کی مُرده یانِ دونیا میَأن مرَه ولَ نوکونی، و وَأنَألی تی اَمینِ بنده فِسادَ بیدینه. ¹¹ تو زندگانی راهانَ مرَه یاد دهی و تی حضور می جانَ جی شادمانی پورَه کونه و تی راستِ دسِ ورجَه ایسَأن مرَه لذت دهه.