¹ Hi pot gang I palai, tamat Gadara hinu. ² Bota Yesus in lepowang, tita mat nuha i bosi Yesus bopo kufut ta setetn sunni. ³ I doti do kufut. Mat nuha tai kapani gapo, kafuli ba rante hoi. ⁴ I botaha hikaful ba rante, woti i diu ranteji ti inbang. Domat nuha ta imanet po be ibe bemtin. ⁵ Mkantimnom, e in woltido kufut dumti helkawut monto i bebe ini palai bakapat. ⁶ Bota mat nunji ineng Yesus po maulit, Tita I hanga beta ti su pap do Yesus i molo. ⁷ Monto, in wolta inga kaliu lotem tita infu, "Akning urusan ponha dum Au po Yesus, Waikautuhelpo Tai Halok Lotem ? Aka fol po Awa ba Kautuhelpo, au bebe Ak kacana !" ⁸ Woti, Yesus infu bei heu, "Fudo hapan hala mat nen seten ta fitei !" ⁹ Tita Yesus intun matji, "Au msan lape ?" Ti infu, "Ak msanbe Legion pota amamto." ¹⁰ I fagau tido po Yesus be I fajuk hi hala nuijina. ¹¹ Do tenta e wau naha mtolotem tahi hapan do midin helkawut. ¹² Monto, seten hi fagau po Yesus ti infu, "Au pasul amla si wauten hi ta be amsun dodohi." ¹³ Yesus I nangohi. Tita, seten ta fitei hipo ti hi sunsi wai hi nun. Wai kau pul aiha ta hi mto jip ailu te hi hanga kamdi pa hagara bot gang, tita hi mcip do gang lomul. ¹⁴ Heu tita, mat ta hijar wau hi nunji hi hanga woi ti hi bin la kota ti kampung. Ti mathi hapan be hi heng ponta jai nun. ¹⁵ Tita, mathi pot la Yesus, be hi hengitawoi seten sun i, tai ni Legion, i dontul, tai napari kawui. Ti ifi hoisa majas heu. Dumti mat hi dat hoyo. ¹⁶ Tita, mathi ta hi heng ponta jai nun, hi falus bemathi del ponta jai bemat ta seten suni dumti wauhi nuji. ¹⁷ Heu tita, mathi fagau be Yesus bohau hinu. ¹⁸ Heumonto, bota Yesus I sala wang, mat tawoi seten suni nunji infol befu came i dum Yesus. ¹⁹ Woti, Yesus i dam po, wotita infu hoi bei, "Au hoi si aunomti au mno wuhi. Falus behi del pon be heu ta At Mam famol be awa ti Atman i lodel au lotem." ²⁰ Do I mat nunji i bo ti i falus be mathi, tahi todo Dekapolis delpon be heu ta Yesus famol heu bei dumti mathi be heu heran. YAIRUS I WAITA JUI HOI I DUMTI WAJU I WE TA PIDIS TAI HAWANHOI ²¹ Bota Yesus i diu hoi bawang lapalaili i, mat kawas ta hi fajulhi domidin ti Iyi, woti i do gang au padi. ²² Ti kawut sinagoge nuha tai msambe Yairus, ti bota i neng Yesus ti supap doi Weji. ²³ Dumti, in fol ba ilolo tem be Yesus, infu, "Akwai waju tai waica dubei inmat. Bot be be Au mamwa doi befucam i hawan hoi dumti na hidop." ²⁴ Ti Yesus I bo dumti Yairus. Mat tai namtoi lotem tahi tum Yesus dumti I tou buli I. ²⁵ Dodoji, waju nuha tai wetadis, na taun jamalu. ²⁶ I kaca bejainu po tabib foi, hagara i hapan ponta i nihi beheu, wotita pon ha dopo, wotita inmaf be kaliu. ²⁷ Bota inggo tafudo Yesus, wajunun ibot si Yesus nakauling do mat foi ta fajul hi ponlo i ti inut I jubah. ²⁸ Waju nunji infu, "Wotibe Akkot be akut ti I jubah, Ak hawan heu." ²⁹ Del gangai dijo ti wetapidis ji boca, ti ini fai ta fudo imteniji hawan poi panyakit nunji. ³⁰ Yesus in nu lotem poi, in nu ta fu do kawasa Ha ta hapan po I. Falu hoi I la mat kawas nunji ti infu, "Manta inut Ak jubahNa ?" ³¹ Ti murid-murid Yesus infu bei, "Au Meng mat kawas ta kalesen Aune monto Au infu, 'Manta inut Au jubahNa ?'" ³² Tita Ysus innau nabuli, bei neng mantawoi i famol ponina. ³³ Woti bota innu ponta jai beinunji, waju nun in bati lotem, ti in mauwo. I bot ti i supap do Yesus imolo, tita i falus ponta mtolon be Yesus. ³⁴ Woti, Yesus infu wajuji, "Ak Wai, au iman i bebeu au hawan heu. Bobai ta hannang ti pafi ti au hawan hala au panyakitji." ³⁵ Bota Yesus i falus cae, mat naha hipot po deu kawut sinagoge tita ifu, "Au wai in mat heu. Popanta mdangut Guru cana ?" ³⁶ Wotita,, Yesus inango ponta hifu i po, infu be kawut sinagogeji, "Mdatna dum del tido." ³⁷ Tita, Yesus I dambe mat nuha, dum i po hatti Petrus, dumti Yakobus, ti Yohanes Yakobus ino. ³⁸ Bota, hipot deu kawut sinagogeji, ti ineng ta ngom, ti mat ta hingai ta fu dojo. ³⁹ Ti, Bota Yesus i sun, infu be mat hi, "Popanti min kau ngomti min ngaina ? Waiji in mat po, woti inne." ⁴⁰ Woti ta hiniu hoi Yesus. Woti, I pasun hi beheu hapan ti idan wai iman ti inen, ti mat kawas fata hi po del I, tata sunca notawai idodo. ⁴¹ Heuse I nut do wai tot imawa ti infu bei, "Talita kum !" (artinya, "Ta fudo wai waju tot, Ak kafu be awa, mjui de !") ⁴² Wai wajuji insol bai gang nunji ti bobelei belou, ponta, i na umut taun jamalu, ti delgangai do mat be heu hi dukhi. ⁴³ Monto, Yesus be parente tamson be wai i mat ta kaliu hi fudo be mat nu ha pode tai nnu pon nunji na, ti infu behi be hi pe kam nan bewaiji.