¹ Bota, Yesus I bo pota ti ibot inu, ti i murid hita hitumi. ² Pas ta m'kan Sabat bot, Yesus i mulai ta i pangajat do sinagoge. Ti, mat kawas ta hingo-e tajol ti hifu, "I bot pon beheuji ponu lana ? Karun panata ibe ina ti mukjizat-mukjizat pan ji ta i famol ba i mawa-na ? ³ Bukun po i tukun hai, Maria i Wai, ti i minou Yakobus ti Yoses ti Yudas ti Simon ? Bukun i minowu hi todo ne dum ata ?" Tita, hi habet ti hi kadu I. ⁴ Litaha, Yesus infu behi, "Do nu naha mat nahormat nabi, hat tita dodo inu duti i wolis hi tita doi deu lomul." ⁵ Monto, Yesus i famol mukjizat do ta gapo, hatita i be i mawa do mat hafi lan tahi maf ti ibe be hi hawan. ⁶ Dum tita, i na herang mat kawas ta hi parca tei. Tita, I bo nabuli kampung foi dumtita i pangajat. YESUS HELPO NAUTUS I MURID ⁷ Bota, Yesus in tun i murid jamalu be i nautus hi bati mat lu dumti i be kawasa najet roh najis. ⁸ tita ibe parenteh behipo e hut pondel hi mana,hat ti mley,roti na,tas na,pip tadodo ban lomul, ⁹ wotita mapaki ti sandal dumti mtasun tasun ailuna. ¹⁰ tita,kautuhelpo infu behi,donuiha taminsun do dew saha,mindoti doji hagara minhapan poji. ¹¹ ti,befudo do nuiha ta itarimi mintei ti hingo mintei,bota min bohalah nuji,mden hapanci pouwemji,bejai falus behi.'' ¹² Ti,hipo behifu bemat behimdo. ¹³ Tita,hi fajuk seten namto tihi falu mat ta himaf bamnik tihipe behi hawan. Herodes In ngo Habat Del Kautu Helpo ¹⁴ Bota Kalan Herodes in ngo,pota Kautu Helpo inmsan i bona nu beheu,ti mat hifu,Yohanes Pembaptis injui heu pomat tahimat,tita mujizat ji karajan do doyi.'' ¹⁵ Naha fu, ''aiji Elia" wotita naha hifu i be matpo Nabi,halai lasa nuha pohi Nabi." ¹⁶ Wotita,bota Herodes in ngo ponji,infu,Yohanes,ta akciu i katuji injui hoi heudi. HIPUN YOHANES PEMBABTIS ¹⁷ Memang Herodes nmei yi teipasul mat,i parenteh yi beinbu Yohanes,hi kafuli do bui tagal ti Herodias,i no i faju,Filipus,pota Herodes ta insau Herodias. ¹⁸ Pota,Yohanes infu lofilan be Herodes,auma aunom i faju e mtolon po. ¹⁹ Dumtita iji,Herodias ilo mde be Yohanes ti ipasu be puni,wotita gapo. ²⁰ Pota,Herodes indat be Yohanes,bota innu ta Yohanes e matta namtolon dumti matta barasi ti Herodes i kabuni. Bota Herodes in ngo Yohanes,i nabingun lotem,wotita Herodes i hanang ta in ngo Yohanes. ²¹ Bota, mkan ta mtolon i bot, bota Herodes i mkan tafi, famol be mat ta kaliu Galilea hi. ²² Bota litaha Herodias i wai waju i sun ti nam ngam, I be be Herodes dum tihi tatul dum iji hanang. Ti kalan infu be waju tot ji, fagau pana ta au pasuti, baine Ak ke bewa. ²³ Ti, Herodes i som bei yi, "Pana ta au fagau po ke, ak ke bewa, dumti hagara kerajaan ne naha." ²⁴ Ti, waju tot ji bo ti infu be inen ji, "Ak baine fagau pana ?" I nen infu, "Yohanes Pembaptis i katu." ²⁵ Ti, woltai ji mla lomul dum, waju tot ji i bot si kalan ti infu, "Ak pasu ta hakarang ne Au be Yohanes Pembaptis i katu do baki pojeine be aka." ²⁶ Potaiji, kalan i lo sus, woti pota somji dumti mathi tahi hapon dam i ji, i pasu ta be i kadu waju tot ji gapo. ²⁷ Ti, kalan i nagim mat algojo nuha ti parenteh be intu Yohanes i katu, tita algojo ji i bo tita i diu Yohanes i katu. ²⁸ Bota, inut Yohanes i katu do baki pojei ti ibe be waju tot ji, ti waju tot ji ibe bei nen. ²⁹ Ti, Bota Yohanes i murid hingoi e, hipot ti hiha imcu tihi pedodo kufut lomul. KAUTU HELPO IBE KAM NAN WOMTA PO MAT JIP AI LIM ³⁰ Bota, rasul hifajul dumti Kautuhelpo tihi fu beiyi panti tahi famol ti pan tahi pangajat. ³¹ Ti, Kautuhelpo infu behi mboma beat pasis at lanut a kata non bet tcun at tabe wolne. Pota, mat kawas ta hipot tum tihipo, ti behi hapon mone bot po de. ³² Tita, Kautuhelpo ti murid hi po pasis hi ba wang lanu ta katanon (sepi). ³³ Wotita, mat kawas neng fai hi ta hipo ti, mat kawas ji hanga bengi del ma lei po matan (kota) beheu, tihi pot ta nata hala Kautuhelpo ti I murid hi. ³⁴ Bota Kautuhelpo i bo la gang padi, i neng mat kawas nunji, ti i lodel hi pota hitosa domba ta ini gembala tei. Tita Kautuhelpo i pangajat pon foi be hi. ³⁵ Bota mkan dobe mnom Kautuhelpo i murid hi pt siyi ti hifu, nune nuta katanon (sepi) ti mnom lau heu. ³⁶ Pasulbe hi po buli matan ti desa si desa be hi fong pon be hi ha." ³⁷ Wotita Kautuhelpo i jawab, "Minte mbe behi hapon." Woti, hifu beiyi, "Aiye fudo ampo be mfong roti pel dinar au cin lu ti pe be hi ha i ?" ³⁸ Yesus infu be hi, "Roti ai filan ta mnim na ? Bo beumeng de !" Bota hi nui ye, hifu, "Roti ailim tijin halu." ³⁹ Ti, Yesus i parenteh hi beheu betul do kelompok lomul do kaji pojei. ⁴⁰ Mat kawas ji tul ba kelompok, aita ba mat au cin ti aita ba maf jalim, ⁴¹ aiji, Yesus ina roti rumti jin haluji, nau be lei, infol barkat ti infet roti ji, tita I be be murid hi be hi fan ba mat kawas. I mone na bagi jin haluji be mat kawas. ⁴² beheu hapor hagara hi pase. ⁴³ Bota heu, hi karanjang jamalu tafun ba roti dumti jin mai. ⁴⁴ do waiman jip ai lim.Ta hi ha roti. (Yesus I Bo na Au ja pojei) ⁴⁵ i parenteh i murid hi sa lawang ti hi po nata lo palaita Betsaidi,tita i pasul mat kawas ji hipo. ⁴⁶ parmisi dum hi,I bo ca hel kaut bei hambayang. ⁴⁷ dobe malom,wang do gang punlo,ti Yesus in mei i do lei. ⁴⁸ Ti,bota ineng murid hi tahap bahi lota susah pota Au wota iba mi tolon be hi po,kira-kira bajam jak m'nom tai tafat,Yesus I bot si hi n'delma gang pojei ti ibo taget hi. ⁴⁹ bota hi heng Yesus i bo na gang pojei hi leifu i ji kamgom,ti hi wol, ⁵⁰ hi behew heng Yesus ti hidat.Woti Yesus i falus behi,kangomfina.Aine Ako mdatna, ⁵¹ sa lawang ti hi,tivau wo ji ba ea,ti hi tajol. ⁵² Pota,hi dum mangarti ponta jai Roti ailim ji pota hi lohi kanni cade. (Yesus Be Mat Kawas hawan) ⁵³ Yesus murid hi tiu,hipot bat Genesaret ti hi hawol. ⁵⁴ bi le po wang,mathi hengnu Yesus, ⁵⁵ hanga la matan ji ti du nata hi hut mathi ta hi mat do kasur.Pojei,la muiha ta hingou wai Yesus i dodo. ⁵⁶ Dumta,wai Yesus i bo sun desa aiha si aiha,tepo kota aiha si ai ha te po matanta do nuta hitodope mat tahi maf ji do nuta rami ti mfol be i yi be hi huf I juba kateji ti.Ti man tai n'fui do juba ti i hawan.