¹ Yesus I pangajat hoi do gang au padi Mat kawas tahi sol buli yi hagadai sado wang saha ilomul ti hawol do gang pojei.Mat kawas ta hisol do lei do gang au padi. ² I pangajat mat kawas hi hapon foi dumti falus misil,dodo ponta I panggajat ba mat kawas ti infu,be hi. ³ befi! Aine mat nuha taibo nau lai bibit kanon hijie bat nunji man po. ⁴ jai be mathi nunjie bibit kanon he jie naha tandol do mau padi,i pohi pote hi habeheu. ⁵ Naha e ndol do mata kapat ta ini bat do tei,bibit kanon hijie cumla pota bat nunji man po. ⁶ pon mo ibinis pon kanon nunta hicum nunjie pota ni kawapo po hagada ilohi m'sa bemtup. ⁷ Naha e ndol do bat tafi,hagada himat dumti ta hini po po. ⁸ Otita naha e ndol do bat tafi,hagada hibe,hicum,hikaliu hihapan ha sil ta m'to.Ha sil ta jatol,lo jatol jaunom lo jaunom au cin lo cin. ⁹ Monto Yesus infu,"mat tai ni ngalo be in ngo aye in ngo!" ¹⁰ Wol taha e Yesus idon me I,dumti mat kawas tahi tul buli iyi dumti I waima jamalu tahi tumdeli hi beheo tun Yesus bei falus,falus misil hi nun ji. ¹¹ Monto Yesus infu behi,"Rahasia Kerajaan Kautuhelpo nun nee pe bemina.Otita be mat naha e futi bahapu misil, ¹² mat tai neng,hi hengti otita hi nupo, tita hingo,hi ngoti otita sundo hi ngalo hipo ti hi lohipo be mat ta la nun tenji be hi mdona ti ta be pen katula behi. Falus hoi del falus mi sil pomat ta ibo naulai ¹³ Monto Yesus infu be mat hi nunji,min numtil del falus misil nun tene i ? Del pana hagada min nu falus misil hi beheu na? ¹⁴ Mat nunji mat tai bonut at mam mi Firman. ¹⁵ hi nunji mat ta hi dol do mau padi,nuta Firman ni dodo.Bota mat hi nunji hi ngo seten ni bot fadau be intal Firman nun ta mat hi hepen nunji hala hi. ¹⁶ Hagada bot mat ta hicum do bat takapat aye mat kawas ta hi ngo Firman tita hitarimi bahi lotafi. ¹⁷ ta hi ni kawapo dodo hi lohi po hat ti ta hi hutbai man tan.Bot ta susu i bot,po Firman ja mat kawas nun ta woi hijie hidol bemtup. ¹⁸ Ti naha, ta hidol do ulajam punlo.Mat hi nunji mat kawas ta hi ngo Firman, ¹⁹ Otita dunia ne ihawatat,tiy pasuta bei nakayang tiy pasu dum panfoi naha hoi tasun dodo dai Firman nunji tiy kauluki hagada ini popo. ²⁰ Ori nanta inaulai do bat tafi aye mat ta inago Firman ina ti ini po jatollo jatol jaunom lo jaunom ti ucin lo ucin." Falus misil po palita ²¹ Monto Yesus infu be mathi bukun ta inut palita bei dodo tempayang ngi lo mul tepo dodo nuta nedo iupopo? ²² ta ponha takabuni tita falus gapo botti ponaha takabuni tei,ponunji panta be pasapani palita? ²³ Befu mat ta ini aye inepen hoi,otita befu mat tei nitei pon beheu ta dodoi bahoi halai!" ²⁴ Monto Yesus infu behi.M'ngo be fi ponta m'ngo Anon ta mapaki jiayebe non hoi tadopebemin na. ²⁵ Befu mat taini,aye inepen hoi otita befu mat tei ni tei pon behea ta dodoi hahoi halai." Misil pobenih ²⁶ Monto Yesus infu.Kerajaan Kautuhelpo e sati mat naha tai be naulai bibit do bat. ²⁷ Mat nuntai mulai bibit nunjo ine ti injei bam kan ti pokanon ta ulai hi nanji kapani cum.Mat nan ji nun til del ponta jai nepe. ²⁸ Bat nunji ihapari po n'mei.mantan ne icum heemo ikalom fei gandum ikanon ta ham dodoi kalom ta lumol. ²⁹ Bota gandum kanon li m'da,mat nunji idu chi pota boti waktu ta behot." Misil po sasawi kanon ³⁰ Monto Yesus infu.Ba panta cam ta habe misil be Kerajaan Kautuhelpo? I po falus misil panaita tabe jai be falus basamai nena? ³¹ Kerajaan kautuhelpo nunjij sa sawi kanon-tai wai dodo dai nan kanon ta dodo bumi ne, ³² Bota hi ulai ika non hi cum ti hi kaliu nyet pon dan beheo,ti haponi kamgal ta kaliu hi nunji hagada ipo tahinipnahalak hihepen ta hi hemol hi ni hi do hai kangal hiu pa." ³³ Ba falus misil ta m'to nunji, Yesus ifatutul Firman be hi ba ponta hingo. ³⁴ Yesus i falus be mat hi nunji ina paki falus misil po,otita Yesus ifalus pon hatan meyi bei waima tahi tum I. Yesus ifandolhoi kadidim ³⁵ Ji bawolei nunji,hagada m'sem Yesus infu be iwai ma tahi tumi.Mboma be tola gang palai li. ³⁶ hi po hala mat kawas nunji wai ma hi het yesus si wang ta Yesus i dodo. ³⁷ Otita Yesus ine do kapal ita Yesus in nedo bantal pojei.Monto hiyan Yesus ti hifubei.Guru pon ne Au fandun mat poi be hagada tabinasi?