¹ Mam Yesus sun la Sinagoge,monto do ji mat nuha tai mawa n'mat. ² Mat hi nu hi nau del mam Yesus ta pasoi hoi mat ba m'kan Sabat. ³ Monto mam Yesus infu be mat tai mawa palha n'mat nu"m'sol do pun lo" ⁴ Mam Yesus infu hoi be mat hi,"Pon nefu hamol pon tafi,tepo ponta lek ba m'kan sabat gai? halamat nyau tepo pun'i?"woti,mat hi ngapo. ⁵ Mam Yesus in nau fatop baita naisa,I lo sus damti mat nunta lo kanni,mam Yesus infu hoi be mat nunta mawa palha n'mat,"M'te mamwa lane,bota intei mawa do,ti mawa hawan. ⁶ woti mat Farisi ti mat Herodian hi sung ma be hi pun'I. Mat kawas ta hi tum mam Yesus. ⁷ Mam Yesus ti waima hipo hala mat kawas la gang,timat kawas ta hi pot po Galilea,po yudea, ⁸ po yerusalem,po idumea,po hangoi yordan,tirus ti sidon,mat kawas bota hi ngo mam Yesus ti'I. ⁹ V9 Pota mat hi m'to nuni to,I infu bei waima hi "M'ma wang saha be Aka,be nui haulit. ¹⁰ Bota mam Yesus pasoi mat kawas jo,ti nan kawas ta hi maf pot hoi bem to,be hi mone hi hepen Dum. ¹¹ V 11Bota roh ta fitei,ta do Mat kawas nu,ineng Mam Yesus ti,isom at Mam " Aune wai Kautuhelpo!" ¹² Mam Yesus tagot hi. MAM YESUS I TATA WAIMA JAMALU. ¹³ Monto Mam Yesus sa la hell po wai,ti Intun Mancu kawas ta hingo'I tita hi si' i. ¹⁴ I tatap waima jamalu,hagada hi po bengi,ti'i pasul hi bei jai wang pasul, ¹⁵ Ibe kawasa ta be hi fajuk seten. ¹⁶ Mam Yesus I tatap waima jamalu nu, Simon ( ta Mam Yesus behoi I m'san be Petrus ). ¹⁷ Yohanes waipo Zebedeus,Yohanes ino be Yakobus,(ta Atmam Yesus behoi m'san, Boanerges,)" waima Guru." ¹⁸ Filipus,Bartolomeus,Matius,Tomas,Yakobus,wai po Alfeus,Tadeus,Simon mat Zelot, ¹⁹ ti Yudas Iskariot,tai nop I. Kawasa Yesus Bot Po Kautuhelpo. ²⁰ Laha mam Yesus,I sun la deu jaha,ti mancu kawas ta hi to fajul hi doji,haga mam Yesus ti'i waima ha roti gaea. ²¹ mam ti'i nen hi ngo ponai jo,ti pot be hihaho I,pota Mat hi fufu I maila. ²² Ti' Ahli - ahli Taurat hi potpo Jerusalem,hi fufu I ontok sun Beelzebul ! ti I fajuk seten ba kawasa seten." ²³ Tita mam Yesus ,Intun hi be pot si'I,ti falus behi inapaki falus misil ta" Seten fajuk seten.? ²⁴ Membe,Kerajaan aha do taden,Inalawan hoi I diri,kerajaan ji do na tahan po. ²⁵ Heu membe Deu saha do taden,inlawan hoi diri deu sai ji do natahan po. ²⁶ injui inalawan hoi diri ti do taden,inatahan gapo hagada inmat. ²⁷ Do po,Mancu ta isun mat tai manet i deu bei na mat kawui,laiye I kapan Mat ji epe,fu gaupe ina mat hi kawui ga." ²⁸ fui ta m'tolon be mina,doso wai mancu beheu tepen ampung,ti pon beheu tafitei ta hapan pot ponti. ²⁹ Woti, mat ta falek Roh Kudus mepen ampun po,laiye ihalai poi doso ta woli," ³⁰ Ponta,ahli-ahli Taurat hifufu Isun Roh Najis." Keluarga Yesus Ta Banat. ³¹ V 31 Monto,Yesus nen,ti m'nou hi pot ti hi sol dodeu aupadi,hi pasul mat be I n'tun I. ³² Mat kawas hi tul aubuli Yesus,ti hifu be I" Au meng au nen ti au nom hi ta sung Au ne." ³³ Yesus infu behi,"Manta Ak nen na,ti ak nong hi na?" ³⁴ Monto,I neng mat kawas ta to tul aubuli ti,Infu behi." Meng aine Ak nen,ti Ak nong hi! ³⁵ Ponta mat ta hamol ponta banat del Kautuhelpo ilo, Iye Ak nong,Ak m'nowu,Ak nen.