¹ Bota Yesus Ingga halai nuji, I bola Yudea I ndel tiu nauja hangoi Yordan. Botpalaiti mat hi fajul abali, kesempatan talai I pangajat nat hide. ² Bota lai e mat Farisi, hi pot si yi, hi tofon Yesus monto hituni: "Aye waiman nuha inlai i faju gaii ?" ³ Yesus nfu behi, "He panta Musa infu bemin a?" ⁴ Hi fu, "Musa teipasul be amhamol surut ta kasam." ⁵ Monto, Yesus infu behi, "Po minlom takani, Musa nakes parente ne bemina. ⁶ Wolai ta matan tai fajai, 'At Mam I fajai waiman ti waju. ⁷ Be waiman i hapan halai i matakaliu mam ti nen, be hilalu jaitem. ⁸ Nunito hihalu bukun ailu "Capo do woti hihalu jai aitem. ⁹ Ponta At Mam Katuhelpo fajai heu, aye mancu nuha kasam na. ¹⁰ Bota hitodeu lomul e, murid hituni hoyo del ponji. ¹¹ Yesus infu behi, "Mat falotide ta i kasam halai faju be insau mat naha, i hamol sina be faju. ¹² Lai tune be i faju i kasam halai fa fudo insau dum mat naha tuno i hamol sina." YESUS I BARAKAT WAIMAHI ¹³ Monto, hi hut waimahi si Yesus be Yesus mawa bahi, wotita murid-murid hangot hi. ¹⁴ Heng talai e, Yesus in goi hi monto infu be murid-murid hi, "Beti hide mahakin waima ta hi wai hipot si Aka, kanje hina, ponta mat ta laiye tehini Karajaan Allah. ¹⁵ Akafu ta mtolon bewa, manta ta itarimi Karajaan Allah de waimahi tei, i sun la Kerajaan Allah po." ¹⁶ Monto, Yesus fagotol waimahi, ines I mawa behi ti ibarakat hi. MAT TA NAKAJANG TA KADU TA BE DUM YESUS ¹⁷ Monto ta Yesus inamtot i tandang, mat nuha i hanga si yi mo induwun ti intuni, "Guru ta fi panta mesti akhamol na be hepen warisan hidop ta kekal ?" ¹⁸ Ti Yesus infu beyi, "Popanta minfu akne fina ? Mat nuha ta ifi idopo wosti hat Allah in mei. ¹⁹ Min nu parente hi : 'Bun matna, bersina na, mawina, mjai kasih palsu na, halop mat na, hormat au mam tiu nen.'" ²⁰ Monto mat nuni infu Beyi, "Guru akanu pon hi bemtup baita akau gul cade." ²¹ Dum tita aklong deli monto aka fu beyi, "Pon naha ta dum aumnutei. Bo be au mob pontau nim, fudo bebemat ta hi hamkin, ti au mepen harta ta do surga. Heu tita au dum Aka." ²² Wo tita i losus inafigit I harta ta mtoi ji. ²³ Tita Yesus in nau nabuli i monto infu be murid-Hi, "Aine msus bemata i kajang hi sun Karajaan Allah!" ²⁴ Murid-murid hi dukhi be imsus, wo ti Yesus infu behi, "Waimamin sun Karajaan surga e sus ! ²⁵ Fudo membe mat ta na kajang sun surga ga, aiye unta nuha bisa isunina lam kou." ²⁶ Murid-murid hiduk hi ti nuha infu nuha, "he fudo, manta bisa i halamat na ?" ²⁷ Yesus in nau hi mo infu, " Be mancu e ponaiji gapo, wo ti be Allah e ga. Sebab segala sesuatu mungkin bagi Allah." KATEL TA TUM YESUS ²⁸ Petrus infu be Yesus, "Amne ambai pon bemtup tamnim be tum Aua !" ²⁹ Ngo ta lai ti Yesus infu : "Ak kafu bemina, mat ta tagal Aka ti tagal Injil, inbai i mnou, i mnou i nen, i mam, i waimahi, i dan, ³⁰ mat ji baine i nepen hoi aucin hagara mai, deu mnow, mnouwu, nen waima, ti dan, makin dum ti ta hi madiki mat, woti bot mul e hi hepen hidup kekal. ³¹ Baine mat kawas ta mafan, hi jai mat ta mul, tado mat ta mul jai mat ta matan. YESUS I FALUS HOI DEL I PAPMAT ³² Hi po sa ngisna la Yerusalem e, Yesus i bo nata. Hi fai takjub, jo mat kawas ta hi tum I e hi drat. Ti Yesus inwahoi nuti murid jamalu, I falus del ponta baine jayi be I, ³³ Infu, "Meng, at to ca la Yerusalem, baine hi serahkan Wai Manen si imam-imam kepala ti ahli-ahli Taurat. Be hi hukum I hagara inmat, ti hi soi I be mat Yahudi. ³⁴ Baine hi fahina I, tafu mbil I, ti hi pun I, wotita bewol tol I hjui. YAKOBUS TI YOHANES I PONTA FAGAU ³⁵ Monto, Yakobus ti Yohanes wai Zebedeus, pot si Yesus ti hi fu, "Guru, am fabau be cam e Au hamol ponta am fabau." ³⁶ Monto, Yesus infu behi, "He panta min mamau bek hamol be minna ?" ³⁷ Hi fu be I, "Be gae am mat nuha ntul do Au, paimlm nuha do Au palmi, do Au kemuliaan." ³⁸ Wo ti ta, At Mam Yesus infu be hi, "Min mnu ponta min fagau po. Aie min mnimpo cawan tu Ka min gai, ti baptis ba baptisan ta hi baptis ba Ak mbau ?" ³⁹ Hi fu be I, "Mbau !" Ngo ta lai e Yesus infu be hi, "Cawan ta kanim e min mnim, ti baine minmepen baptis ba baptisan ta hi baptis ba Aka. ⁴⁰ Wotita, be tul dodo Ak pal mlon te po Ak palmi, bukun Ak hak ta ke po, wotita nuiji be mat ta hi mtot hi." ⁴¹ Ngo ponta lae, " murid ja ji, Hi goi Yakobus ti Yohanes. ⁴² Ti ta Yesus in tun hi mo i nfu behi, "Min mnu Kapasti ta pemerintah ta bukun mat Yahudi hi po. Famol de ta hi kawasa nyet hi. Monto mat ta palehi til hi kawasa nyet mina. ⁴³ Woti, min do lai na. Jo min jai mat ta pale e, jai pelayan ho, ⁴⁴ be mat ta pasu be njai mat ta matan e, njai pelayan po pon bemtup. ⁴⁵ Habab ta, Waimancu I bot bukun be at layani I po, wotita be I layani ata, ti I bot be I be nyaw be jai tebusan be mat kawas." YESUS PASOI BARTIMEUS TA I MO FALEK ⁴⁶ Bota hi pot Yerikho. Bota Yesus ti murid dum mat kawas hi po hala Yerikho, hi pot pe pengemis nuha ta msan Bartimeus wai Timeus ta intul do maupadi. ⁴⁷ Bota inggo ta Yesus po Nazaret idodoji, intun mo in fu, "Yesus, Wai Daud, lomdel aka !" ⁴⁸ Nggo talai e mat kawas hangot i bei nga cana. Ti ta i wol hoi be pale, "Wai Daud, lomdel aka !" ⁴⁹ Bota Yesus inggo laie I barente ti in fu, "Mntuni". Tot ta lai ti hitun mat ta imofalek ji ti hifu beyi, "Manet Au lomji be msol de I ntun Awo." ⁵⁰ Tot ta lai ti i nlai jubah ti bo si Yesus. ⁵¹ Yesus in fu beyi, "Ale panta au mamau be Ak hamol be au na ?" Mat ta i mofalek ji in fu, "Rabi, do ak keng hoi." ⁵² Ti Yesus in fu beyi, "Aubode. Au iman i pasoi hoi Au hew." Del gang ti hawan, ineng hoi ti i bodiun Yesus del mamalas.