¹ Bota,Yesus infu be hi,"Aka fui ta m'tolon be mina,Mat filan ta soldo te hi mat't gapo,hagada hi heng Kerajaan Kautuhelpo bot dum kawasa. (Yesus,e,Musa,e ti Elia hi bengi.) ² Wolta w'nom ji Yesus ti Petrus,ti Yakobus,ti Yohanes behi pola hel ta hanlok ji ti Yesus i molo cap do lai ha. hoi. ³ Monto kawui ta inapaki ji mage ti bus beheu,Mat ta do dunya ne mat tai famol kawui bus lasa kawui ta Yesus inapaki ji dopo. ⁴ Monto,Musa halu Elia hapan masehi ti hi falus dum Yesus. ⁵ Ti Petrus infu be Yesus,Guru a,keng Nune cap'o be fu cam.. e, at fa mol dew satol,ai ha be Awe aiha be Musa ti ai ha be Elia." ⁶ Woti Petrus in nu pomta in fuji tei,pota hi behew hi dat. ⁷ Woltaha,met i bo ti in pui hi halu tita hi ngo falus kaja i ha ta hapam po met munji tain fu late Ai ne kwaitak klong deli mango I de!" ⁸ Hi nau lapae-lapae mat nuha doca hati Yesus in mei. ⁹ Bota Hi ic pohel jie ti yesus I be parente be hi,behi fu be mat naha na,pon hi heng ko ji,hagara wai mancu in jui pomat tai in mat't. ¹⁰ peto hi huti falus nunji ti hi tum hoi naha mat tain jui po mat tain mat't ae i manga li do lape. ¹¹ Monto hi tum Yesus,Po panta ahli taurat hifu Elia musti i bot natana?" ¹² Mom Yesus infu be hi,ELia i bot nata be in mam toe pon behew,ti po panta hi kesta wai mancu i kanca po,pon foi ti hi fa hinai na? ¹³ kafu be mina,Elia i bot hew te hi hamoli lasa ponta hi figit,ti lasa ponta hi kes ba iyi. (Murid hi kahcam ta hi fajuk roh ta fitei ta sunsi mat nuha) ¹⁴ Bota,Yesus,Petrus,Yakobus ti Yohanes hi wahoi si murid,hi ji heng mat kawas tahi to in buli murid hi,ta hi faset poti dum ahli taurat hiji. ¹⁵ Bota,mat ta hi fajul hi ji hi heng Yesus,hi duk hi ti hi nanja be hi tarimi I. ¹⁶ in tum hi," he pan ta famol hagara min fajet poti dum ahli taurat hina?" ¹⁷ Mat nuha po mat kawas tahi fajne hiji in fu be Yesus,Gurua ak ta kot ne,ak kut ak wai ta pon suni,ponta suniji famoli hagara kamoli. ¹⁸ poni suni tey nambili labat hagara m'nai hapan poi poti ti hagara i nga lot tii bebai im m'tem i kani,Ak fagaw po au murid hi behi fajuk roh ji woti kancami po,i do palai ta ata." ¹⁹ Yesus in fu behi'oiiminta min ni man tei co dum min hagara lau pe?Ak kabai dummin hagara laupe?Mut wai lane!" ²⁰ Ti hi hut wai nasi Yesus Bota rohi neng Yesus ti rohi sun wai hoy hagara wai in dol kam lul la bat li hagara m'nai hapan poi. ²¹ Hew ti Yesus in tum wai mam,ponta sum wai i wai cahe. ²² roh i sun wai mebe del-del de hagara i de wai la ji la jap lomue ti wja lomul bei bebe wai bimas.woti nebe au famol pon aha ga,lom del amti au mamajey ama hoi." ²³ Yesus in fu beiyi au m fu ta.Ak famolpon hogai? Pon be hew,be mat tai parcaei famol ga o!". ²⁴ gang ji ti wai imam in gai ti kapililo ti in fu,(Ak parca) Ma majey aka,mat ta parca tei ne!" ²⁵ Bota Yesus i neng mat kawas ta hi pot fadau be hi fajul hiji,tiy ngasa be oh ji,ti in fu be roh ji,roh tai famol mat kamou ti ngolo ta put mggok parente ni,hapan hala waine tiu sumi cama!" ²⁶ Bota roh i hapan tai kaman ji ti I manow wai ji ti roh hapan.Wai i do laca mat taim mathaw ti mat kawas hi fu in mat hew. ²⁷ Woti ta yesusi nut wai mawa ti imjuye ti waii mawa imsol. ²⁸ Bota Yesus i sun la dew lomue ji tiy murid hi tumi",he po panta am fajuk roh ji gatey na?" ²⁹ Ti infu behi,roh ta lai nee sus bei ha pam po mat,lai ba hambayang epe." (Yesus I Falus Deli Papmat) ³⁰ Popo tae Yesus dumti i murid hi dee ma ta po la Galilea ti I dum be mat nu cuma,pota bai tai pangajat murid hi ji,tiim fu pom behi ta,be wai mancu ta behi pe la mancu mawa lumol be hi pumli, woti wol ta pas ta hi pumi,woti wolta pas ta hi pu ni hew e,m'kan ai ta tol ji Im po mat tai in mat hew." ³¹ Pata bai tai pangajat murid hi jie ti infu be behi jo be hi pe "Wai mancui la mancu mawa lomul in juy." ³² Woti ta murid hi mangarti pon in fu behi ji po,te hi gat be I tuni. (Tun Naha Mantai Palena) ³³ Bota,Yesus tiy murid Hi pot Kapernaum.ta sun la dew lomul ji ti in tun murid hi" do ma tawoy ji min falus pana?" ³⁴ Woti hi behew falus gapo,do ma tawoy ji,naha tun naha man tai pale. ³⁵ Bota Yesus infu,tiy intun murid jamalu ji.Ti I falus behi,be mat nuha tai "N'jai mat ta mantan ae in jai mat ta be hat be pon behew ti in jai Pelayan pon behew epe." ³⁶ Bota Yesus na waitot nuha tiy bebe wai msol domurid hi punlo.Bai ta Yesus in bu wai tot ji ti in fu pon be hi, ³⁷ tari ni waia ta do lasa wai baksan ae i tarimi Aka.ti mat tay tarimi Ak ne bukuni tarimi Aka wolti tarimi I ta pasul Aka." (Mat Tai Fajuk Seten Ba Yesus I Msan) ³⁸ infu be yesus,"Gurua amheng mat tai fajuk seten bahu msan.Tim tagot i,pota i dum at tey." ³⁹ Woti,Yesus infu,"Malarang inapota lau ne dum ak keng mat nuha tai famol tanda mujizat ta bagang ji hujat Aka. ⁴⁰ Mat tai nalawang at tei,do palai ta ata. ⁴¹ Pone Ak kafu ponta mlon be mina,man tai be wjai kalas ai ha be min pata min mbo Krisrus,upah po mlai poy gapo." (Ponta Famol Mat Bardoso) ⁴² tai be hagara mat nuha po wai me taiway ta parea be akne bardoso,ai ta fie ma kapat Kilangan be koy doi kajolpa ti katuki la low. ⁴³ Membe au mamwai bebeu bardoso,datia au mamna ji.Fi be we sun la hidup ta fi ba mawa ta kabuk,dari pada mawa palu fi woti i sun la neraka jap ta li nmat gatei, ⁴⁴ katuhi ji mat gatei,tiy jap ji tuno mat gapo. ⁴⁵ Nu ta,katu hi ji mat gatei,tiy jap ji tuno mat gapo. ⁴⁶ au wemi bebew bardoso,datiw au wem ji.ai ta fi bewe,sun la hidop taki ji,ba we ta kabuk,dari pada we palu,woti sun neraka nu ta katu hi mat gatei,ti jap ji tuno mat gapo.Nuta katu hi ji mat gapo,ti japi mat gapo. ⁴⁷ au momji behew bardosoe, kadong ale momji,ta fi bewe,sun la at mami karajaan Kautuhelpo ba mo pa tem dari pada mo palu fi woti sun neraka, ⁴⁸ Nuta katu hiji mat gatei tei jap ji mat gapo. ⁴⁹ Pota dedem mat hepen fasiksa ba jap ji. ⁵⁰ Lesin ji fi woti membei nfai lesin lateye famol ba panta hagara in fai lesin hoi na? Lesin ji be mei awa tiw bebew comfi fi be mat behew.