¹ Umate mi, ingba nakaku gonong, sukanafera ae Tuhan gomi mi. Nang naga oli iltulis magala bana mia il-il ba ha mia merang anga ake oli il adi mia utiali. ² Afak ujaga mia jobal namul uhapa, afak ujaga mia nama tohing karajang p'ela ang uhapa, oli afak ujaga mia nama gaboga surat ang galeta. ³ Ping adiba nama ping sunat gaejel oli gama moli, oli lahatal ga eang hamolang gomi mi geng utoku, Yesus kristus geng tajaning, oli il-il ba pi boga aji geg ang miama utoku ganang. ⁴ Ani anga nendi barani neng u, oli nafak tajaning ae il-il ba ping uling geli. ⁵ Neng adi vid tulalo gomi nama neng sunat, neng israel abang ga manusia, oli Benyamin ga abang ga lelang, Ibrani ga manusia nang oli Ibrani ga hur ututuk. Taurat ugaluali, neng adi nama Farisi. ⁶ Oli dagili gomimi, neng jamat geng tamina, oli il ba nua ang ae Hukung Taurat mi, nang ka oli gahala bana. ⁷ Agani ibase, il-il tulang mia nangkafasa gene anga, adise nangga nukung il-il ba tulang ang mia na masiking gene anga kristus gelang. ⁸ Tabi, ajimi anga nang rasa nang marugi kala nang miama Yesus Kristus, Tuhanku, lebe mi nua karanu-karanu umega. Yesus gelang il ajimi nang mia moto goa oli ajimi anga emanghula bitang hadak anga gajoang, anga hi nang bisa Yesus miama na bahagian gene. ⁹ Yesus neng harak anga ka mamolo na gadang gilang banaga oli il ba nang harak ka taurat gelang banaga, ani ibase na iman parasaja miama Yesus gomi mi pbenang ba, nua hama Lahatala abung adu na iman parasaja gomi mi. ¹⁰ Loko e , adise nang geng harak jema kuasa bale apbetal giomi mi, anga hise na rup anga geng molo ga aminang gomi mi. ¹¹ Anga hise neng di bisa bale apbetal nama amina ga hahama mi. TADILI BETUR SORGA ABANG GADANG JEMA ¹² Ani ibase, ka bola neng adi molo-molo ani ibase neng di gatiari nang bisas gadoli, emang hula Yesus Kristus nadoli anga gajoang. V 13 Kaku gonong nang ganokung sebula nang gadoli jema. Ani iba se il anukakilang ba nang ukarajang: il ba namota goa jema anga natajobing gene oli nening ba nomi go adu majia anga ba nang uganukung. ¹⁴ Nang niaka pbei miama il ba nomigoa ma jia anga ba gadang pbenangba hadiah anga malekang dapa, pbenangba Lahatala ga agang gamoring Yesus kristus gomimi. ¹⁵ Mae ping ba apbetal molo ping ganukung malekang anu. Kalu ingka i ganukung ani banaga se Lahatala gang uli gene gatarang mia itubing. ¹⁶ Anga gilang, mae ping apbetal ganua gahama ba ping tarima jema anga gajoang. ¹⁷ Kaku gonong serang gonong, mae na rupa na sonto anga ba ing ugaluali oli iyeng nua-nua miama nama ba iyabung apbetal anga gapbetal miama toga uling. ¹⁸ Oli, nama tohing rae apbetal Kristus ga leut anga miama gapolung gene. oli il adi ba nang biasa miama iyala sarinta oli adidi nang miama iyala sarinta magala neng di miama ugahalung. ¹⁹ Gi apbetal ga topol tang mi pbenang ba minang ahi hila, oli giotok anga ba ging miama gi Lahatala gene, ging tajaning palevang anga ping gene maniang. Gi pikir giganukung anga ilba palika ge. ²¹ Gang pi boga aji pbela gahala karang karita gomi gang gabuala gene nua hama enas hamolang huling melak garupa anga molo. Oli, Kristus ga kuasa gomi mi il karanu ba gie palika tang gang miama giaka tel giva dumang mega ajimi-ajimi go toku.