¹ Polo demais, irmáns, pedímosvos e animámosvos no Señor Xesús, que do mesmo xeito que aprendestes de nos como compre andar para agradar a Deus (que de certo, así o facedes) abundedes mais e mais niso. ² Porque xa sabedes que instruccións vos temos dado no nome do Señor Xesús. ³ Porque a vontade de Deus é a vosa santificación, que vos afastedes da fornicación, ⁴ que cada un de vos cuide o seu propio corpo en santidade e honor, ⁵ sen se deixar gobernar pola paixón, como os xentís que non coñecen a Deus, ⁶ que ninguén peque nin asoballe ao seu irmán neste asunto, porque coma xa vos temos anunciado e testemuñado dun xeito solemne: o Señor venga todas estas cousas. ⁷ Porque non nos chamou Deus á impureza, senón á santifidade. ⁸ Polo tanto, o que non quere facer caso nisto, non rexeita a un ser humán, senon a Deus, quen é quen vos da o seu Espírito Santo. ⁹ Verbo do amor de irmáns, non precisades que vos escriba, porque vos mesmos sodes ensinados por Deus a vos amardes uns aos outros, ¹⁰ cousa que en verdade facedes con todos os irmáns en toda a Macedonia, pero rogamosvos, irmáns, que o fagades mais e mais, ¹¹ e que teñades como albo vivir sosegados, e ocuparvos nos vosos propios asuntos traballando vosas vosas propias mans, comforme vos temos mandado; ¹² a fin de que andendes de xeito honesto cos de afora, e non precisedes de nada. ¹³ Tampouco queremos, irmáns, que ignoredes verbo dos mortos, para que non vos entristezcades como aqueles que non teñen esperanza. ¹⁴ Porque se cremos que Xesús morreu e resucitou, do mesmo xeito Deus traerá con Xesús aos que durmiron nel. ¹⁵ Polo tanto decímosvos isto apoiados na palabra do Señor; que nos, os que vivimos, aqueles que quedemos ata a vinda do Señor, non precederemos aos que durmiron. ¹⁶ Porque o Señor mesmo, con voz de mando, con voz de arcanxo e con trompeta de Deus, baixará do ceo e os mortos en Cristo resucitarán primeiro. ¹⁷ Despois nos, os que quedemos vivos, seremos arrebatados xunto con eles nas nubes para encontrarmos co Señor no aire, e asi estaremos sempre co Señor. ¹⁸ Polo tanto, consoládevos uns aos outros con estas palabras.