¹ Pero tocante aos tempos e as ocasións, irmáns, non precisades que vos escriba. ² Porque vos sabedes á perfección que o día do Señor chegará coma o ladrón ploa noite, ³ Cando estén falando: Paz e seguridade! entón, como a dor da que está de parto, virá sobre eles de súpeto destrucciòn, e non fuxirán de xeito nengún. ⁴ Pero vosoutros, irmáns, non estades nas tebras para que ese día vos sorprenda coma ladrón, ⁵ porque todos sodes fillos da luz e do día; non somos da noite nin das tebras. ⁶ Non adormezamos pois, como os demás, senón sexamos vixiantes e sobrios. ⁷ Porque os que durmen, pola noite durmen, e os que se emborrachan, emborráchanse pola noite. ⁸ Nos, que somos do día, sexamos sobrios e revistámonos coa coraza da fe e o amor, e co casco da esperanza de salvaciòn, ⁹ Porque Deus non nos destinou para ira, senón para acada-la salvación por medio do noso Señor Xesús, o Mesías, ¹⁰ quen morreu por nós para que, xa sexa que estemos espertos ou dormidos, vivamos xunta Él. ¹¹ Por iso, animádevos uns os outros, e aconselládevos unos os outros coma sempre facedes. ¹² Rogámosvos, irmáns, que respetedes aos que traballan entre vos e vos cuidan no Señor e vos ensinan; ¹³ que os teñades en alto e amoroso aprecio por causa dos seus traballos. Tende paz os uns cos outros. ¹⁴ Exhortámosvos tamén a que advirtades aos desordenados, que lle deades azos aos desanimados e sexades unha axuda firme para ós febles, e que teñades pacencia con todos. ¹⁵ Mirade que ninguén devolva a outro mal por mal, senón procurade sempre o bo os uns para con os outros, e para con todos. ¹⁶ Alegrádevos sempre! ¹⁷ Orade constantemente, Dade grazas en todo, ¹⁸ porque ésta é a vontade de Deus para vos en Cristo Xesús. ¹⁹ Non apaguedes o Espírito. ²⁰ Non despreciedes as profecías, ²¹ senón examinádeo todo e quedádevos co que é bo. ²² Arredádevos de toda especie de mal. ²³ E o mesmo Deus de paz, santificarávos por completo, e que todo o voso ser: espírito, alma e corpo, sexa gardado irreprensible na vinda de Xesús Cristo, o noso Señor. ²⁴ O que vos chama é fiel, así que Él hao facer . ²⁵ Irmáns, orade por nos. ²⁶ Saúdade a todos os irmáns cun bico santo. ²⁷ Pídovos no nome do Señor que esta carta sexa lida a todos os irmáns. ²⁸ A graza do noso Señor Xesús, o Mesías, sexa convosco.