¹ Njina kuthselela nguange kuatha ulihake mo hamo nange muvimo via vulayi. ² Vunoni una lihakemo muakama hamo nange! Muomu ange njili na lifu ua nove. Njili na lifu ua lia vuKalunga kuli yove, mukukala ngua Nja ku kulahetha vulo ku mumala umo. Nja kulahelethele ku kuhana ngue mumbanda kanda a limone lumo na mumala kuli Kilistu. ³ Vuno njili na liova oku kumo, nguange linoka ua kuithile Eva ha chifua cendi, vithinganieka viove kuatha vi kutanganethe kutunda ku vuchili na kujela mu kupangela Muene. ⁴ Muomu hamo tutumbule nga kuija umo akuambulula Yesu uaye keti uje yo tuambuluile yetu. Ndi unapande kutambula Sipilitu ya ku lithatha noyo youa tambuile. Ndi una pande kutumbula muzhimbu ua chili neyi yomua tambuile. Una lihake mo novio viuma vuino. ⁵ Muomu njina thinganieka nguange ange keti umo ua vaje vavandende kuli vaje va-kutumbula vapostolu-vakama. ⁶ Vunoni nambe nga kova Nji longethele kuhana vihandeka, keti ngua na mu mana konja lilongethele. Mu vilinge vioshe namu viuma vioshe tuavi lingitha uvizhive. ⁷ Njina vihitha monji na likehetha ange vavenia linga ove va kushangale. Muomu njina zhituka kuambulula muzhimbu uachili ua Kalunga kulieni. ⁸ Ange njuanja vingeleka vikuavo mu kutambula kuatetho kuli vakevo linga Nji kupangele. ⁹ Omo Nja kele nove Nja viyonguele, na umo uahi yonja shatiyalele. Muomu viyongola viange via liuanene nevi via vamunaina vaje vatundile ku Mesondonia. Muvioshe Nja litundithile ange vavenia mu kukala chiteli kuli yeni, lalo Nji katualaho mu kuvipanga ngocho. ¹⁰ Ngue vushunga vua Kilistu vuli muli yange, echi ku linthsimanetha change kochi ka Nji holuetha ku mutamba ua Akaya. ¹¹ Muomu lia vika? Mukonda konja miyonguele ndi? Kalunga nazhivuka. ¹² Novio vio Nji kapanga njika tuikila kupanga, linga nguavo njinoneho ku lishangala kua ku njipaya na kuthana kuje kova yonguele kulipamba-nguavo vavauana kupanga vilinge vimolika nevi viotupanga. ¹³ Muomu vantu vacifua ocho vanapu va positolu vamakuli. Va limuetha avo vavenia ngue vapostolu va Kilistu. ¹⁴ Evi keti vikomo, omu nambe satana na lipuitha eni vavenia ngue kangelu ua ceke. ¹⁵ Keti chikomo chakama nga vangamba vendi navo vana lipuitha avo vavenia ngue vangamba va vushunga. kuthselela kuavo kuka lifua ngue munafuila vipange viavo. ¹⁶ Njina handeka lalo: Keti umo a nji thinganieke ngue nji lilayi. Vuno nga muvipanga, nji tambuleni mu vulayi Nji linthsimanethe kavundende. ¹⁷ Vika njihandeka hamo nevi viaku lishangaletha na nzhili-Ange ko njihandeka mungila oyo Muene atha kuhandeka-Nji handeka ngue lilayi. ¹⁸ Nambe omo vantu vavengi va thsimana kushuama kuvuthitu, nange naua nji thsimana. ¹⁹ Mukonda muna jolela kukala na viheve. Muazhangama eni vavenia! ²⁰ Muomu una lihaka hamo na umo nga yendi a kuyandetha, nga yendi a kumina, nga a tambula vuchili vuove, nga yendi a lishangaletha endi vavenia, ndi amba a njikapula kumesho. ²¹ Nji handeka ku nthsuama yetu ngue mutue kuyena nzhili mu ku vipanga. Nolo nga ou uoshe athsimana-Ange njihandeka ngue chiheve-Nange lalo nji thsimane. ²² Avo va Hevelu ndi? Nange vene. Va Isaleli ndi? Nange vene. Ava va chikota cha Avilahama ndi? Nange vene. ²³ Avo vangamba va Kilistu ndi? (Nji handeka ngue Nja zhaluka.) Njina pulakana. Nja kala mu vipanga viavikalu kutuvakana, mu tumenga tuaku hale, mu vipupa via kutuvakana kuetheketha, mu kuliuana na vitanga viavingi via kutsa. ²⁴ Kutunda ku vaYundeya nja tambuile vimthsimbu vitanu via "makumi a uana a makote kunonamo limo." ²⁵ Zhinthsimbu zhitatu va Nji pupile na viti. Lumo vanjashele mavue. Vinthsimbu vitatu njakele muvuato movua vombelele. ²⁶ Nja kele vuthsiki na mutania ku kalunga ndonga. Nja kele mu mangenzhi a laha, mu vushonde vua kutuhola kundonga, mu vushonde vua kutunda ku vuizhi, muvushonde vua kutunda ku vaka vifuti, muvushonde vua mukunda, muvushonde vua muvindinda, muvushonde vua kukalunga ndonga, mu vushonde vua vamunanana va vishaki. ²⁷ Njina panga mu vipanga na nzhili, na mithithi yayingi ya kujeneka kundanda, munjala na mulihuila, muakama mu kudhilila, mu lithika na mu mishengashenga. ²⁸ Kutundithako viuma vioshe nkala, kuli vishoti vianga via nkala litangua ku vingeleka. ²⁹ Yiya najeneka ndhili, ange konja jenekele ndhili ndi? Yiya yova na lingitha a punduke, ange konja uemene ndi? ³⁰ Nga Nji lishangala, Nji lishangala kutuala kuli vije vileketha vudheye vuange. ³¹ Kalunga na Yishe ya Muene Yesu, ou yova lemetha nkalaha, edhiva nguavo konjethi na kukuitha. ³² Kundamasika, nguvulu ua kuinthsi lia Muene Aletasa ua niungile mbongi ya Ndamashiku na ku nji kuata. ³³ Vunoni Nja kele muinthsi lia chivuvi kuhitila ha njanena ya livumbe na kuthivuka mu mavoko endi.