¹ Njina pande kuli shangaletha, nambe nga viahi nji uana mo muli Muene. Vuno honi nji kaye vene na vimona na vilekotho via kutunda kuli Muene. ² Njidhivuka liala ua muli Kilistu, miaka likumi nai uana ili kunima ou-cikale muinthi ndi hanja lia muvila, kunji muthivuka, njambi a mu dhivuka-vamu tualele muilu liamu citatu. ³ Njidhivuka lalo nguanga liala ou-cikale mu muvila, ndi hanja lia muvila, kunji muthivuka , Njambi au thivuka - ⁴ vamu vamu tualele mulihia keho ua kovuile mejuiaje vantukuva tha ku a kuania ndi cidhila linga va a kuanie. ⁵ muomu ua cifua ca ngoco njika mukuatela mo muku lishangeletha. vuno honi ku nji ka kuatelamo ange vavenia muku lishangaletha, kunona ko kuhonena kwange. ⁶ Ambe nji hangula ku lishangaletha, konji ka tala ciheve, muomu njika handeka vucili. Vuno honi njika likela ku lishangaletha, linga na umo uahi aka thinganieka via vingi kuli yange kutuvakana vije via mona muli yange ndi viovua muli yange. ⁷ kuli ngila keti njili shangale ange vavenia muomu lia vukama vua ku tuvakana vuei viva nji jomboluela, vanji haka lianja munji lishangaletha ange vavenia. ⁸ Evi nja vilombele kuli Njambi lutatu, linga anji tundithelio. Vuno ua kuaniene nange, ⁹ ''Ngodhi yange ina puilamo kuli yove, muomu ndhili njina yiuathela mu vudheye. Keho hasha nji lishangalethe vudheye, linga ndhili ya kiristu ika hali yange. ¹⁰ Mukemo honi ange nji yolele muli Kiristu mu vudheye, muka shaundu, mu vitanga, mutuyando na vintsimbu via vishoti. Muomu hanji dheya, keho nji uana ndhili. ¹¹ Njina heve! Yeni muna nji thindueya vuo, muomu muna pande kunji shangala. Muomu kunja kehele kuli ava vali tumbula nguavo va Apostolu vakama, nambe munja kala nji muntu ua ngoco. ¹² Viletho via ka Apostolu nja vipangele hakati keni na lukakatela luoshe, vileketho na vipupu na vikomouetho. ¹³ muomu muua kele na theho yahi yaku tuvakana vikungulukilo vioshe, ku tundithako munja jeneka kumi lemetha ndi? Njeceleni ku viuma evi nja vitha! ¹⁴ Taleni! Njina li vuahethela kuija kuli yeni luamu citatu. ku njika milemetha, kunje kuthetela vieni. Eni yeni njiyongola. Muomu vanike kuva hakela vakuluntu. Te nga honi, vakuluntu vahakele vanike. ¹⁵ Na njangi njika mihan kulihane yange vavenia omo miono yeni. Ambe njami yonguela muakama, ange co munji yongole kama ndende? ¹⁶ Vuno honi ngue muvili, kunja mi lemethele. Muomu munja kala na mana, yange njami kuatele mana. ¹⁷ Njami lingilile mo ku nkala uoshe unja mi tuminine ndi? ¹⁸ Nja kandelele Titu aye kuli yeni, njami tuminine lalo mukuavo ua kuija nendi. Titu uami lingilile mo ndi? ku tuendele mu sipiritu yimo lika ndi? Ku tuendele mu mianja imo lika ndi? ¹⁹ Eni mu thinganieka ngueni vintsimbu vioshe tua liamenene etu vavenia kuli yeni ndi? Mu mesho a Kalunga, vaka cilemo, muli Kiristu tua handekele vioshe evi linga tumi kolethe. ²⁰ Muomu njili na liova nguange munji keja nja kumiuana ngue munji miyonguela. Njili na liova nguange kumua ku njiuana ngue mumu njiyonguela. Njili na liova nguange vali kuania, valiu vuila cipululu, va tuika na vukalu, kuli luitha, vishaki, kutuaha, kuli halela na kuli cokota. ²¹ Njina teue nguange hanji ka hiluka, Kalunga kange aku nji konkeke kumesho eni. Njina teue nguange njaku zumua ku vavengi ava va vihitha laja ava lalo vajeneka kuli tavela kuku juala kuavo navu kuidhi na kuli haka mashungu ava pangele.