¹ Ange, Paulu, ange vavenia njina kandelela kuli eni, na kuli kehetha na kuli kankeka kuli Kilistu. Ange Nja likehetha nga njili neni, vunohoni njika thimpi kuli yeni nga njinayi. ² Njimi lambelela nguange, omo nga njili neni, konji yongola kuthimpa na kulikaniameka-ange vavenia. Vunohoni Nji na thinganieka Nji napande kukola mu kuviana kuli vaje va viana nguavo tuli nakuenda muvuthitu. ³ Nambe omu motuli nakuenda muvuthitu, kotue kuetheketha nzhita hanthsitu. ⁴ Konda viluitho viotukalu navio keti viahanthsitu. Nkuma co, viakala na nzhili yakama kushanduola nzhili yakama. Vikanehe kuviahi kuvevuka mu kukuania. ⁵ Umba lalo tukavihitha vioshe viuma via laha vije vi katuka kulitanga na mana a Kalunga. Tu kanono nkala cithinganieka kuliya na Kilistu. ⁶ Kehohoni tuna livuahethela mu kuhahana kashitiko nkala vipanga via lithino noho mupwithemo kuononoka kueni. ⁷ Tala vuino evi vina kushungama vili kulutue luove. Nga umo netava nguavo endi muka Kilistu, athe ku livuluitha nguavo ngue lika omo endi muka Kilistu, mukemo motuli lalo netu. ⁸ Nambe omo nga nji shangalako kutualako kamandende kutuala kumpoko, yije yahanene Muene linga tutunge kutuala kulutue umba keti mukumivihitha, kunji ka kala lalo shuama. ⁹ Ko Nji yongola Nji miuvuithe liova na mikanda yange. ¹⁰ Ku vantu vamo vaka handeka nguavo, "Mikanda yendi yakala na nzhili, vuno muvila uazheya. Majui endi kakele navungulu ku a tolilila." ¹¹ Vavizhive kuvantu nguavo evi viotuakala mu mathona etu amba tuvahiko vikevio lalo viotuakala muvipanga amba hotuli. ¹² Kotuyi hale ngue tulipuitha vimbunga ndi kulietheketha etu vavenia kumo navaje vaka lishangala avo vavenia. Vuno omo valietheka avovavenia ku umo na mukuavo na kulifuitha vavenia navo vavenia, kovakele na namesho amuinthsi. ¹³ Etu, vunohoni, kotushangala kupulakana kuetheketha. Te, tuna pande kumu tuvakana kuethekela etu vavenia. ¹⁴ Muomu kutua livuethelele lalo nawa omuo tuahetele kuli yendi. yetu tuakele vaku livanga kuheta kuli yendi mu muthimbu ua kiristu. ¹⁵ ku tuli shangaletha mu kutuvakana muvipanga via vakuavo, te nga vithinganieka vietu vikevo kuthilela ceni muci tuale kulutue na kukola. vipanga vieni mukati keni vikali hamesa muakama . ¹⁶ Etu tuna thiliela kuli evi, linga tukahase kuambulula muthimbu uacili kufuti vieka, kutuli shangaletha kutuala kuvipanga evi vana panga kumihela yikuavo . ¹⁷ vuno honi muetheni ou ali shangala, ali shangale muli Kalunga ¹⁸ ;vuno honi uje ali shangalanguendi uamungulu kava kamu tambula , vuno honi, uje lika ashangala muene Kalunga.