¹ Vakafumu va vaEfurayimu avakuyita, mukuvindakana vapite Zafoni nakukatantera Jefuta, ''Morwa nke wavindakanena mukukarwanita mbunga ya Amoni ano atwe kapi watuyita tuyende navo? Atwe ngatushwakerera ndjogho yoye muroye.'' ² Jefuta avatantere, ''Ame na vantu vande kwakalire muvita vyavinene kumwe na mbunga ya vaAmoni. Opo namuyitire, Kapi mwayire muyandjoghore kukwavo. ³ Opo navimonine ashi anwe kapi muna kundjoghora, mpo natulire liparu lyande mumaghoko ghanaumwande nakuvindakana nirwanite mbunga yaAmoni, ano Karunga ampa lifundo. Vinke nka ovyo muna kuyera muyandwanite namuntji?'' ⁴ Jefuta apongayiki vakafumu navantje vamuGileyada nakukarwanita vaEfurayimu. Vakafumu vamuGileyada ava homona vakafumu vaEfurayimu mukondashi vavo kwaghambire, ''Anwe vaGileyada muvatjwayuki vamuEfurayimu - muEfurayimu na Manase.'' ⁵ VaGileyada ava kwata mayenga ghakuyaghukira muEfurayimu. Kehe uno muparuki waEfurayimu opo ngavaghamba, ''Tanko niyende musheli munya yamukuro,'' Vakafumu vaGileyada ngavavatantera, ''Ove muEfurayimu ndi? Ntjeneshi nga ghambe, ''Hawe,'' ⁶ Makura vavo kuvhura vamutantere, ''Tanta: Shiboleti,'' ano ntjene atanta ''Siboleti'' (Mukonda kapi ana kuhungika kuyitwenya nkango), vaGileyada vana hepa kumushakana na kumudipagha pamayaghukiro gha Jorodani. Paruvede ro vavo kwadipaghire vaEfurayimu mayovi dimurongo ne navaviri. ⁷ Jefuta apangere mughupanguli waIsraeli mwaka ntayimwe. Makura Jefuta muGileyada afu nakumuhoreka mushitata shimwe sha Gileyada. ⁸ Kuruku yendi, Ibizani wa Betelehemu apangere mughupangeli wa Israeli. ⁹ Ghuye kwakalire na vana va vakafumu rontatu. Atapa vana va vakadona rontatu mukuvakwara ano ghuye akashimba pandje vakadona rontatu kuvantu vamwe mukonda ya vana vendi vavakafumu. Apangura Israeli mwaka ntambiri. ¹⁰ Ibizani afu nakumuhoreka muBetelehemu. ¹¹ Kuruku yendi Eloni muZebuluni apangere mughupanguli waIsraeli. Apangura Israeli mwaka murongo. ¹² Eloni muZebuluni afu nakumuhoreka muAijaloni muashirongo sha Zebuluni. ¹³ Kuruku yendi, Abidoni mona-rume wa Hileli muPiratoni apangere mughupanguli wa Israeli. ¹⁴ Ghuye kwakalire na vana vavakafumu rone, ano vatekuru vavakafumu rontatu. Vavo kavarondanga vidongi rontambiri, ano ghuye kwapangulire Israeli mwaka ntantatu. ¹⁵ Abidoni mona-rume wa Hileli muPiratoni afu nakumuvhumbika muPiratoni mushirongo sha Efurayimu muvirongo vyandundu vyaAmaleki.