¹ Tapa ltwi, ove liwiru, ntani ndeke nighambe. Renka udjuni utegherere kunkango damukanwa kande. ² Renka mashongero ghande gha rokwe yira mvhura, renka shighamba shande shishonye yira lime,yira mvhura ya uhaya pamushoni vatekura nawa, nka yira shiyowaneno pa vitondo. ³ Ame ngani fumbura lidina lya Karunga, na kutongonona unene kwa Karunga. ⁴ Liwe, viruwana vyendi vya tikiliramo. ano ndjira dendi kuhungama. Ghuye Karunga walihuguvaro, apito lipuko, ghuye ndje tupu ntani kwahungamenena. ⁵ Vavo kwa ruwanine ufuke mukudimuvyuka. Vavo kapishi vana nka, oghuno ngoupirankenda wavo. Vavo mahoko waulimbantu naghu kuruku. ⁶ Murupe runo mo mwakuvura kumuruwana Karunga, anwe vantu vavagova na upirandunge ndi? Ghuye nani kapishi shenu,kapishi ndje amu hungo? Ghuye kwa muruwana na kumuyeranita anwe. ⁷ Vhuruka nyuku daviruwo vyakapito, teda kuhamena mamwaka gha uye wakapito. Pura vasaho vavo kuva kunegheda, ano vakurupe venu kuva mutantera. ⁸ Apa muka ndagha-ndagha kwa pire dimuhoko upingwa wavo- apa ghuye agaununine mautungo gha pantu, na kutulitapo sheteko ya vantu, kutwara pamuvaro wa va Karunga vavo. ⁹ Likuyereko lya Karunga vantu vendi; Jakopo ndje liyereko lya upingwa wendi. ¹⁰ Ghuye kwa muwanine mushirongo sha mburundu, ntani mu livhu lya shivhe na mapuku; ghuye kwa muwenga-wengire na kumutekura nawa, ghuye kwa munomena yira apeli ya lintjo lyendi. ¹¹ Yira likuvi lina kukungo shikorowo shalyo na kudeura vana valyo, Karunga kwayandjire mavava ghendi naku vaghupa, na kuvashimbira pa mavavaghendi. ¹² Karunga pantjendi amu pititiliro;nkundereko Karunga wava navirongo akaliro kumwe naye. ¹³ Amu ruwanene ndondero pa mavango gha kutuntuka gha shirongo, na kwa murelitire kunyango ya mulifuva; ghuye amurombere na ushi wa kutunda muliwe, na maghadi ghakutunda ku liwe lya kushinko. ¹⁴ Ghuye Kalyanga maghadi ghakutunda kushivunda ntani kanwanga mashini ghakutunda kughutanga, na maghadi gha vindjwighona, makungwe ghandjwi gha Bashani na vimpendje, kumwe na nakinaki ya yarukokotwa- nka kaghu nwanga vinyu ya mangambwa varuwana kutunda kumandjembere. ¹⁵ Ngoli Jeshurumu kwa kulire na maneta aghu tanga- ove kwa kulire na maneta, ove kwambwindjukilre unene, ano ove kaghu lyanga momo una kukuyuvhira- ghuye ashuvu Karunga ogho amu ruwano, nka ashwena liwe lya liyovoro ndi. ¹⁶ Vavo ava renkita Karunga arwe lifupa nava Karunga vavo vahana dumba, na udona wavo vavo kwa mugarapita. ¹⁷ Vavo kavadjamberanga ku mpepo dadidona, odoshi kapis Karunga- vaKarunga ava vadira kuyiva, vaKarunga ovo vapilire kutrjira vashenu. ¹⁸ Anwe kwa Vhuramine liwe, olyo lya yakaliro shenu, nka anwe mwavhuramine Karunga ogho amupiro monyo. ¹⁹ Karunga amono vino makura avapa nyima, mukondashi vana matina vanakadona vendi vana mushuvu. '' ²⁰ Ame ngani vahorekera shipara shande,'' mo aghambire, ano ngani moneshi vinke ngavikakara uhura wavo, kukwawo ngaghu kurongereko mulihoko waku meho, vanuke vakupira lihuguvaro. ²¹ Kwa ndenkita nirwe lifupa kwa ghoshi kapishi Karunga ntani ava ngarapita navinke vyavo vya hana mulyo. Ame nganivarwitita lifupa kwavoshi kapishi vantu; kwa muhoko waugova ame ngani vaagarapita. ²² Kumundiro nko ngadipayita kuugara wande nka ngaungongoma nange kumatateko kwene; ngavirungwenita udjuni na nyango yamo; nganitura pamundiro matateko gha ndundu. ²³ Ame ngani tuma vihupa papawo; ame ngani ponya vikutji vyande kukwavo; ²⁴ vavo ngava hepa kunyara naku haragana kughupyu wa mundiro nakuviuru wa lihanauko; ame ngani tuma pavo mayegho gha vikashama vya muwiya, na ushungu wa vininke vya vova nango palivhu. ²⁵ Pandje maghonga ngaghadjonaura, ntani munda da kurara namo nka mushikwavo. Ngavi djonauka maruha naghantje gha vanuke mati na vakadona, vakeke vakuvhiha na vakafumu va mbyi. ²⁶ Ame kwatantire ashi ngani vakandwira kughureure, ashi ame ngani ruwana shivhurukito kwavo mukuvighupamo mukatji kavo. ²⁷ Ame kapi natjilire kumapukito gha vana nkore, mposhi vana nkore ngava ghambe vyamapuko, ashi, livoko lyetu lyankondopa; okuno ame na viruwanino. ²⁸ Ngoli Israel muhoko ogho wapiro ndunge ntani mwato liyuvhoko mwavo. ²⁹ Hawe,yira mbovashi vakalire vanongo, yira vavikwatire lighano, yira vaghayadalire kughhura wavo. ³⁰ Weni avhulire muntu umwe kufunda liyovi, ntani vaviri vature mayovi murongo mukurwa, nkwandi liwe lyavo lya vaghulitiro, ntani Karunga ndje avatapiro? ³¹ Liwe lyava na nkore vetu kapi lyafana yira liwe lyetu, nampiri ndi vana nkore vetu vantjangurure weyo. ³² Shipata shavo kwatundilira kushipata sha Sondoma. Ntani kwatundilira ku mafuva gha Gomora; ano mandjembere ghavo mandjembere gha ushungu; lighongaro lyavo ururu. ³³ Vinyu yavo ushungu wamayoka na tughushungu twa ligwe lya ugara. ³⁴ Lighano lino nani kapishi ame nalikwato, mpo nalipungulita muvapunguli vande? ³⁵ Liyuto ruvoko lyande muku litapa, na kuvyuta, pashiruwo osho ngali sheneta mpadi dawo; liyuva lyavo lya udito pepi lina kara, ntani vininke ovyo vina kuyo papavo ngavi kwangura mukushoroka.'' ³⁶ Karunga ngatapa mpanguro hungami ku vantu vendi, ntani nga shengawida vakareli vendi. Ghuye ngamona ashi nkondo dawo dina vapu, ntani naghumweshi ana hupopo, vakare vapika ndipo vamanguruki. ³⁷ Ntani ngaghamba, '' Kuni vana kara va Karunga vavo, liwe omo vatura lihuguvaro?- ³⁸ vakarunga ovo kavalyango maghadi gha ndjambo davoda kushwakerera na kunwanga vinyu ya ndjambo davo da kunwa? Vashapwitenu vamupopere; varenkenu vakare ghuvando wenu. ³⁹ Kangenu ngoli ashi, ame, Karunga, ntani kwato karunga ogho amfano, ame kudipagha na kutura monyo, ame kuremeka na kuverura, nka kwato kuvhura mukukupopera nwe ku unankondo wande. ⁴⁰ Ame kuyerwira maghoko ghande muliwiru na kughamba, 'Shika moomo nakuparuka naruntje, ngani pangera. ⁴¹ Apa ngani rora rufuro rwande rwa kuvembera, napa lighoko lyande ngalitameka kuyita mpanguro hungamo, ame ngani tura mafutito ku vanankore vande, ntani ngani vyuta rughoko kovo vanyengo ame. ⁴² Ame ngani korwita vanyengi vande na honde, ano rufuro rwande ngarupapaghura nyama na honde ya vadipaghi na vankwati, ntani kutundilira kudimutwe da vampititi vanankore.''' ⁴³ Hafenu, anwe muhoko, na vantu va Karunga, ghuye ngatondora honde ya vakareli vendi; ghuye ngafutita vanankore vendi, ghuye ngatulitapo lighupiropo ku shirongo shendi na vantu vendi. ⁴⁴ Mosesa aya nakughamba nkango nadintje da murushumo rwendi mumatwi gha vantu, naye na Joshua mona Nun. ⁴⁵ Makura Mosesa amaita kughamba nkango mudima kuvaIsraeli navantje. ⁴⁶ Ghuye aghambire kukwavo ashi, ''Nungakanitenu maghano ghenu kunkango nadintje edi namutapere ungambi namuntji, mposhi ngamu kadipampilikide ku vantu venu ngadikakare mumwavo,nkango mudima da veta yino. ⁴⁷ Ovino kapishi vya maghokoghoko tupu kwenu, mukondashi nyo liparu lyenu, ntani kupira movino vininke anwe ngavamuwederera ko kumayuva ghenu mushirongo osho ngamukatauruka Jorodani mukashighupe.'' ⁴⁸ Karunga aghambire kwa Mosesa muliyuva ndyolinya na kughamba ashi, ⁴⁹ ''Kanduka uyende mundundu ya Abiramu, kuwiru ya ndundu ya Nebo, yakaro mushirongo sha Mowaba, shakuvyuko na Jeriko. Ove kughukakenga kushirongo sha Kanana, osho nakupa vantu va Israeli ngashikare shavo. ⁵⁰ Ove kughukafera pa ndundu oyo uronda, makura ove ngavakupakerera kuvantu voye, shika moomo Arona mukuroye afelilire pa ndundu ya Hori na kumupakerera kuvantu vendi. ⁵¹ Ovino ngavishoroka mukondashi kapi wa limburukire kukwande kumeho ya vantu vaIsraeli ku mema gha Meriba muKadeshi, mumburundu ya Siini, mukondashi kapi mwantekulire nawa na lifumadeko na kuntjindjimika mukatji kavantu va Israeli. ⁵² Koye ove kuumona shirongo kumeho yotye, ngoli kapi ngauyendamo, mushirongo oshi nakutapa kuvantu vaIsraeli.''