¹ Oghano ngo matungiko Mosesa atungikire vantu vendi vamuIsraeli kumeho adohoroke. ² Ghuye aghamba ashi: Hompa kwatundilire ku Sinayi, apumu yira liyuva lya kutundo kundundu ya pa pavho. Amonikire nawa ghuye nakutundilira kundundu ya Parani, ntani ayire na vaengeli vendi mayovi murongo. kulighoko lyendi lya rulyo kwa twelire mundiro. ³ Vyashiri, aholire vantu vendi, vantu vendi navantje vakupongoka kwa kara muligho lyoye, ntani nka vavo kutongamena kumpadi doye, vawane nkango doye. ⁴ Mosesa atapa veta wadimuragho, twapinga mbunga ya Jakopo. ⁵ Mpwali Hompa akaliro mu Jeshuruni, vampititi va vantu apa vayire kumwe, va mumarudi gha Israeli pamwe. ⁶ Renka Rubeni aparuke, kapishi afe, ngoli vantu vendi vakare va vasheshu. ⁷ Oghano ngo matungiko gha Juda. Mosesa aghamba: Tegherera, Hompa, kuliywi lya Juda, nakumuyita nka kuvantu vendi. Murwere po; kara mupopeli ku vanankore vendi. ⁸ Kumbinga ya Levi, Mosesa kwa ghambire: Shite shoye kwakara kuvantu vakaro na lihuguvaro, ovo washetekire kuMasa, ovo wahepire navo kumema gha Meriba, ⁹ Ogho aghambiro kwa vashe na vawina, ''Kapi navamono.'' Ashi vanashongo muunyendi, ana tapa lipulitiro kwa vana vendi, ghuye ngapungura nkango doye na kukara na lihuguvaro. ¹⁰ Ashongo Jakopo ulimburuki na vaIsraeli, veta davo. kuvatura kumeho na ndjambo nadintje pa shidjambero. ¹¹ Tungika, Hompa, mapangero ghendi, nakutambura viruwana vya lighoko lyendi, vantu vamunyengo, mposhi kapishi ngavayende kumeho nka. ¹² Kwa Benyameni, Mosesa aghamba: Ova mbo ahora Hompa atura mulitakamito lyendi, Homopa amutura mulipopero mumayuva naghantje, ntani ghuye a kara mulipopero lyalighoko lyaHompa. ¹³ Kuahamena Josefa, Mosesa a ghamba: Ndi shirongo shenu va shitungike Hompa navinke vya vyaviwa vyakuwiru, kumwe nandaghu, ntani kumwe nalitondo likare kuntji. ¹⁴ Ndi shirongo shendi shikare nalirago navininke vyaviwa vyamuyangu waliyuva, kumwe navinke vyaviwa vyakutunda mumwaka, ¹⁵ kumwe navinke vyaviwa vyakundundu dakare, kumwe navinke vyaviwa vyakukarererapo kumandundu. ¹⁶ Ndi shirongo shendi shi kare nalirago kumwe navinke vyaviwa vyapalivhu ntani vyavingi, ntani kumwe navikuyuvo lyendi lyaliwa lyoghu a kaliro kuvishwa. Renkenu litungiko lyendi liye pamulye waJosefa, ntani pamutwe waghu a kaliro mona wamukafumu Hompa kumeho yava ghuni vendi. ¹⁷ Mbeli yahove, ghuye nkondo, mbinga dendi mbinga da hove wamuwiya. Kumwe naye nga tindika vantu, navantje ya, kughu hura lishirongo. Vano mbo mayovi morongo ghava Eufurata; vano mbo mayovi gha Manasse. ¹⁸ Kuhamena Zebulumu, Mosesa a ghamba: Shambererenu, Zebulumu, muruyendo rwendi rwakurupuka, mtani anwe, Issaka, mutende yoye. ¹⁹ Vavo ngava kugha vantu kumandundu. Vavo ngava tapo ndjambo daghuhunga. mukonda vavo kuwana ghuntungi wavo mulifuta namusheke wakuntere dalyo. ²⁰ Kuhamena Gadi, Mosesa a ghamba: Lirugo koghu a nenepitiro Gadi. Ghuye nga paruka yira nyime wanyimeghona, ntani ghuye nga tavaghura lighoko ndi mutwe. ²¹ Ghuye ngamu pa maruha ghamawa ghanaghumwendi, vampitit ngava vava gawinina mavango ghashirongo va pungura. Ghuye kwa yire nadimutwe davantu. Ghuye shimbire ghungami Hompa ntani namarawiro nava Israel. ²² Kuhamena Dani, Mosesa a ghamba: Dani nyime wakuvatuka a funde mu Bashana. ²³ Kuhamena Nafutali, Mosesa a ghamba: Nafutali kuta nalirago, ntani yura nalitungiko lyaHompa, ghupa viweka vyashirongo vyakughutokero ntani kughurundu. ²⁴ Kuhamena Asha, Mosesa a ghamba: Muna lirago Asha kupitakana vana vendi navntje vavakafumu nka; renkenu vamu tambure vakuru vendi, ntani renkenu a ture lighuru lyendi mumaghadi gha Oliva. ²⁵ Ndi shitata shoye mushishiliveli da shikugho ntani ngorodo; ntjene tupu ngagha kara mayuva ghoye, ngo kara ghure mughukungi ghoye. ²⁶ Kwato nka ghumwe wakulifana yira Karunga waJeshuruni, a rondango kupitira mumawiru kulipopero lyoye, ntani munkondo dendi dapamaremo. ²⁷ Karunga wanaruntje nge mupopeli, maghoko ghendi ghanaruntje ngo ghukorero ghoye. Ghuye nga ghupamo vana nkore kumeho yenu, ntani ghuye a ghambire ashi,'' Lidjonaghuko!'' ²⁸ Israel a kara mulipopero lyaliwa. Rudi rwaJakopo kwakalire mulipopero mushirongo shambuto ntani vinyu yayipe; mughushiri, renkenu mawiru a yite ndaghu papendi. ²⁹ Matungiko ghiye mangi, Israel1 are a karo yira ove, vantu a popera Hompa, shikukandulito shaghupopero ghoye, ntani lighonga lya nkondo? Vna nkore voye ngava ya nakuya kankama kukwenu; anwe ngamu lyatangera pamavango ghavo ghakuyeruka.