¹ Mosesa a yendi nakughamba nkango dino kuva Israel navantje. ² Ghuye a ghamba, '' Ame weno nakara namwaka lifere limwe nadimurongo mbiri; kapi ngani vhura nka kuyenda ni rupuke ndi ni yende ni rupuke; Hompa a ghambire name ashi,' kapi ngaghu yenda nka gu rundakane Jorodani. ³ Hompa Karunga wenu, nga pita meho yenu; ghuye nga djonaghura dimuhoko dino kumeho yenu, ntani anwe ngamu kava shakana viweka vyavo. Josuwa, nge nga mu pititiro kumeho yenu, yira momu Hompa a vi ghamba. ⁴ Karunga nga rughana kukwavo yira momu a rughaninne kwa Shihoni ntani Ogu, hompa waAmoni, ntani kuvirongo vimwe, evi a djonaghurapo. ⁵ Hompa ngava tapa kukwenu, ntani anwe ngamu va rughana navintje kutwara evi ngani mu rawira. ⁶ Karenu muna koro ntani likorangedo lyaliwa, mwasha tjira, ntani mwasha kara naghoma kukwavo, mukonda Hompoa Karunga wenu, nge nga karo kumwe nanwe; ngamu rumbwangelita kulihuguvaro lyenundi a mu shuvilire. ⁷ Mosesa a kugh Josuwantani a ghanba kukwendi kumeho yavaIsrael, '' kara una koro ntani lihuguvaro lyankondo, mukonda ove ngaghu yenda navano vantu mushirongo eshi Hompa a ghaninine kuvanyakulyavo muku shi vapa; anwe ngamu renka mukashipinge. ⁸ Hompa, ghuye nge nga yendo kumeho yenu; ghuye nga kara kumwe nanwe; ghuye kapi nga rumbwangalita ndi a mu shuvilireanwe; mwasha kara naghutjirwe; mwsha kara nalidiro mukumo.'' ⁹ Mosesa a tjanga dimuragho dino nakudi tapa kuvapristeli, vana vavakafumu vaLevi, ava va shimbiro shikesha shalikukwatakano shaHomoa; ghuye kwatapire vipepa evi vavhukitire navintje kuvampititi vaIsrael. ¹⁰ Mosesa ava rawire nakughamba, Kughuhura wamwaka ntambiri, pashirugho vaturapo shakutunditirapo makongo, shirugho sha shipito shadimudutwe, ¹¹ apa vaIsrael navantjevaya moneke kumeho yaHompa Karunga wenu mulivango eli a horoghorapo lyakupongoka, ngamu ka varura dimuragho dino kumeho yavaIsrael mushigongi. ¹² Pongeka vantu, vakafumu, vakamali, navasheshughona, navantunda virongo venu ava vatungo mumavero ghankurumbara denu, mpo shi ngava vhuve nakukushongerako, mpo shi ngava fumadeke Hompa Harunga nakutikitamo nkango nadintje dadino veta. ¹³ Rughanenu vino mpo shi vana venu, ava va diro kuyuvika , ngava vhure kuyuva nakukshonga kufumadeka Hompa Karunga mushirongo eshi muna kuyenda musheli munya ya Jorodani muka weke. ¹⁴ Karunga kwa ghambire kwa Mosesa,'' Kenga, liyuva kuna kuya eli ngaghufa ; yita Josuwa nakukamumonikitya naghumoye mutende yashigongi, mpo shi ni ka mupe muragho.'' Mosesa naJosuwa ava yendi vaka kumonilite naghmwavo mutende yashigongi. ¹⁵ Hompa aya moneke mungundi yaliremo; ngundi yaliremo ayi yimono mulivero lyatende. ¹⁶ Hompa a ghamba kwa Mosesa,'' Kenga, nga ghurara kumwe navasho; qva vantu ngava shapuka nakurughana yira vashondedi vana kukwamo karunga wakudira kuyiva ogho ana karo mukatji kavo mushirongo eshi ngav yenda. Ngava ntjuva tjora likujwatakano eli naturapo navo. ¹⁷ Makura, muliyuva olyo, ugara wande ngaghu ya kara pavo ntani ngani va shuvilira. Ngani horeka shipara shande kukwavo makura ngani va djonaghurapo. Lidjonaghuko mangi ntani maghudito nga vi vawano mpo shi ngava ghambe liyuva linya. olyo lidjonaghuko kapi lina ya pakatji kenu mukonda ashi Karunga wetu mwato mukatji ketu? ¹⁸ Ngani horeka shipara shande kukwavo paliuva olyo mukonda ashi yandjo nadintaje varughana, mukonda ashi vana piruka kuvakarunga vapeke, ¹⁹ Weno mpo ngoli shi tjangenu rushumo runo panaghumwenu nakushonga vantu vamu Israel. Ru turenu mutunwa twavo, mpo shi rushumo runo ngaru kare ghumbangi wande pakatji kavantu vaIsrael. ²⁰ Apa ngani kava yita mushirongo osho na ghana kuvapa kuvanyakulyavo, shirongo shakupupa namashini naghushi, apa ngav lyako ngava kute naku neta, makura ngava pirukire kuvakarunga vapo kulikukwatakano lyande. ²¹ Apa ngaghuya ghudona namaghudito amenene pava vantu, rushumo runo ngaru ghamba kumeho vavo yira mbangi [ mpo nakuruvhuramashimutunwa twa rudi rwavo runya rwakalieoko]. Mpo nayuva lighano eli vana kutateka namuntji, nampiri kumeho nivayite mulivhuolyo nava twenyederera.'' ²² Makura Mosesa a tjanga rushumo runo liyuva lyakukufana nakurutantera vantu vaIsrael. ²³ Hompa mpo tapire Josuwa mona wamukafu wa Nunu nakughamba,'' Kara ghuna koro ntani lihuguvaro kyaliwa; mpo shi ngaghu yite vantu vaIsrael mushirongo eshi na ghanena kukwavo, ntani ame ngani kara kumwe navo.'' ²⁴ Vya shorokire weno apa a manine Mosesa kutjanga nkango darushumo yadimuragho ghuno mu mbapira, ²⁵ ghuye a rawire varudi rwaLevi ava va shimbiro shikesha sha kukwatakano lyaHompa, ntani ghuye a ghamba ashi, ²⁶ Ghupenu mbapira yino yadimuragho nakuyitura kuntere yashikesha shalikukwatakano lyaHompa Karunga wenu, mpo shi ngayi vhure kukara ghmbangi kukwenu. ²⁷ Nayiva lirwanito lyenu nakudira kuyiva vintu; kenga; mpapa nakara namonyo nanwe nampiri namuntji, shimpe amu rwita Hompa; vingapi vyavingi kuruku yamfa dande? ²⁸ Kupongayikenu kwande vakurona navantje vadimuhoko denu, navana mberegho denu, mpo shi ni ghambe nkango dino mumatwi ghavo nakyita livhu naliwiruvi va takamite. ²⁹ Ame na vi yiva ashi kuruku damfa dande ngamu rughana ghufeke naghumwenunaku pirukira kunya mukutunda mundjira di dina kukwamoko. Evi ngavi shoroko mukonda shi ngamu rughana vyavidona kumeho ya Hompa, muku mu sharaghura a garape kupitira mu virughan vyamu maghoko ghenu.'' ³⁰ Mosesa a yiyiri mumatwi ghambunga nayintje yavaIsrael nkango darushumo runo dogoro ava manita.