¹ Vininke navintje vino nange vina ya kukwenu, matungito ntani mafingoogho namutulira kughutowenuame, ² ntani opo ngamu gha yita anwe mundunge mukashi kavirongo navintje omo a mutjidire Hompa Karunga wenu ntani kulimburukwa liywi lyendi, kukwama vino nina kumunangira anwe namuntji-nanwe ntani vana venu-kumwe nadimushima denu nadintje ntani kumwe namonyo denu nadintje, ³ makura Hompa Karunga wenu nga shwenenapo ghnkwate wenu ntani nga kara naghufenjenda kwenu; ghuye ngamu vyuta ntani ngamu pongeka anwe kuvantu navantje oko a mu hanawilire anwe Hompa Karunga wenu. ⁴ Nange kehe murwana wenu wamughunkwate ana kara kamavango ghakughre munda yaliwiru, Hompa Karunga wenu ngaka mu pongayika nkoko anwe, ntani nkoko ghuye ngaka mu shimbako anwe . ⁵ Hompa Karunga wenu ngaka mu yita mushirongo osho va ghpire vakurona venu, ntani ngamu ruwanena ghuwa anwe ntani ngamu vhukita anwe kupitakana omo a rughanine kuvarona venu. ⁶ Homoa Karunga wenu nga kenita dimushima denu ntani dimushima daruvharo rwenu, mpo shi anwe nga mu hore Hompa Karunga wenu namushima denu nadintje ntani namonyo denu nadintje, mpo shi anwe ngamu paruke. ⁷ Hompa Karunga wenu ngatura mafingo ghano naghantje kavanankore venu ntani kovo vamunyengo znwe, navo vamudipayiroanwe. ⁸ Anwe ngamuvyuka nakaka limburukwa liywi lyaHompa, ntani anwe ngamu limburukwe kudimuragho dendi nadintje odo ame nina kumunangwira anwe namuntji. ⁹ Hompa Karunga wenu ngamu renka anwe muntungipe muvirughana vyamaghoko ghenu, muviyimwa vyarutu rwenu, muviyimwa vyangombe denu, ntani namuviyimwa vyamulivhulyenu, vya ghugavo; ¹⁰ Ghuye ngarughana vino nange ngamu limburukwe kuliywi lyaHopma Karunga wenu, mpo ngoli ngamu kwame dimuraghodendi ntani namanangwiro ogho va tjanga mumbapira yino yaveta, nange anwe muvyuke kwa Hompa Karunga wenu namuntji denu nadintje ntani namonyo denu nadintje. ¹¹ Mbyovyo shi muragho ghuno nina kumunangwira ame namuntji anwe kapi waditopa unene kwenu, ndi wagho ghure unene mukurughana anwe. ¹² Wagho kapishi muliwiru, mposhi anwe anwe ngamu vhure kughamba,' Are ngatu kandukiroko atwe kuwiru ntani ngakadi tu sheghumwino kwetu ntani nakuturenkita atwe tu vhure kudiyuva, mpo shi atwe ngatu vhure kudirughana?' ¹³ Dado nka kapi dakara kusheli kunya yalifuta, mpo shi anwe ngamu vhure kughamba, ' Are ngatu yendero atwe musheli munya yalifuta ntani aka dituyitire kukwetu ntani aya turenkite atwe tu di yuvhe , mpo shi ngatu di rughane?' ¹⁴ Ene ngoli nkango pepi unene kukwenu, mukanwa kenu ntani mudimushima denu, mpo shi anwe ngamu vhure kudirughana?' ¹⁵ Kenga, namuntji natura kughuto ghoye liparu ntani ghuwa, mfa ntani ghudona . ¹⁶ Nange ngamu mkwame mantjangwa ghaHompa Karunga wenu, mogho nakumunangwira ame namuntji anwe mukuhora Hompa Karunga wenu,kuyenda mundjira dendi, ntani mukupungura dimuragho dendi, manangwiro ghendi, ntani namatjangwa ghendi, anwe ngamu paruka ntani ngamu vhuka , ntani Hompa Karunga wenu ngatungika anwe mushirongoosho muna kungena mu shi ghupe. ¹⁷ Ene ngoli ntjene dimushima denu adi tunditako, ntani anwe ene ngoli movyo vamukoke ntani munyongamene kuvakarunga ntani nakuvakarera vavo, ¹⁸ makura ame kuna kumunangwira anwe namuntji ashi anwe ghushiri ngamuvhura kudjonaghuka; anwe kapi ngamurepita mayuva ghenu mushirongo muna kupita anwe kutaghuruka Jorodani muyende ntani nakushighupa. ¹⁹ Ame kuna kukugha liwiru ntani livhu mukungambipara kukwenu namuntji ashi ame namutulire kughuto wenu liparu ntani mfa, matungiko ntani mafingo; mpo ngoli ashi horoghorenupo liparu mpo ashi anwe ngamu paruke , anwe naruvaro rwenu. ²⁰ Rughanenu vino mpo ashi yira muhore Hompa Karunga wenu, mukulimburikwa liywi lyendi, ntani kukakatera kukwendi. Mbyovyo ashi ghuye ndje liparu kyenu ntani ghuye wamayuva ghenu, rughanenu vino mpo ashi ngamu vhure kuparuka mushirongo osho Hompa a ghambire kuvakurona venu, kwa Abrahamu, kwa Isaka, mtani kwa Jakopo, a tape kukwavo.''