¹ Aku tarzuma bǝntǝn gara tunu, Bulus da wani pakuraucin gǝri da ɗagwaitakshi. se da dlamik shi anya dan dayin gǝri kun Makadoniya. ² A ci da gilordu a da gwaita ndak bar jirewa thaparr, dayin gǝri greek. ³ Aku a ci dlam tǝra kwan iri tunu, yahudaucin da jǝb na aibu iɗa gǝri aci ye nutan gǝri i nye Syriya, se da shawarti daɗge daku maidoniya. ⁴ A gurva gǝri i Asiya nin sopota wǝn pagurity da Beria; Antikas na Secondus dukshi deu da Tasalonika ndak bar jirewa. Gayus ki Derbe; Timatus na Toropimus da Asia. ⁵ Amman akshi jinakshi a kǝmaja dara i Taras. ⁶ Ja palci da pilipi aku ngumurri burodi mi na yist bai yǝwan vaɗ ki jatase akshi i Taros iri tunu jardi ki yǝwan katkasa. ⁷ Gafa yiwun sǝkur i magi, lakwtu mi ja cacpu aɗaja i da gayi. se jak thli kimo loja na burodi, Bulus da thlamikshi rama i nda bar jirewa. Aci ancu da yin gǝri da dlanu, se aci da jǝp dlama rama har gadava diviɗ. ⁸ Na fetile gawa a sǝsau dǝsku wara ja japtu. ⁹ I miya taga na mafǝndi ɗagai dan mbasu a yǝwan, dlugun gǝri ma Eutypus, lakwtu Bulus a rama tunu a ci dlamin gǝri yǝwan, dafgai da hawa beni ki makwan, da ma ci guvu. ¹⁰ Amman Bulus da cim gǝri i aɗa gǝri da barikshi zhirau da ramma ankal kun da thla bai acu na aro. ¹¹ Se da thli dar'i wam daci bǝk ta dakugu aci dlam rama na akshi har pǝdǝk se dayin gǝri. ¹² Akshi da mai mayin gu na aro gǝri ga gǝri. ¹³ Ja bǝnte na ja i kǝma na jirgu am gu ja balci naja i Aissos ri miwara ca ramma ca ma Bulus, i daragai am, kasǝn bi mi a ci ramu gaɗa aci in tutu dayin gǝri zǝgǝr. ¹⁴ lakwtu aci ta se ja i Asisos tunu, se ja ma ci i kun daragai am gu jayi naja i Matiniya. ¹⁵ Se ja palci da sǝn, ɗa dlanu jayi baka subiri cihioss. Da dlanu dama tunu ja bǝn ci naja i sibiri samos, se daku gu jayi da milatus. ¹⁶ Bulus intutu dayi Afisa kaɗa a ci dama lakwtu gawa bai i Asiya, an cu dayi i Urshalima gaɗa ngumurri sa aɗa thlaman gara dantau. 18 Akshi deu ri gǝri tunu, da ramiksi maya, "Kun kwasgadu gafa mi na dawu zǝgǝr ga i da Afisa lakwtu tawanke na da gayi nakun. ¹⁹ A jǝbina gǝdlap mǝgǝmyi i kun gǝshakun na surayai na bone wakatu na iyu gaɗa shiri yahudaucin. ²⁰ Kwasgadu go be nabzu da kwau i ramekun be mi a paiditan kun, na yadda na gusgi kun i wǝnduwa wǝnduwa. ²¹ Kwas gana yadda mi na gabɗu yahudaucin ndak na Girakaucin da tupci i ri Kakasǝku na bar jirewa i mǝgǝnyi Yeso. ²² Aikina na ji na nunuwa Kakasǝku i Urshlima nazga be a wakata na i bai, ²³ banda Nǝnuwa Sǝku a tatka na bone na takwas a diriga. ²⁴ Amman nampa aro ga i dǝvo tawanke bai, be blan mi dika na iyu gaɗa na damina rawa ga na wana mi na gǝnu da ri Kakasǝku Yeso, na bar saida ki wazik herr ki Kakasǝku. ²⁵ To gusku, akina, dukkun da wita ndawa mi naju na dlamikshi wazik garva Sǝku, kwa sukuna lawan ga wan bai. ²⁶ Gaɗa kasun na rame kun gusku ma ina alaki dǝdǝm tike bai. ²⁷ Gada nabsu rame kun tanke bai dakun be mi Suku ancu. ²⁸ Gada kasun a dlamina ankal na ndawa mi Nǝnuwa Sǝku in pe kun dawakshi, a dlamina ankal na Coci Kakasǝku mi a ci masau na dǝdǝm gǝri. ²⁹ Nasgadu daku zerma ga, dambatliur gawa mi a tife wita kun, amman dawaya ndawa bai. ³⁰ A zigina ma koda wita kun na ndau jǝgab mi a tlayi da dlamci be gada da yǝwina pakuraucin akukshi. ³¹ A dlamina dǝmai. atanina, aman kwan nabzu gabada kun bai na saurai diviɗ na afa. ³² Gususku na biza nakun na i amai kakasǝku na herr rama gǝri mi aci lǝmikun, da bari kun gado i aɗa ndawa na mi na aibu bai. ³³ Kwa gǝna ripila, ko dǝnar, na kare dari nǝn wambai. ³⁴ Kun na aɗa kun kwasgadu ma na intutu na dlam be nancu indai na ɗagayi na akshin, na bar saida wazik herr Kakasǝku. ³⁵ I kun tanke mi na rame kun na ramdi kun ma gǝnawa mi kwa tamba ndawa na wana, na tana ramak Yeso Masihu mi aci na aɗa gǝri ramu ma, dǝkadu i barka ka bari damya ka gǝni. ³⁶ Aku aci ramu kasǝn tunu, dapi kufu gǝri da dlap magita na akshi duk. ³⁷ Akshi da dani tlaparr da dagami nakshi iɗa gǝri da sumbataci. ³⁸ Akshi gǝd da dlan nakshi shitan gaɗa rama mi aci ramikshi, ma akshi a sukuna lawan gǝri wambai. se akshi da gurva ci iri jirgig am ku.