¹ Na lakwtu ɗagai mi Apolas a kun ɗa koranti , se Bulus da nuci da kun lardi mi a kǝmau. da nai i marǝm ɗa Afisawa, da bi pukuraucin jǝgab a riwu. ² Da ramikshi ma, "Kwa gǝn na Nǝnwa Sǝku bi, lakwtu kwa dlam iman tǝnu?" Se akshi da ramici ma, "O-o, ngalte ngun ja kǝma be i ɗak Nǝnwa Sǝku gu bai." ³ Bulus da ramma, "Wate nda dlamikun baptisma i kun gǝmo ?" Akshi da ramma, "I Kun baptismak Yahai." ⁴ Bulus da ngumi ma, "Yahai dlam baptisma na baptismak tubi. Acu rami ndau ma akshi da dlam iman na nǝn mi aye ni kǝma gǝri" ⁵ Sartu mi ndau kǝma kasau tǝnu, se nda dlamiksh baptisma i kun dlugun Yeso. Se Bulus danpi amigǝri i aɗakshi, Nenwa Sǝku da fuwai i aɗakshi, se akshi da dlam rama i kun miya dama-dama, a rama be mi Sǝku ramikshi a wakata. ⁷ Makshi dlamna ndawa guma ayau shirin. ⁸ Bulus da tǝfi kun lema cacpa yahudaucin. da dlam rama na awayau harr kǝ tǝrra kwan. Aca a kema ramau, lakwtu ndawa a teka rama i ɗa garva Seku tǝnu. ⁹ Amman yahudaucin jǝgab da dlam gaudak gaɗa da kur na arrdata, da banji rama gaɓshu i ɗa dǝvu Yeso i kǝma algiu. Se Bulus daivinakshi, dayi nakshi na ndak ndak iman na Yeso da rǝkshi. Da ɓanji rama gafa tawanke i kun sǝsu gugza kǝ Tarrganus. ¹⁰ Kasau da ci kǝma harr aman shirin, gaɗa tike mi mbasu i Asiya kemau na telam Sǝku, Yahudaucin na Gǝrrkaucin mak. V 11 Kakasku da dlam marmamin wana da ami Bulus. ¹² Gaɗa harr ndak dagas ngun ngatunakshi, zuwawin cam da vǝrinakshi da tǝka ndawa. V 13 Amman na Yahudaucin nda gwampi a yawo i lardu a wana na dlugun Yeso. A sanau i ndak zuwawin: a ramau ma, "Na ɗawa kun, i kun dlugun mi Bulus a wazǝkgu a vǝra." ¹⁴ Ndak dlama sau akshi gatkasa, kutli marǝm pǝristaucin kǝ Yahudaucin baci dlugun Siba. ¹⁵ Gwaigwai da wurikshi ma, "Yeso na zǝgadu, Bulus ke na zǝgadu; amman ci gu tai?" ¹⁶ Se gwaigwai mi a kun warrau da gǝrrgaci i ɗak nda gwampu, da cina awayukshi da dadgagshi. Akshi da rawi da kun wenduwau na shigaɗau da laruta. ¹⁷ Tike i ɗagu da zǝgǝna be wakatu mak, harr Yahuducin na Gǝrrkaucin mi da mbasu i kun Afisu mak. Akshi da kalwunakshi, se dlugun Yeso Mǝgǝnyi dabi na saksakta. ¹⁸ Ndak iman gawa cam da nai da dlam tubi da laminci na bee gaɓshu warra akshi jeba dlamu. ¹⁹ Ndawa gawa mi a gwampi ke da ni na karai wanakshi mak, nda bakǝdu, i dak tike. Nda nau darraja karregu tǝnu, se ndaiki dlam na rǝpila dubu gumu vaɗ. ²⁰ Se tǝlam Sǝku wayingara tlapar na kerrmai i rawanke. ²¹ Daku Bulus damu na wana Sǝku i Afisus, se da dlam darrurrak ɗǝga da kun makidoniya na Akoniya i nye Urrushalima, da ramma, " Na zadanga ni nutanga i Roma." ²² Bulus da wanyi pukurraucingǝri shirin i Makidoniya da tambaci; wato Timoti na Irrastus. Amman aci dar'yingǝri Asiya ku lakwtu rap. ²³ I damtau lakwtu, se ankal da tlingara tlaparr i Afisus gaɗa dǝvu. V 24 Na mazam ɗagai baci dlugun Dimitirriyus mi a nzǝma rǝpila kǝ Diyana, acu de na dǝvu bayi dagwda tlaparr i ndak wana asǝk. ²⁵ Se da cacpai ndak zada wanagǝru da ramma, "Nguburro kun, kwa zǝgadu rro i kun zada wana wau, wa bi dagwda tlaparr. V 26 Kwa kemugu na lawangu rro, i Afisus rugara bai, amma damtu rawanke i Asiya, Bulus tǝku 'yiwu na ankal, zam da mǝsci na alkal ndawa gawa. A ramau ma, go kakasǝku warra nda lumau ko ɗaɗamgu na amai. /v 27 Banda ni na kuri i asǝk wa, rama tǝku a kaci na kakasku Diyana beewambai. Zam a bukana kǝrmai gara, warra gaɗau ne Asiya na duniya mak a nakwana gara." ²⁸ Akshi kǝma kasu tǝn, se shitǝnyinakshi da dlam kurwa ma, "Mi kǝrrmai nin Diyana kǝ Afisus." ²⁹ Marǝm ɗagu mak da niyin gara tarrzuma, ndawa rawi kun ri cacpa. Da jǝbina ndak buwa Bulus; Gayus na Ariktakus mi deu da Makidoniya. ³⁰ Bulus anci tǝfe kun algu amman pukurraucingǝri da dapci na aci . ³¹ Cam na ndawa gazgaraucin kǝ lardi Asiya mi mangaucingǝri da wanyi na awayau ma aci da tǝfe kun ri cacpagu bipa. ³² Ndawa a kurwa bee ɗagai, jǝgap a kurwa bee dama, gaɗa algu akun tlatli ankal. Ndau jǝgap ngun zǝga bee mi ɗawi akshi cacpegu bai. ³³ Yahudaucingu da de Alekzanda da kun algu da mpaci kǝma algu a ramau. Alekzanda da riɓi amigǝri da dlam bayani i ndawa. ³⁴ Amman akshi yakintu ma achi nǝn yahudacin tin, akshi da dlam kurwa i ɗagayi harr kǝ awa shirin ma, "Mi kǝrrmai nǝn Diyana kǝ Afisus.' ³⁵ Lakwtu baci tarran kǝ ɗagu bǝzamu na algu tin, se da ramma, "Kun ndak Afisus, warrau tawan a riwu, zǝga bai ma, ɗa marǝm kǝ ja Afisaucingu; atune mi jǝba marǝm wǝnduwa Diyana, na kǝ gǝnawa mi vige ɗa da dǝsku? ³⁶ I lawan bayangu, mi a bari gamɗaya bai tǝnu. dolle kwa bǝzami kwa dlam ajala bai. ³⁷ To kwa dena ndangu i liyari. akshi kuwa ndak pashi i kun wǝnduwawkn Seku bai ko ndak saɓo i Adiyana bai. ³⁸ To. Dimitrriyus na ndak sana'agǝri mi a ɗagayi na acu. na rama i ɗak dagai nin. shariyaramgu mak da rǝpta ke na liyararin. Se akshi dayi na ara. ³⁹ Amman kwa maka bee i ɗak bee ɗagai nin. nda ɗalmadu i kun sǝsu cacpa kǝ kǝ fatawanke. ⁴⁰ Gaɗa jire ja kun ravan kǝ bi laipi gaɗa ngurrngurr tǝku. Na dalil tlatli ankal tǝku bai. zam ja demu parrakta aɗau bai." ⁴¹ Aci ramna kasu tǝnu. se da rami na algu da yi wayinakshi.