¹ Akuk sunu Bulus da thli dayin gǝri i koranti. ² Iri tunu aci da ta shi nǝn ɗagai bayahude baci dlaugun ma Akila, nǝn Pantus, acu deu da Italiya na ama gǝri Briskila gaɗa Kalaudiyas ɗawu ma ndak yahudaucin dayinakshi da Roma; se Bulus danai i rikshi; ³ Bulus dan mbasi da jǝb wana na akshi gaɗa akshi a zada saaniya gayi, akshi dǝk ndak tlama tanti ⁴ Se Bulus atlayi i kun susu cacpa Yahudacin gafa subduwa tawanke. Da jeb yuwa ankal yahudaucin na kirgaucin. ⁵ Amman lakwtu mi Silas na TImoti deu da Makadoniya tunu, Bulus ganiyak na Nenuwa Kakasku da jeb rame yahudaucin maya Yeso a ci ne Masihu. ⁶ Lakwtu mi yahudaucin kurna rama geri tunu, da nangaci se Bulus da thimpiyina kachum geri i rikshi da ramikshi maya, "Alaki dedem kun ada kun; I yu nayan ga iri ndawa wara ziga Suku bai. ⁷ Se daiyin gǝri wǝnduwa Titus Jastus baci wanak wǝnduwa Sǝku, wǝnduwa gǝri a dantau ri cacpa yahudaucin gu. Cirpurus marǝm sǝsau cacpa yahudaucin ⁸ wǝnduwa gǝri gǝd da barna jirewa na Kakasǝku. Ndak coranti kawa mi kǝrǝmatu Bulus da bar na jirewa na Kakasku da thlamikshi Baptisma. ⁹ Kakasǝku da thlam rama na Bulus i kun sǝwan, "Kakalwa bai, amman a tlam rama ka cǝma miyaci bai." ¹⁰ I na ɗagayi na ci, na biza nǝn da laruti ci bai, gaɗa ina ndawa gawa a datku. ¹¹ Bulus dambashi i ɗa gu har aman na tǝra zǝdu, a kugzek shi ramak Sǝku. ¹² Amman lakwtu mi Galilio thlam gwamna Akaya tunu, yahudaucin da cacpi i aɗa gayi gaɗa Bulus dayi na ci kǝma shariya; ¹³ da ramma, "Nangu a 'yuwa ankal ndawa ma da dlam nakwana i Sǝku wara kalkal bai na dumaya." ¹⁴ Amman Bulus aye tlama rama tunu, se Galiliyo da rami yahudaucin, "Da 'yuwina ramau, su be gabshu ko aibun da na thlam rama i aɗau. ¹⁵ Amman tunda bǝk rama na dumaya ada kwa dalmi i wita kun. Nancu tlama rama i da zada saw bai." ¹⁶ Galiliyo da dawak shi dai vina shariyau. ¹⁷ Se akshi da jǝbe Sastanisu, marǝm sǝsu cacpa yahudaucin, da gubɗaci iri rakik shariyau. Amman Galiliyo jiktu bai na be akshi thlamu. ¹⁸ Bulus thlaɓu ari tunu ki yǝwan gawa, se dabshi na yahudaucin da bǝntǝn gǝri iɗa Siriya na Briskila na Akila. kapǝn a ci daivi miya anku tunu se daskina aɗa gǝri, gaɗa a ci mana yinda na nǝn Nazarat. ¹⁹ Akshi deu i Afisa tunu, Bulus daivina Briskila na Akila, a ci da bǝntǝn gǝri i kun sǝsu cacpa yauhudaucin da dlam salota na yahudaucin. ²⁰ Akshi da jayi Bulus ma dam mbasu na Bulus ki lakwtu gawa se a ci da kurdu. ²¹ Amman a ci dayin gǝri da rikshi, da ramikshi maya, "Na katayi rikun wam Kakasǝku thlamdun." Se da palcin gǝri Afisa. ²² Lakwtu mi Bulus za deu Kaisariya tunu, dayi dan dǝmi ndak Coci i Urshalima da bǝntǝn gǝri Antakiya. ²³ Aku aci ma lakwtu iri tunu, se Bulus da kalaktǝn gǝri lardi Galatiya na Pilipiya da ɗagwaiti pakuraucin gǝri. ²⁴ Gusku na nǝn bayahude dlugun gǝri ma Apalos a ci nǝn Alezandiriya da Afisa. Gwani rama, zǝgana gugza rama Kakasǝku in ndawa. ²⁵ Nda kawanakshi i ɗawa Apolos da gugze ramak Kakasǝku. Daniya na Nǝnuwa Kakasku, a ramau da gugzhi be ki rama Yeso amman a ci zǝga Baptisma Yahaya kawai. ²⁶ Apolos da jǝb rama na awayau i kun sǝsu cacpa yahudaucin. Amman lakwtu Akila na Briskila kǝrǝmta ci tunu, akshi da dlam nakshi mangina na akshi da parakti ci rama Kakasǝku kalkal. ²⁷ A lakwtu a ci in tutu da dlama ngmurri i kun Akoniya, se yagauncin gǝri da dagwaita ci da tarni pakuraucin gǝri wara a Antakiya ma da thlami ci lale lakwtu mi a ci zaden. A ci zadeu tunu, da tambi ndawa mi wara barna jirewa da ri herr. ²⁸ Apolos da sǝn da sǝna aɗa yahudaucin na awayau na dabar, idak rama Kakasku ma, Yeso a ci ne Masihu.