¹ Eco, pantu Kristu aliculile mu mubili, ipangasheni mwebene kwipange limo line. Pantu uyo onse uwaculile mu mubili alileka ukucula ku lubembu. ² Ecalenga, umuntu wa kubefi, munshiku shakwe sha mu mubili, tekalila mukufwaya kwa bantunse, lelo mukufwaya kwakwa Lesa. ³ Pantu inshita iya pitile yalilingile kuli mwebo mukucitamo ukufwaya kwa bena fyalo, ukwikala mubulalelale, mulunkumbwa, ukukolwa kolwa, ukusefya kwaba cakolwa, ukusefya kwa kucalo, no kupepa utulubi utwaleshiwa. ⁴ Bala mipapa ukweba ati mwebo tamubakonkelela bena memibele yabo iya kuiposaika, kanshi balalanda ifibi pali mwebo. ⁵ Bakaba no kwasuka kuli uyo uwaiteyanya ku kupingula aba mweo naba kufwa. ⁶ Nipali uyu wine mulandu imbila nsuma yalikubililwa na kubakufwa, pakweba ati, nangula cakweba ati bali pingwilwe muli bu mubili nga bantunse, kuti baikala mu mupashi nga filya Lesa aba. ⁷ Impela ya fintu fyonse ilipaleme. Eco mube abakutenya, no kusakamana mu kupepa. ⁸ Pa fintu fyonse, mube abakuncincila mukutemwana umo no munankwe, pakuti ukutemwa kulafimba pa membu ishingi. ⁹ Mulekusekelelana umo no munankwe ukwabulo kuilishanya. ¹⁰ Ngefyo cilaumo muli mwebo apokelele icabupe, mulekupyungilana nga bakapyunga babune mufyakusenamina fyakwa Lesa ifya pusana pusana. ¹¹ Umfwa umo akolanda, alanda ngo ulande fyebo fyakwa Lesa. Umfwa umo akopyunga, apyunge ukulingana mu maka ayo Lesa amupela. Mulekucita ifi fintu pakweba ati Munshila shonse Lesa acindamikilwemo ukupitila muli Yesu Kristu. Nakube ubukata na maka kuli Yesu Kristu umuyayaya no muyayaya. Ameni. ¹² Mwebatemwikwa, mwicimona nge cakupapusha icakweshiwa mumulilo ico ica citikile pali mwebo, kubati cintu cakupapusha icali kucitika kuli mwebo. ¹³ Lelo, ifyo mukumako mwebo ku macushi yakwa Kristu, sekeleleni, pakweba ati mukasekelele no kwanga ulo ubukata bwakwe bukasokololwa. ¹⁴ Umfwa mwatukwa pamulandu we shina lyakwa Kristu, muli abakushuka, pantu Umupashi wa bukata no Mupashi wakwa Lesa ulikele pali mwebo. ¹⁵ Lelo peba nangu umo pali mwebo acule nga kepaya, umupupu, ncita tubi nangu uwa mulomo. ¹⁶ Lelo umfwa umo acula ngo mwina Kristu, eba ne nsoni; lelo, lekeni acindamike Lesa muli lilya line ishina. ¹⁷ Pantu ni nshita ya bupingushi ukutendekela naba mung'anda yakwa Lesa. Umfwa bwa tendekela kuli fwebo, cikaba shani kuli abo abashanakila imbila nsuma yakwa Lesa? ¹⁸ Kabili, "umfwa cakushupa ku balungami ukupusushiwa, cikesakuba shani kuba shipepa naba bembu?" ¹⁹ Eco kanshi lekeni abo abacula pa mulandu wakwa Lesa batule imyeo yabo kuwa cishinka Kalenga mukucite cisuma.