¹ Nkokoselesha abakalamba muli mwebo, Nebo, ne waba umukalamba munabo na kamboneku macushi yakwa Kristu kabili ne waba umo untu akakumako ku bukata ubo ubukasokololwa. ² Beni ba kakumba wa mukuni wakwa Lesa untu mulingile ukulasunga, ukupyuga nga ba kangalila - te mukupatikishiwa, lelo pantu mulitemenwe, ngefyo Lesa enga mupela ukupyunga - tekukwatilamo ubukumu bwa nsoni lelo mukucincila. ³ Mwilakucita nga ba cibinda pa bantu mwangalila. Lelo, mulekuba ifilangililo ku mukuni. ⁴ Elo lintu Kacema mukalamba akasokoloka, muli no kupokelela icilongwe cabukata icishifumuka. ⁵ Mu nshila imo ine, mwebo mwe baume aba caice, nakileni ku baume abakalamba. Mwebo bonse, fwaleni ifya kufwala fya bupete no kupyungila umo no munankwe. Pantu Lesa alasusha aba miya, lelo alapela ukusenamina ku baicefya. ⁶ Eco mulekuicefya mwisamba lya kuboko kwakwa Lesa ukwa maka pakwebati enga misumbula mu nshita ilya kulinga. ⁷ Bikeni amalangulushi yenu pali ena pantu alamisakamana mwebo. ⁸ Mulekutekanya, mulekulola. Icibambe cenu kasebanya akoendauka no kulalila kubati ni nkalamo, kukufwaya untu engalya. ⁹ Mulesheni. Beni abakukosa mu cicetetekelo cenu. Mwalishiba ukwebati bamunyinewe mu calo balepita mu mafya yamo yene. ¹⁰ Panuma mwacula pakashita akanono, Lesa uwakusenamina konse, uwa mwitile ku bukata bwa muyayaya muli Kristu, akamilenga abakupwililika, akamulimba, akamukosha, mukalengwa abashitelententa. ¹¹ Kuli ena kube ukuteka umuyayaya no muyayaya. Amen. ¹² Nalinga silbani nga munyina uwa cishinka, kabili nalemba kuli mwebo ifya pa mulu ukupitila muli ena. Nkomikoselesha kabili nkoshininkisha kuli mwebo ukutila ifintu nalemba fya cine mukusenamina kwakwa Lesa. Iminineni muli ci. ¹³ Na mayo ucili mu Babele, uwasalilwe pamo pene na mwebo, amiposha. Pamo na Marko, umwana wandi, amiposha. ¹⁴ Muposhanye mu kufyompana kwa citemwiko. Umutende ube kuli mwebo bonse ababa muli Kristu.