19 ⁵ Ja̧u̧nu̧ o'ca'a Joab do'ächi'inö ucuo ru̧hua̧ ojusodenä ja̧'hua̧ta̧'a̧nö̧ päinä̧cu̧: "Jitä mo̧ro̧ ucumä dä'ä ttu'ujä̧ cumöhuäyotö su̧ro̧da̧u̧ o'catoi'önä to̧tä̧ro̧mȩtä̧ ucu curuhua̧rö̧ cu̧ji̧pö̧nä̧ ppä'ädö ja̧'hua̧ta̧'a̧nö̧ ucu cui̧tti̧mö̧ umötö̧ tta̧'cua̧rö̧'i̧nä̧, cui̧tti̧mö̧ nätö̧'i̧nä̧ ja̧'hua̧ta̧'a̧nö̧ cuirecua ka̧'cua̧rö̧'i̧nä̧ ja̧'hua̧ta̧'a̧nö̧ cuirecua pä̧i̧cu̧nä̧ huettö jȩjä̧ji̧'i̧nä̧. ⁶ Juhua'amä repe'inöjä̧ jahuätö ucuru a̧'u̧tä̧tö̧rö̧ ja̧'hua̧ta̧'a̧nö̧ a̧'u̧ti̧nö̧jä̧ ucuru repe'ätörömä, ja̧'hua̧nö̧ ja̧'a̧ jitä mo̧ro̧ i̧jȩcuä̧cha̧'a̧ su̧ro̧da̧u̧ ttu̧ru̧hua̧ comandantes ja̧'hua̧ta̧'a̧nö̧ su̧ro̧da̧u̧ yoröiso micuähuocotö ucurumä. Ttö jitä pä'ösä Absalón ö̧ji̧nö̧ttö̧mä̧ ja̧'hua̧ta̧'a̧nö̧ ujutu o'catoi'önä hua'ö icuinätö̧jä̧ ja̧u̧nu̧ pä̧nä̧ cueseu'anö ji̧na̧'a̧. ⁷ Jitä ä̧rä̧mi̧'ö̧ ja̧'hua̧ta̧'a̧nö̧ u̧mi̧cu̧ rä'opö ja̧'hua̧ta̧'a̧nö̧ adiunä ucuocu cumöhuäyotö du̧ro̧da̧u̧rö̧ ja̧'hua̧ta̧'a̧nö̧ cu̧ru̧hua̧rö̧ päcumä jueönätä̧ jȩpi̧, kkorotö umätö̧ ttichoca'a jö̧ttö̧mä̧ pi̧yȩ yodomä ucutä cuojusodenä 'cuädopä̧cua̧sä̧, ja̧'hua̧nö̧ jö̧ttö̧mä̧ juȩnȩ abonänö surojäcua'a ucuru o'ca juiyönä suronä 'cuäopinö ji̧nö̧ ucu möä̧ya̧ cu̧jä̧i̧ jitä pänä jubö. ⁸ Ja̧'hua̧nö̧ ja̧'a̧ ucuo ru̧hua̧ ä̧rä̧mi̧'ö̧ ja̧'hua̧ta̧'a̧nö̧ pä̧mä̧di̧nö̧ bäreu ötahuiyä apate ä'ca ja̧'hua̧ta̧'a̧nö̧ ji'ähuinö o'catoi'önä umätörö: "Topätucui ucuo ru̧hua̧mä̧ äpate ä'ca pö̧. Ja̧u̧nu̧ o'ca'a ötahuiyä ttö̧ja̧ o'catoi'önä 'chä̧hui̧'i̧nä̧tö̧ ucuo ru̧hua̧ ö̧jo̧mȩ, ja̧'hua̧nö̧ ja̧'a̧nä̧ Israel ttö̧ja̧mä̧ umätö̧mä̧ tö'ipächinä̧tö̧ ttojusodera̧'a̧cu̧tä̧. ⁹ Ttö̧ja̧mä̧ o'catoi'önätä pä'ä'chäcuähuähuinätö̧, ka̧ra̧ ka̧ra̧nä̧cu̧, o'catoi'önätä̧ Israel ttö̧ja̧ ttahuaruhuä o'cotömä pä'inätö̧nä̧: Ru̧hua̧mä̧ taboiyotö taditönä̧ huettomettö̧ rä'epö icuinä̧u̧jä̧. Ja̧u̧mä̧ filisteos ttö̧ja̧ taditönä̧ huettomettö̧ rä'epö icuinä̧u̧jä̧, ja̧'hua̧nä̧ rä'epö icuinömä̧ i̧rȩjä̧ttö̧mä̧ tö'ipächäji Absalón jähuänä. ¹⁰ Ja̧'hua̧nö̧ ja̧'a̧ Absalónrömä ujutu tu̧ru̧hua̧ päi'önä a̧dȩjanä da'epö pojopö tu̧ju̧ni̧nä̧cu̧mä̧, curä tturohuähuomettö̧ 'corujuo'ächäji. Ja̧'hua̧nö̧ ja̧'a̧ttö̧ ¿Tta̧'a̧nö̧ pä'ö ru̧hua̧rö̧mä̧ pä'äjita'anö ppa̧tä̧da̧rö̧ pä'ö tucuocua'attö̧? ¹¹ Ru̧hua̧ Davidmä̧ TÖ̧Ä̧NÄ̧HUA̧ttö̧'i̧nä̧ ttö̧ja̧ttö̧'i̧nä̧ kä'co päte'ö adicuä ttö̧ja̧ Sadocrö̧'i̧nä̧ Abiatarö'inä pä'inö: Judáttö ucuo ttö̧ja̧rö̧ pa̧'a̧nö̧ ji'ähuitö: ¿Tta̧'a̧nö̧ pä'ö ucutumä röjinätä̧ ru̧hua̧rö̧ ojusode ruhuodecu pä'äjita'anö cui'cächätucuarö päcuätucua'attö, Israel ttö̧ja̧mä̧ o'catoi'önä ru̧hua̧rö̧ adihuomenä ucuocu pä'äjita'anö ojusode ruhuodecu tti'cächarö pä'ö ttucuocua'anämä? ¹² Ucutumä chucuojattö tä'cö chahuaruhuäjä̧. ¿Tta̧'a̧nö̧ pä'ö röjinätä̧ ru̧hua̧rö̧mä̧ pä'äjita'anö cui'cächätucua päcuätucua'attö? ²⁴ Ja̧u̧nu̧ o'ca'a Saúl i̧tti̧ Mefibosetmä̧ ru̧hua̧ i'ätecuächa pä'ö 'chi̧nö̧. Ö̧jä̧pi̧yä̧mä̧ adiumä tta̧'a̧rä̧cuä̧huo̧cö̧ pinö, ö̧'ca̧tä̧huä̧ta̧'i̧nä̧ töcocö pinö ja̧'hua̧ta̧nö̧ ä 'cähuiyä'che'inä 'cui'ähuocö pinö, ru̧hua̧ töipächinö mo̧ro̧ttö̧ kä̧mä̧dö̧, huȩnȩ juiyönä ojusodera̧'a̧ ppa̧huä̧cho̧mȩ jubö. ²⁵ Ja̧'hua̧nö̧ ja̧'a̧, Jerusalén ötahuiyära̧'a̧ttö̧ ichö ru̧hua̧cu̧ i'ätecuächomenä, ru̧hua̧mä̧ ja̧u̧rö̧ pä'inö: ¿Mefiboset tta̧'a̧nö̧ pä'ö ttöcumä cuichoca'ajä̧ttö̧? ²⁶ Ja̧u̧mä̧ ädätinäcu̧: Chu̧ru̧hua̧ ru̧hua̧, chumöhuäya̧ öyaparehuäcusä; cumöhuä̧ya̧mä̧ ö̧jä̧pi̧yä̧mä̧ usurä i̧sa̧ jo̧mȩttö̧ mörönä huä̧mä̧dö̧ ru̧hua̧cu̧ chi̧'cha̧ pädäja'anä. ²⁷ Chumöhuä̧ya̧ Sibamä chu̧ru̧hua̧ ru̧hua̧ ä'ca jo̧mȩttö̧ suronä chö̧ji̧pö̧nä̧ jȩi̧nä̧cu̧sä̧. Ja̧'hua̧nö̧ ja̧'a̧nä̧ chu̧ru̧hua̧ ru̧hua̧mä̧ TÖ̧Ä̧NÄ̧HUA̧ ucuocu jiäcuähuä i̧sa̧ jö̧nä̧ hua̧. Ja̧'hua̧nö̧ ja̧'a̧ttö̧, ucutä to'cuomenä adihua'acu jȩpi̧. ²⁸ Chä'o ahuaruhuämä o'catoi'önä chu̧ru̧hua̧ ru̧hua̧ ä'cattömä o'catoi'önätä 'coru juottächa pä'ötä huinätö̧. Ja̧'hua̧nö̧ ja̧'a̧nä̧ ucumä pä̧mä̧dä̧ji̧jä̧ cumöhuäyotö cu̧cuȩ cucuome pȩjä̧tu̧cu̧. ¿Ja̧'hua̧nö̧ ja̧'a̧mä̧ ti̧yȩ mi̧cuäunä pädö'anö̧ jö̧ chu̧ju̧nä̧ra̧'a̧ttö̧, juhua'a yabonö ru̧hua̧rö̧ jä̧dȩpä̧ra̧ pä'ömä? ³⁴ Barzilaimä ru̧hua̧rö̧ ädätinö: ¿Tta̧'a̧nö̧ recuo mo̧ro̧ jo̧mȩnä̧ chö̧ja̧cua̧'a̧ttö̧ ru̧hua̧cu̧ Jerusalén ötahuiyära̧'a̧ chi̧'cha̧ pä'ömä? ³⁵ Ttömä 80nö a̧'ȩ jo̧mȩnä̧ ku̧nä̧rö̧sä̧. ¿Ttömä pi̧yȩmä̧ adiu ja̧'a̧ pi̧yȩtä̧ surojumä pädö'anö ja̧'a̧ti̧? ¿Ucu cumöhuä̧ya̧mä̧ ucu'inä au'inä nöä̧cu̧ esehua'anö tä̧ji̧? ¿Umätö̧'i̧nä̧ nätö̧'inä ra̧tta̧'a̧mä̧ chä̧ju̧cua̧'a̧nö̧ tä̧ji̧? ¿Tta̧'a̧nö̧ pä'ö ja̧u̧nu̧mä̧ cumöhuä̧ya̧mä̧ ucu chu̧ru̧hua̧ ru̧hua̧rö̧mä̧ a̧mä̧cö̧nä̧ jö̧nä̧mä̧ ö̧jö̧'a̧nö̧ttö̧? ³⁶ Cumöhuä̧ya̧mä̧ ucu ru̧hua̧cu̧ Jordán ajera̧'a̧cu̧ i̧'cho̧mȩtä̧'i̧nä̧ i̧'cha̧ pä̧huä̧rö̧jä̧cu̧. ¿Tta̧'a̧nö̧ pä'ö ru̧hua̧mä̧ jȩchi̧nö̧ micuämä imita päcusättö̧? ³⁷ Cumöhuä̧ya̧rö̧mä̧ ojusodera̧'a̧cu̧ ppa̧huä̧chö̧nä̧ hue'ö icu ppä'ädipirö, chidepiyuttötä 'corujuodächomenä, chä'o minä'inä cha̧ju̧ mi̧nä̧'i̧nä̧ huattome peyänä 'turu tticuattö. Ja̧'hua̧nö̧ ja̧'a̧nä̧ topi, yenatä̧ kö̧ cumöhuä̧ya̧ Quimamä. Chu̧ru̧hua̧ ru̧hua̧cu̧ ja̧u̧tä̧ aje ji̧jä̧cu̧mä̧ öjähuaja ja̧'hua̧ta̧'a̧nö̧ ja̧u̧rö̧mä̧ ucuru adihuomenä jȩ'cua̧rö̧jä̧. ⁴² Ja̧'hua̧nö̧ ja̧'a̧ttö̧, Judá umöhuäyotö umötö̧mä̧ ädätinätö̧ Israel ttö̧ja̧ umä̧tö̧rö̧: Ja̧'hua̧nö̧ ja̧'a̧ttö̧ ucuo ru̧hua̧mä̧ juhua'a ya'avutä täcö ahuaruhuä jö̧nä̧ ujutucu, ¿Tta̧'a̧nö̧ pä'ö suräjäcujä̧ttö̧ ucumä pi̧yȩmä̧? ¿Ujutumä ja̧u̧ ucuo ru̧hua̧ u̧cuä̧ imita pä'ö ujunärö̧ cui'i'ätöjä̧? ¿Ujuturu ji̧yȩtȩ mippoönä iyähuä iyinöjä̧? ⁴³ Israel ttö̧ja̧ umä̧tö̧mä̧ ädätinätö̧ Judá ttö̧ja̧ umötö̧rö̧: Ku̧nä̧rä̧tö̧jä̧ dieznö tahuaruhuä 'cotö ucuo ru̧hua̧cu̧ ucuocuä̧rä̧tö̧, ja̧'hua̧nö̧ ja̧'a̧nä̧ ku̧nä̧rä̧tö̧jö̧ ji̧nä̧ yabonänö jueönä Davidrö ucututtö'inä abonänö. ¿Ucutumä ujuturu kö'cocotöjä̧? ¿Ja̧'hua̧nö̧mä̧cö̧ ji̧na̧'a̧ ujutö amöcuädö pättinömä i'cächiyitö tu̧ru̧hua̧ ucuo ru̧hua̧rö̧ ä'cojitä cu̧jä̧tu̧cu̧ ä̧ju̧cui̧nä̧tö̧jä̧? Ja̧'hua̧nö̧ ja̧'a̧nä̧ Judá ttö̧ja̧ umätö̧ tti̧huȩnȩmä̧ isojö̧nä̧ ji̧na̧'a̧ Israel ttö̧ja̧ u̧mä̧tö̧ ti̧huȩnȩttö̧mä̧