20 ¹ Juorö jo̧mȩttö̧mä̧ ja̧'hua̧nö̧tä̧ 'cuäopina'anä juȩnȩ ki̧nö̧ huȩnȩ jö̧nä̧ mȩ'o̧pä̧rö̧ ja̧u̧ imimä Seba Bicri i̧tti̧ Benjamín ttö̧ja̧ i̧sa̧ ji̧na̧'a̧ ja̧'hua̧nö̧ ja̧'a̧nä̧, ja̧u̧mä̧ o̧huȩja̧ ä̧ja̧sä̧na̧ rä̧mi̧pönä ppu'u kä̧nö̧ pä'inö: David ujuturu iya päinömä jui'ätöjä̧ Isaí i̧tti̧ i̧yä̧cua̧ päinömä jui'ätöjä̧. O'catoi'önä umötö̧rö̧mä̧ ja̧'a̧tä̧ topi Israel i̧rȩjä̧ra̧'a̧ttö̧ ppa̧ttä̧cha̧'a̧nä̧. ² Ja̧'hua̧nö̧ ja̧'a̧ttö̧ Siba Bicri i̧tti̧cu̧tä̧ 'chä̧nö̧ o'catoi'önä Israel ttö̧ja̧mä̧ Davidrö jaropi'inä̧tö̧, ja̧'hua̧nö̧ ja̧'a̧nä̧ Jordán ajettö kä̧mä̧dö̧ Jerusalén ötahuiyä mänä o'cajuiyönä̧ 'chi̧nä̧tö̧ judá umöhuäyotö ru̧hua̧ ö̧jo̧mȩ tö'cö jubö. ³ David Jerusalénttö ruhuodera̧'a̧ i̧rȩbȩhuo̧mȩnä̧ ja̧u̧mä̧ ruhuode tta̧ttä̧ra̧ pä'ö u̧ju̧ni̧na̧'a̧ hueö jȩä̧cuä̧hua̧ ttö̧ja̧ttö̧ 10nö̧ huotörö irecua päi'önä ȩmi̧nö̧, ja̧'hua̧nö̧ ja̧'a̧nä̧ yodete isode tta̧ttä̧ra̧ pä'ö hue'ö ku̧ni̧nö̧. Ja̧u̧mä̧ jahuätörö recuä rö̧jö̧tä̧ ppä'ädinö ja̧'hua̧nö̧ ja̧'a̧ttö̧ juhua'a yabocumä ä'ocö puinö jahuätucumä, ja̧'hua̧ta̧'a̧nö̧ jahuätömä rättopoca'atä ki̧nä̧tö̧ 'coro juottächö mo̧ro̧ jubö päi'önä, ttirecuo to'ätö jä̧'i̧nö̧'a̧nö̧ jö̧nä̧ ka̧cui̧nä̧tö̧. ⁴ Ja̧'hua̧nö̧ ja̧'a̧ ru̧hua̧mä̧ pä'inö Amasarö: Huopi Judá umötö̧rö̧ ttö̧ca̧ca̧cua̧ pä'ö huäbodäcuä mo̧ro̧jö̧ o'ca'a, ucu'inä juhuene cu̧ja̧ pä'ö ja̧'a̧tó. ⁵ Ja̧'hua̧nö̧ ja̧'a̧ttö̧ Amasamä ji'äu 'chi̧nö̧ judá ttö̧ja̧rö̧ ttö̧ca̧ca̧cui̧'a̧ pä'ö ja̧'hua̧nö̧ ja̧'a̧nä̧ chutämä ru̧hua̧ ö̧'ä̧ pähui'inomettö̧'i̧nä̧ yabonänö pinö churutä ru̧hua̧ hueinomettö'inä yabonänö. ⁶ Ja̧'hua̧nö̧ ja̧'a̧ttö̧ Davidmä pä'inö Abisairö: Jitämä Seba Bicri i̧tti̧ ujuturu Absalón jȩo̧mȩttö̧'i̧nä̧ abonänö suronä jȩä̧cuä̧u̧jä̧. Jitä cu̧ru̧hua̧ umöhuäyotörö, chumöhuäyotöttö su̧ro̧da̧u̧, ja̧'hua̧ta̧'a̧nö̧ ru'irö koro ju'tomä ötahuiyä 'quiyönä 'tö̧ä̧huä̧ odehuiyä ö̧'o̧cui̧'ä̧cua̧cu̧ ja̧'hua̧nö̧ jö̧ juiyöttömä ö̧ji̧pä̧cua̧ ttä'ca jo̧mȩttö̧ ⁷ Ja̧u̧nu̧ o'ca'a Joab umöhuäyotöttö 'chi̧nä̧tö̧ ja̧u̧ o'ca'anä cereteos tto'ca'acunä tö'cönänö, Pereteos ja̧'hua̧ta̧nö̧ o'catoi'önö curä rohuäcuähuä juruhuätö. Jahuätömä Jerusalénmä o'ca'a ka̧cui̧pi̧nä̧tö̧ Sebarö rutta pä'ö Bicri i̧tti̧rö̧. ¹¹ Ja̧'hua̧nö̧ ja̧'a̧ Joab umöhuäyotöttö ya̧tȩ Amasa ippeyänä kä̧mä̧dö̧ ja̧u̧mä̧ pä'inö: Chu Joabrö adihuomenä jȩpö̧mä̧, Davidcu ö̧ja̧'a̧ttö̧ Joab o'ca'anä i̧'cha̧'a̧nä̧ ja̧'a̧tä̧ topirö." ¹² Amasamä mänä kä'co ucuojanätä̧ borepö pinö. Ttö̧ja̧ o'catoi'önä̧tä̧ kä̧mä̧dä̧jä̧'cotö to̧pä̧rö̧ ttö̧ji̧yä̧cu̧, ya̧tȩmä̧ mä̧nä̧ttö̧mä̧ jäyäcu, cuähuä ka̧cuo̧mȩcu̧ ȩmi̧pi̧nä̧cu̧. Ja̧u̧mä̧ pö̧jä̧ta̧ mö̧ȩpi̧nä̧cu̧, ttö̧ja̧ o'catoi'önä chutä ö̧jo̧mȩ tö'cöttö 'cuäopäjimä kä̧mä̧dä̧jä̧'cotö to̧pä̧tö̧rö̧ ttö̧ji̧yä̧cu̧. ¹³ Amasarö mänä jäyäcu pporädö icuäji o'ca'a ttö̧ja̧ o'catoi'önä Joab o'ca'anä 'chi̧nä̧tö̧ Bicri i̧tti̧ Sebarö o'ca'a ru'umä. ¹⁴ Sebamä umöhuäyotö su̧ro̧da̧u̧cu̧ Israel ttö̧ja̧ ttahuaruhuä 'cotö o'catoi'önä ttö̧ja̧cuo̧mȩ 'cuä'opinätö̧, Abel de Bet Maaca jubö, ja̧'hua̧ta̧nö̧ bicritas pä̧ttä̧u̧ tti̧rȩjä̧nä̧ 'cuättopomenä ca̧ca̧cui̧pä̧jä̧tö̧mä̧ jahuätö'inä Seba o'ca'a 'chi̧nä̧tö̧. ¹⁵ Jahuätömä rȩbȩhui̧pi̧nä̧tö̧ ja̧'hua̧nö̧ rȩbȩhui̧pö̧ Abel de Bet Maaca jäyänä tto'epinätö̧. Jahuätömä ötahuiyä ttoecuäbäcu 'chahuächäcuähuome aditinätö̧. O'catoi'önä su̧ro̧da̧u̧ Joabcu ka̧cuä̧tö̧mä̧ ötahuiyä ttoecuäbä kä'ö tticua pä'ö cuä'inätö̧. ¹⁶ Ja̧'hua̧nö̧ ja̧'a̧ isaju huo̧juȩcu̧nä̧ a̧mä̧cu̧ädäju ötahuiyättö pä̧i̧cu̧nä̧ huopinäju̧: "¡Ä̧ju̧cui̧, ä̧ju̧cui̧ Joab! ¡Ttö chu̧jo̧mȩcu̧ ichi chucuocuacu! ¹⁷ Ja̧'hua̧nö̧ pä'ö huojäcu Joabmä jahuäju kö̧jo̧mȩcu̧ ichia'a päjinäcu̧: ¿UCutä ja̧'a̧ Joabmä? Ja̧u̧mä̧ ädätinäcua̧: "A̧ ttötäsä" Ja̧'hua̧nö̧ päcua päjinäcu̧: "Ttö ucu cumöhuäyaju cucuocu ä̧ju̧cui̧." Ja̧u̧mä̧ "ä̧ju̧cu̧sä̧ pä'ö ädätinäcua̧." ¹⁸ Ja̧'hua̧nö̧ päcua ucuocuinä̧ju̧: Jahuätömä täbocumä ji̧yȩtȩ pähuä pä'inätö̧: Isopäi'önä Abel ro̧'ȩpö̧ jiähuinö usujä̧, ja̧'hua̧nö̧ ja̧'a̧ ja̧u̧ jiähuinömä̧ huȩnȩmä̧ adihuächö'anö̧ ja̧'a̧. ¹⁹ Ujutumä ötahuiyä ttö̧ja̧ huȩnȩ juiyönä ka̧cuä̧tö̧jä̧ ja̧'hua̧ta̧'a̧nö̧ Israel ttö̧ja̧ huettö'inä jȩpö̧ ka̧cuä̧tö̧jä̧. Ucumä Israel ttö̧ja̧ttö̧ ucuo ötahuiyä si'epö cuicua pä'ö jȩpö̧jä̧. ¿Tta̧'a̧nö̧ pä'ö TÖ̧Ä̧NÄ̧HUA̧ iya päinö racuädi'a päcua'attö̧? ²⁰ Ja̧'hua̧nö̧ päjäcu Joabmä ädätömä pä'inö: Ttömä yorö'iso radädi'a pä'ö'inä, si'epö chicua pä'ö'inä huocösä. ²¹ Ja̧u̧ päcumä isopäi'önämä̧ jo̧ca̧'a̧. Ja̧'hua̧nö̧ ja̧'a̧nä̧ ya̧tȩ kö̧ Efraín möä'canä̧, Bicri i̧tti̧ Seba pä'ö micua̧, ru̧hua̧ Davidrö to'ija̧'a̧cu̧ suronä̧ jȩpi̧nö̧. Ja̧u̧ ya̧tȩrö̧tä̧ iyitö, ja̧'hua̧nö̧ cuiyöttötä ttömä̧ porö ötahuiyättömä rädopächäcua̧sä̧." Jahuäju isajumä Joabrö pä'inäju̧: Ja̧u̧ Umä ötahuiyä ttoecuäbättö ucu cuja̧'a̧cu̧ icuähuäcua'a." ²² Ja̧'hua̧nö̧ ja̧'a̧ isajumä huo̧juȩcu̧nä̧ amöcuädäjumä ttö̧ja̧ o'catoi'önärö ucuocuinäju̧. Jahuätömä Bicri i̧tti̧ Seba U 'cui'opö icuinä̧tö̧, 'cui'opö icuäjä'cotömä Joabrömä̧ umicu̧ rä'epö icuinätö̧. Ja̧'hua̧nö̧ ja̧'a̧ ja̧u̧mä̧ trompeta rä̧mi̧pö̧nä̧ ppö'inö ja̧'hua̧nö̧ ppö'omenä Joab umöhuäyotömä ötahuiyättö rä'opächö yotöcu pönä ttojusodera̧'a̧cu̧ i̧hui̧nä̧tö̧. Ja̧'hua̧nö̧ tti̧hua̧'a̧nä̧ Joabmä Jerusalénä ru̧hua̧ ö̧ja̧'a̧cu̧ ppa̧'ä̧chi̧nö̧.