¹ Yaz phătc pitc hungđ jix caox njingc nzongf hynđ woa gungh stymz, naih nhlic lanh stynz-munh nzauf nhlic hungđ staiz nanc, six pây tauv stêtb mâyv Tênb-Hungh hănđ stoif nyăngz staiz nanc. ² Yaz phătc ah cuyb cayx năngđ coiđ engz canyx zanb tâuf, Yeetx stong tuz hingh quaix stengb hiv, cloon max congx nănh hanyh jangx, max naih stengb hiv sôx cloon bux nyăngz munh, stiz stâuđ woa coiđ synh jom Tênb-Hungh nyăngz lanyh njămh. ³ Stiz ayx Mô-sê nyăngz nzungz, Tênb-Hungh nyăngz cumh pâuz munh, Cloon pa-jiz yungh nzungz, ayx nzungz Coog, “dlênc quaix nyăngz Zâu Tênb-Hungh lex! Mâyh nyăngz cumh pâuz seenz lub yâuc njingc, muif stingx munh nyăngz Hungh lex! Mâyh ayx nyăngz jau, six seenz gâyf, cloon seenz pengh stymz. ⁴ Zâu lex! muif lanh six zuc ayx nzungz tanv mâyh, yâuc cumh nzav mâyh? Zâu seenz ah tauh đăngb zengh, Muif stingx nyeenh mănh six yămz mâyh cah đangc paix bongc mâyh, wâyc zuc nyeenh mănh phătc mâyh payb cumh pâuz seetb yangh six pengh stymz. ⁵ Quaix đangz yaz mangc yămz woa Tênb-toongh coib goib, songđ phătc congx Hungh nyunc woac njiuh. ⁶ Nhlic lanh Stynz-munh nzâyz nhlic hungđ staiz nanc, tăng woa congx Hungh tync seetb taih, zuz đôc buyx gwuyz pec buđ đăngb zengh, yâuc naih sămz câuv pongz cah lapc. ⁷ Pyâyz tauh stengb hauđ, naih ah tauh jaoz phunz banc stây săngh woax tauh Tênb-Hungh nhlic nomz sămz zan ănz pong hănđ stoif nyăngz staiz nanc. Jaoz phunz woax đomc Stynz-munh. ⁸ Yămz congx Hungh tync, songđ naih tâuf sâuv pong nzuf, six Tênb-Hungh nyăngz quênh cloon gwăngz-eng hynđ seetb taih. Max naih laiv lanh tuz nzac woa congx Hungh tync cah njaf ninyh, zu tauv woa nhlic lanh stynz-munh ayx songf nâyx đomc staiz nanc.