¹ Wâyc zuc Tênb-Hungh ayx phunz nyâuh yâuf-pez tuz cloon Njâuv Zâu săngh phunb stengb taih, nyâuh yâuf-pez six zuc wynb muf lov Tênb-toongh, six Njâuv Zâu stâyv Zâu Tênb-Hungh nyăngz byaoh phanx woax nomz tync. ² Six zuc nyâyh yămz gungh nyăngz dlayc, năngx gâyf nyâyh yămz nib nyăngz dlayc. ³ Nyâuh yâuf-pez naih stoif nyăngz lôx Mengc Tayc nzof, nyâuh nyăngz săngb Mengc tuz pinyx ănz Njâuv Zâu Tênb-Hungh nyăngz cah njaf. ⁴ Njâuv Zâu six ayx pănh nyăngz săngh Mengc, tauv Nănh phunb đangz taih woax zanyf, pănh songđ tuz cloon Nănh songc gwăngz-eng nyăngz phănc. ⁵ Six zuc quanyf nzuf ayx huđ nyăngz jau gâyh nyâuh yâuf-pez nyăngz stynb, yâuc zuc quanyf nzuf pongz lauh max đăngb zengh nyăngz dlayc, Mauh tax hungđ, wâyc zuc mauh tax hungđ six năngđ paix miuc hanyh nyăngz Munh. ⁶ Wâyc nâyx đomc dlayc. Tênb-Hungh oix phunz max mungv nănh nyăngz woac woax đomc Munh zuc nănh hănđ. ⁷ Cah đangc noib nyâuh yâuf-pez nyăngz lôx Mengc năngx ayx woax đomc đokc nyăngz dlayc. ⁸ Six nâyx zanyf nyâuh yâuf-pez six zuc quanyf nâyx đomc yeetx stong dlayc. nongx gâyf siv nhleenx hănđ Munh. năngx gâyf coong woac peo ănz Munz Munh, mah six coong woac bah camx bah caiz. ⁹ Lanh năngx gâyf jaf lanh, wâyc zuc nyâuh yâuf-pez quanyf nzuf nyâuh nyăngz lôx Mengc ayx nyăngz dlayc. ¹⁰ Năngx tuz săngb Mengc, nâyx hungđ săngb Mengc zâyx muif hungđ nyăngz Tênb-Hungh zâyx taih năngđ nănh nyăngz hanyh jangx, wâyc phunz nyâuh yâuf-pez hayh pâyx tuz nzuf nănh. ¹¹ Yămz nâyx đomc săngb Mengc cah njaf nyăngz Munh tinyh năngđ nzuf, Yiu-tai Munh cloon max zâyf Yiu-thai Munh lauf tinyh năngđ, Quaix catz nyăngz gâyf. Cloon max quaix catz nyăngz munh tinyh năngđ nzuf. ayx nâuh cloon max ayx nâuh nyăngz munh lauf tinyh năngđ, muif hungđ six yămz Njâuv Zâu. ¹² Tênb-Hungh Stăngz nyâuh yâuf-pez songđ sên nyâuh taih ayx nănh nyăngz đăngb zengh pec stingx, năngđ ha nyâuh yâuf-pez songđ zuc naih nyâuđ hâuđ lênh Munh. nhlimc ayx jeenz, dlênc stymz dlênc âyx nongc noic tanyđ. ¹³ Six zuc ayx nyâuđ đao, lanh nyangc lanh. Six coong nyâuh yâuf-pez laiv lanh naih dlayc. lanh zuc quanyf Stoif phunz lanh. Năngđ Zâu quanyf Stoif phunz nyâuh yâuf-pez nâyx. ¹⁴ Max si cungb buc nâyf, năngx zuc naih cloon Stăngz Munh nyăngz nyâuđ wâyc zuc Stăngz Munh nyăngz nyâuđ six phunz nâyx đomc muif hungđ dlayc tuz clakx clunh nzuf. ¹⁵ Six zuc phunz Zâu nyăngz pengh oonz cun nyâuh yâuf-pez nyăngz nyâuđ, wâyc zuc nây pengh oonz sên pănh yâuf-pez taih pênx ah nomz stynb, pănh songđ zuc muif dlih hâuđ Zâu. ¹⁶ Six zuc sangh Njâuv Zâu nyăngz gâyf ănz pong nyâuh yâuf-pez nyăngz nyâuđ songđ nongc muif hungđ tongb-manyh lanh nzaox lanh, lanh bux lanh. Yâuc zuc ayx nzungz đăngb cloon Singx-lingh phunz Munh nyâyh seetb taih nyăngz nzungz ayx hâuđ tanv Zâu Tênb-Hungh. ¹⁷ Max cun nyâuh yâuf-pez ayx laiv hungđ, six zuc tingz Njâuv Zâu Yê-su nyăngz bux hâuđ pănh nyăngz Nzangc Pha Zâu Tênb-Hungh. ¹⁸ Ayx au nyăngz Munh lex! six zuc buc pănh nyăngz langh. Năngđ nâyx ayx six payh tuz zeen Zâu nyăngz Munh. ¹⁹ Ayx pha langh nyăngz Munh lex! yâuc zuc stăngz pănh nyăngz au, yâuc năngx gâyf ayx peo nănh. ²⁰ Ayx sây nyăngz Munh lex! yămz muif hungđ dlayc six zuc mungv nzif-pha nyăngz Woac. năngđ nâyx ayx six hopđ Zâu nyăngz nyâuđ. ²¹ Ayx pha nyăngz Munh lex! năngx gâyf coong zokb nyâuh nyăngz sây siv nhleenx. Max đanyf nănh stiz hayh nămx nyâuđ. ²² Ayx nâuh nyăngz Munh lex! six zuc yămz muif hungđ dlayc mungv nyâuđ bamh canz nyăngz Zâu max zâyf cungb toongx Zâu năngx naih mynb yămz nyăngz săngx huđ bix ayx gongx phunz nănh numđ nyađ, six zuc ayx nyâuđ zanyx Wâyc zuc nyâuh yâuf-pez six nênf Zâu nyăngz Munh. ²³ Ayx laiv hungđ dlayc six zuc pong nyâuđ ayx wâyc phunz Zâu. max zâyf ayx wâyc phunz Munh. ²⁴ Nyâuh yâuf-pez pâyz tuz nyâuh six tuz stipx Zâu nyunc phunz nyâuh nyăngz sâuđ nyâyc, wâyc zuc nyâuh yâuf-pez bokc dlic woax tauh six Njâuv Zâu. ²⁵ Seenz zuc săngx, “laiv lanh ayx huđ dlayc six zuc clao toiv phunz nănh zuc tingc Stoif. wâyc zuc Zâu max mangc laiv lanh nyăngz mynb.