3 ¹ Yaz coong nâyx đomc six seenz nyăngz, laiv lanh naih stymz nyâuđ ayx huyđ đăngb munh côx nyăngz cumh pâuz six gongx nyăngz dlayc. ² Ayx Huyđ-đăngb munh côx, yâuc năngx gâyf bây munh naih tync nzêmh, Cungb tuz nongc ah lanh au, yâuc zuc lemđ hayh pâyz jau nzaox munh, yeenv gâyf munh six zuc naih nyâuđ stipx zeb. ³ Max hopb tyu, max cloon munh tinyh panx, yâuc zuc ayx nyâuđ dlênc, yâuc max mauh nyanh stynh. ⁴ Hayh nzaox tuz gongx nănh nyăngz pyau munh, nănh nyăngz sây yâuc mungv woac. ⁵ Six coong năngđ max hayh yeenv tuz pyau munh, ayx laix hayh jămđ tuz Tênb-Hungh nyăngz Huyđ-đăngb? ⁶ Nzăngđ săngđ zeen nyăngz munh max hopđ zuc phunz ayx Huyđ-đăngb munh côx, sangx max đanyf nănh hayh zanyb ayx lub, songđ zuc tingc stoif năngđ manđ hungh nâyx. ⁷ Ayx Huyđ-đăngb munh côx six zuc nongc naih cungh ngwoaic munh stunx naih manyh yangh gongx, songđ max zuc tuih nzac Manđ hungh nyăngz ploz. Huyđ đăngb nyăngz cumh pâuz munh ⁸ Ayx Huyđ-đăngb (zâpv sưc) munh, six zuc naih munh nênf, max tuz coong woac bah camx bah caiz, max tuz hopb tyu, yâuc max tuz mauh stynh nyanh. ⁹ Nănh stiz six zuc nongc đăngb zengh nyăngz seenz stymz zeen wăn, Tênb-Hungh phunz plongx yangh seetb taih nyăngz seenz gâyf. ¹⁰ Six zuc stâyv mangc đangc laiv lanh phătc năngđ max naih tync nzêmh, nzof mănf phunz nănh stiz ayx (zâpv-sưc) munh. ¹¹ Bokc dlic Zâu nyăngz munh yâuc zuc naih manyh yangh gongx, max coong woac huđ, ayx muif hungđ dlayc six zuc ayx nyâuđ zanyx. ¹² Ayx (zâpv sưc) munh six cungb tuz nongc ah tauh au cungv, yâuc hayh yeenv nănh nyăngz pyau njaf munh. ¹³ Yoiz ayx (zâpv sưc) munh songđ tuz munh nênf, yâuc tuz pungx stymz lănv Njâuv Zâu Yê-su nyăngz gâyf. Plongx yangh seetb taih nyăngz dlayc seenz lub nzongf ¹⁴ Yaz nyâyh taih yaz mungc tuz ninyh tayđ mâyh njâu, yaz songđ ja nâyx zây jeenx ninyh bux bây mâyh pâyz đangc. ¹⁵ Six coong yaz ninyh tauv zayh sây buz bix cănh pâyz jau săngh yămz Zâu Tênb-Hungh pyau, wâyc zuc woax siênz pyau munh six săngh mengc nyăngz Zâu Tênb-Hungh nyăngz Huyđ-toongh, Huyđ đăngb six ayx seenz gâyf nyăngz njâuh wăn nzongf nyăngz coonz tay. ¹⁶ Pănh six zuc nhlimc pănh zeen nyăngz jau plongx yangh seetb taih seenz lub nzongf, Njâuv Zâu nănh tuz hynđ yangh seetb taih pênx pănh bamh munh, Nănh tuz Singx-lingh ayx zanyx manyf phunz stynb stayđ, Nănh six jic tuz nyeenh mănh zeen coouv woax tauh, Yâuc tuz Stynz-munh phătc nănh lănv bux max zâyf Yiu-thai munh, Yâuc tuz naih Gungh đi manf Côkz munh zeen nănh, Nănh yâuc tuz stipx staox muf yămz woa gwăngz-eng nyăngz tync. Nzaox za gâyf nyăngz stênx stengb