¹ Israel é un videra fertil ki ta da ses frutus. kantu mas ses frutus aumenta, mas altaris multipika. Kantu mas se tera ta pruduzi, mas midjor ses pilares. ² Ses kurason ta ngana; gosi es debi karega ses kulpas. Nhordes ta ben distrui ses altaris; El ta distrui ses pilaris ³ Ma es ta fla:" Nu ka tem rei, pamoodi nu ka ten medu di Nhordes. Y un rei- kuze ki ta faze-ba pa nos?" ⁴ Es ta fala palavras vaziu y es ta faze aliansas, ta jura falsamenti. Nton, justisa ta nasi sima erva ki ta prejudika na tera di um canpu. ⁵ Moradoris di Samaria ta ser asustadu trocadu bixeru di Bete-Áven. se povu ta labanta trokadu es, sima kes saserdotis idolatra ki ten txeu orgudju di ses kabesa y na ses brilhu; ,a es ka ixisti mas. ⁶ Es ta ser lebadu pa Asiria sima un prisenti pa grandi rei. Ifrain ta ser umilhadu, y Israel ta xinti vergonha di se idulu. ⁷ Rei di Samaria ta ser distuidu sima un pedasu di madera botadu riba águ. ⁸ Kes lugaris altu di pekadu ta ser distruidu. Es e pekadu di Israel! Spinhu y pedras grandi ta kresi riba bus altar. Kes algen ta fla pa muntanha : "kubrinu!", y kulinas: "kai riba nos!". ⁹ Israel, bu ten prkadu desdi dia di Gibea; bu fika la. Gera ta alkansa fidjus di injustisa di Gibea? ¹⁰ Oras ki N diseja, N ta disiplina-s. Tudu nason ta riuni kontra es y es ta prende-s pa ses injustisa. ¹¹ Ifrain é un bixeru domadu ki gosta di dugudja gran, purisu N ta pui pesu na se piskos. N ta pui pesu riba Ifrain; Juda ta lavra; Jako ta puxa korda el so. ¹² Nhos simia pa nhos justisa, y nhos skodji miserikordia. Nhos labra tera ki ka lavradu, pamodi e tnpu di buska Nhordes, ti ki ben y fazi txobi justisa riba bos. ¹³ Bu lavra maldadi, bu ta codji injustisa. bu kumi frutu di mintira, pamodi bu kunfia na bus planus y na bus munti tropas. ¹⁴ Nton, un konfuson di gera ta ben labanta na meiu di bu povu, y tudu bus fortalesas ta ser distruidu. Ta ser sima Salma, ki distui Bete-Arbel na dia di gera, ora ki maes ser dispedasadu ku ses fidjus. ¹⁵ Asi ki ta akontisi ku bo, Betel, trokadu bu injustisa. Di palmanhan, rei di Israel ta ser tudo distruidu".