¹ Ka bu fika kontenti, ka bu izalta sima kes ôtus povus. Pamodi bu sa ta seba infiel, bu sa ta negaba bu Deus. Bu ta ama pagamentu di prostituta na tudu kampu di trigu. ² Ma kel kampu y kel lagar kata alimentas, y vinhu nobu ta faltas. ³ Es kata kontinua ta vivi na tera di Nhordes en bes di klia, Ifrain ta volta pa Ijitu y es ta kumi kumida impuru na Asiria. ⁴ Es ka ta derama ofertas di vinhu pa Nhordes, tambi N ka ta agradas ku ofertas. Pamodi ses kumida ta ser sima kumida di lutu: tudu kel ki bu kumi ta ser profanadu. Pamode se alimentu ta ser so pa es; ka ta entra na kaza di Nhordes ⁵ Kuze ki nhos ta fazi na dia di kumemorason, na dia dei festa di Nhordes? ⁶ Odja! Se es skapa di distruison, Ijitu ta kortas, y Menfis ta interas. Di bus tizorus di prata, es ta fika ku urtigas y ses tendas ta intxi di spinhu. ⁷ Dias di kastigu sa ta txiga, dias pa torna sa ta txiga. Ki Israel inteiru ta sadi des kuzas. Profeta é un tolu, y homi inspiradu é dodu, trokadu se grandi injustisa y odiu. ⁸ Profeta e vigia di nha Deus riba Ifrain. Ma armadilia di avis sta na tudu ses kaminhu, y inimizadi na kaza di Deus. ⁹ Es fika korumpidu profundamenti, sima na dias di Gibea. Nhordes ta lembra di ses injustisa, y ta kastiga ses pekadus. ¹⁰ Nhordes fla: "Kantu nhatxa Israel, e sima panha uvas na disertu. Sima prumeru fruto di figera, Ntoma ses pais. ma es bai pa Baal-Peor, e es konsagra a ses idulu vergonhosu. Es torna txeu ditestadu sima idulu kes ama. ¹¹ Ma pa Ifrain, se gloria ta bua sima un pasaru. Ka ta tem nasimentu, nen prenha, nen pari. ¹² Sikre es ben kria fidjus, Mi N ta tra pa ka fika ninhun des. Ai des oras ki N afasta! ¹³ N ta odja Ifrain, sima nta odja Tiru, ta planta na kampu , Ma Ifrain ta ben traze se fidjus pa algen ki ta matas." ¹⁴ Das, Nhordes- kuze ki Nhordes ta das? Das bariga ki ta aborta y mam sem leti ¹⁵ Trokadu bus pratikas di pekadu na Gilgal, mpasa ta odias desdi ki dia. trokadu bus pratikas di pekadu, Mi N ta fulia-s fora nha kaza. N ka ta ama-s mas; tudu ses ofisial es e rebaldis. ¹⁶ Ifrain sta duenti, y se raisis seka, ka ta da frutu. Inda ki ten fidjus, N ta mata ses fidjus kes ama". ¹⁷ N ha Deus ta nega-s pamode es ka obedeci. Es ta anda mariadu entri nasons