¹ Kantu Israel era joven N ta ama-l, y N txoma Nha fidju pa fora Ijitu. ² Kantu mas es ta ser txomadu, mas es ta afasta di Mi. Es ta sakrifika-ba pa baalins y es ta kema-ba insensu pa idulus. ³ Kontudu, e Mi ki inxina Ifrain anda; e Mi ki labantas pa brasu, ma es ka persebi ma e Mi ki ta kuida des. ⁴ Mi ki orienta-s ku lasus di amor, ku lasus di karinhu. Mi era pa es sima kel ki tira pesu riba ses kabesa, N inklina pa es y N das kumida. ⁵ Es kata volta pa tera di Ijitu? Nton Asiria ka ta julga-s pamodi es nega volta pa Mi? ⁶ Spadata kai riba ses sidadi y ta distrui trankas di ses portas; Es ta ser distruidu trokadu ses propi planus. ⁷ Nhas povu sta disididu pa vira kontra Mi. Sikre es txoman din altisimu, ningen ka sa ben djuda-s. ⁸ Modi ki N ta disisti di bo, Ifrain? Modi ki N ta intrega-u Israel? Modi ki N ta faze-u simaAdma? ó sima Zeboin? Nha kurason dentru Mi; tudu Nha konpaxon sta ajitadu. ⁹ N ka ta izikuta Nha ira; N ka ta distrui Ifrain. Pamodi Ami é Deus nau homi; Ami é Santu entri nhos, y n ka ta ben ku nha ira. ¹⁰ Es ta sigi Nhordes; y El ta grita sima lion. Oras ki El é grita, es ta ben ta tremidi oesti. ¹¹ Es ta ben ta tremi sima un pasaru di Ijitu, sima ponba di tera di Asiria. N ta faze-s vivi na ses kaza- es é diklarason di Nhordes. ¹² Ifrain ta rodia ku falsidadi, y kaza di Israel, ku inganu. ma Juda inda sa ta anda ku Mi, inda el é fiel pa Mi, Uniku Santu".