¹ Purtantu, e pa liberdadi ki Kristu liberta-nu . Nton nhos permanesi firmi, i ka nhos koloka novamenti dibaxu di jugu di skravidon. ² Odja mi Palu n ta fla nhos ki si nhos dexa sirkunsiza; Kristu di nada ka ta binifisia nhos. ³ Otu bes n ta tistifika kada Ômi ki dexa sirkunsiza; me ta torna abrigadu a obidesi tudu lei. ⁴ Nhos sta siparadu di Kristu. Nhos ki diseja ser justifikadu pa lei; nhos ka ta purba grasa mas. ⁵ Pa meio di spiritu, pa fé; nu ta spera txeu ansiozu pa speransa di justisa. ⁶ Na Kristu Jizus nem sirkunsizon nem insirkunsizon ta siguinifika algum kuza; mas so ku fé trabadjadu pa meio di amor. ⁷ Nhos sta koreba dretu. Kenha ki impidi nhos di obidesi verdadi? ⁸ Es konvensimentu ka bem di kenha ki txoma-nu. ⁹ Um poku di firmentu ta fazi masa kresi. ¹⁰ Mi n ta kunfia na Sinhor ma nhos ka ta tem otu vizon, tudu kes ki sta trapadja nhos ta ser kastigadu. ¹¹ Nhas irmons; si inda n sta proklama sirkunsizon, pamodi ki inda mi e pirseguidu? Nes kazu es burgonha di krus tradu. ¹² E pa tudu kes ki sta trapadja nhos, n gostaba kes kapaba. ¹³ So pamodi, irmon nhos, txomadu pa liberdadi; kontudu ka nhos usa nhos liberdadi sima oportunidadi pa peka, em vez kela nhos usa sirbi tudu alguem ku amor. ¹⁴ Pamodi tudu lei ta resume na; um mandamentu " Ama bu proximo sima bu kabesa" . ¹⁵ Entretantu si nhos ta morde e nhemi kumpanheru, nhos toma grandi kuidadu pa nhos ka kaba ku kumpanheru. ¹⁸ Midjor n ta fla nhos; nhos anda na spiritu i ka nhos dexa ser lebadu pa dizeju di karne; pamodi es ka ta da ku kumpanheru. ¹⁷ Finalidadi e pa nhos fazi kuzas kinhos ta dizeja. ¹⁶ Mas si nhos sta guiadu pa spiritu; nhos ka sta dibaxu di lei. ¹⁹ Gosi, obras di pekadu e klaru: prustituison; imuralidadi, ira, rivalidadi, luxuria, ²⁰ idolatria, fitisaria, guerra, siumi, ira, rivalidadi, purfia, divizon, ²¹ inveja, toma moku, parodia, sima kes kuzas li n ta consedja nhos, sima djan fazeba antis, ki tudu kes ki pratika kes kuzas li es ka ta erda reino di Nhordés. ²² Mas frutu di Spiritu e amor; alegria, paz, paxenxa; beniguidadi; bondadi; fe, ²³ gentileza; kontrolu; kontra kes kuzas li ka tem lei. ²⁴ Kes ki e di Kristu Jizus dja krusifika ses karne djuntu ku ses paixon e dizeju. ²⁶ Si nu vivi pa Spiritu; nu ta anda tambe na Spiritu. ²⁵ Ka dexa soberba subiu kabesa; ta provoka otu; ta inveja kumpanheru.