¹ Irmons, si un ómi pegadu na algun pekadu nhos ki ta sta na Spiritu nhos debi ndireta-L ku un spiritu mansu; e nhos kuida di nhos kabesa, pa ki nhos tanbe ka ben t ser tentadu. ² Karega kargas di kunpanheru, i asi nhos ta kumpri lei di Kristu. ³ Si algén pensa ser algun kuza, inkuantu ki el e ka nada, e sa ta ingana se kabesa. ⁴ Kada un debi ixamina se propi komportamentu; inton, so si el podi ten algun kuza pel fika orgulhosu, sen jumpara ku ningén. ⁵ Pamodi kada un ta karega si propi karga. ⁶ Kel ki e inxinadu palavra mesti kumpartilha tudu kuzas bon ku kenha ki inxinal. ⁷ Ka nhos ingana, pamodi di Deus ningén ka ta fazi trosa. Tudu kuza ki omi planta el ta kodji. ⁸ Kel ki planta na karni ta kodji distruison; ma kel ki planta na Spiritu, ta kodji vida iternu di Spiritu. ⁹ Nu ka podi kansa di fasi kuzas dretu, pamodi na tenpu sertu nu ta skodji, si nu ka disisti. ¹⁰ Timenti nu teni opurtunidadi, nu fazi ben pa tudu algén, spisialmenti pa kes ki e nos irmon na fe. ¹¹ Nhos odja ma n skrebi nhos ku nha propi mo ku letras grandi. ¹² Kes ki kre kausa un bon inpreson na karni ta obriga nhos a ser sirkunsidadu, so pes ka bem ser pirsigido pamodi kruz di Kristu. ¹³ Nen kes ki ta sirkunsidadu ka ta kunpri lei, ma es kre ki nhos sirkunsidadu asi pa nhos ten urgulhu di hos karni. ¹⁴ Ki nunka kontisi di n-xinti urgulhu, si ka na kruz di nos Sinhor Jizus Kristu; Pa meiu di di ken mundu sta krusifikadu pa mi, i mi pa mundu. ¹⁵ Nen judeu, nen kes ki ka judeu, e algun kusa, a non ser nobu kriatura. ¹⁶ I a tudu kel ki ta vivi di akordu ku kel padron li, ki pas i miserikordia fika riba des i riba di Irsael di Deus. ¹⁷ Di gosi pa frenti ningen pa ka perturban, pamodi n-ta karega marka di Jizus na nha korpu. ¹⁸ Ki grasa di nos Sinhor Jizus Kristu fika ku nhós Spiritu, nhas irmons. Ame-m.