¹ Hagai mneneri na Zakariamneneri, ba mbadwe wa Ido, benenera mzina la Mulungu wa Israeli kwa Ayuda ku Yuda na Yerusalemu. ² Zerubabele mwana wa Sealatiele na Yesuwa mwana wa Yozadaki benyamuka na kuyamba kumanga ng'anda ya Mulungu ku Yerusalemu pamozi na aneneri ebayavya. ³ Ndipo Tatenai azembe wa dela lopitilira mkolo, Setari-Bozenari, na ayao bewera na kuti wa beve, "nibani ekupasani lamulo lakuti mumange ng'anda na kusilizya vipupa?" ⁴ Beciti soti, "Nibani mazina ya analume omanga ng'anda iyi?" ⁵ Koma linso la Mulungu lenze pa akulu akulu ba Ayuda ndipo adani bao baliye kwanishe kubapanamika. Benzolindila kalata kuti itumiwe kwa mfumu na lamuli kuwezyewa kwa beve pa nkhani iyi. ⁶ Iyi niye kalata ya Tatenai, kazembe wa dela lopitila mkolo, na Setari-Bezenai na ayao mu dela lopitila mkolo, yibetumizya kwa mfumu Dariyo. ⁷ Betumizya mau, Tulemba iyi kwa mfumu Dariyo, "lekani mtendele onse ube na mweo. ⁸ lekanni mfumu izibe kuti teluta ku Yuda ku ng'anda ya Mulungu mkuleni. Yumangiwa na myala ikuluikulu na kuikamo mapulanga mu vipupa. Nchito iyi yukatiwa mwamsanga ndipo yukuya bwino pasogolo m'nanja mwao. ⁹ Tekonsha akulu akulu, 'nibani ekupasani lamulo kumanga ng'anda iyi na vipupa?' ¹⁰ Tebakonsha soti na mazina bao kuti muzibe mazina ya aliyense obasogolera. ¹¹ Betiyankha na kuti, 'nise atumiki ba umozi wamene ali Muliungu wakululu na pacalo, ndipo tumanga ng'anda iyi yenzemangiwa zaka zakuli pamene mfumu ya Israeli yenze manga nakuisilizya. ¹² Mwakuti, pamene makolo basu ekalipisha Mulungu wakulu, ebapeleka m'manja mwa Nebukanizara mfumu waku Babiloni, Mkalideya, ewononga ng'anda iyi na kutola banthu mundende ku Babiloni. ¹³ Olonteto, mcaka coyamba ca ufumu wa Koresi waku Babiloni, Koresi ecosa lamulo kumanga soti ng'amda ya Mulungu. ¹⁴ Mfumu Koresi ewezya soti vinthu va golide na siliva vamng'anda ya Mulungu vamene Nebukadinezara enzetola mkacisi ku Yerusalemu kuya navo ku kacisi ku Babiloni. Eviwezyela kwa Sesibazara, wenzepanga kuba kazembe. ¹⁵ Eciti kwa eve, "nyamula vinthu ivi. Nkhoya ukaviike mkacisi ku Yerusalemu. Lekani ng'anda ya Mulungu imangiwe kwala." ¹⁶ Ndipo uyu Sesibazara ewela na kuika maziko ba ng'anda ya Mulungu ku Yerusalemu; ndipo yumangiwa, koma ikaliyo silizyike.' ¹⁷ Lomba ngati cuwamizya mfumu, lekani kufufuziwe ku ng'anda yosungilamo volemba ku Babiloni ngati lamulo la mfumu Koresi iliko lomanga ng'anda iyi ya Mulungu ku Yerusalemu. ndipo lekani mfumu itumizye maganizo bake kwa seo.