¹ Lomba adani ba Yuda na Benjamini becimvwa kuti banthu benze mundende lomba omanga ng'anda ya Yehova, Mulungu wa Israeli. ² Teto befwika kwa Zerubabele na akulu akulu ba fuko la mabanja bao. Beciti kwa beve, "Lekani timange namwe, pakuti, monga mweo, Tankhala tufunafuna Mulungu wanu ndipo tupeleka nsembekwa eve kufumila mu masiku yamene Sarhadoni mfumu ya Siriya, yetileta pamalo pano." ³ Koma Zerubabele, Yesuwa, na akulu akulu ba fuko la mabanja bao eciti, "nimweo lini, koma seo tunifunika kumanga ng'anda ya Mulungu wasu, pakuti niseo tati tikamumangire Yehova, Mulungu wa Israeli, monga mwamene mfumu Turo ya Perisiya yelamulira." ⁴ Teto banthu ba mcalo bepanga manja ba Ayuda kuba aliye mphamvu; bepanga a Yuda kuba na mantha kumnga. ⁵ Elemba alangizi kuti akangishe malingaliro bao. Beciti vonse ivi mu masiku onse ba Turo na mu ulamuliro wa Dariyo fumu ya Perisiya. ⁶ Ndipo poyamba kwa ulmuliro wa Ahasuwero belemba monamizhila mbadwe wa Yuda na Yrusalemu. ⁷ Mwenze mu masuku ya Aritasasita pamene Bisilamu, Mitiredati, Tabeeli, na ayao elembea Aritasasita. Kalata iyo yenze yelembewa mu ciaramu na kumasulira. ⁸ Rehumu wosogolera na Simsai wolemba elemba mnjira iyi kwa Aritasasita za Yerusalemu. ⁹ Ndipo Rehumu, Simsai, na ayao bayakine, benze oweruza na asogoleri ayakine mu boma, a Perisia, analumebaku Ereki na Babiloni, na analume baku Susa (awo niye a Elamu)- belemba kalata- ¹⁰ na kukatizyana na banthu benze ba mphamvu ndipo ozibika ba Asuribanipo bekakamizyiwa kunkhala ku Samaria, pamozi na bala benzonkhala ku malo ba zdela lopitilira msinje. ¹¹ iti niye kalata yecilemba nakutuma kwa Aritasasita: Atumiki banu analume baku dela loputilira mkolo, olemba ici: ¹² Lekani mfumu izibe kuti aYuda befuma uko kwanu ofuna kutiukira ku Yerusalemu kumnga mzinda woukira. Basilizya kumanga vipupa na kukonza soti maziko. ¹³ Lomba lekani a mfumu azibe kuti ngati mzinda uyu umangiwe ndipo vipupa vasilizyiwa kumangiwa, bakopeleka lini copeleka ciliconse na msonkho uliuwonse, koma bakacite ciipa mafumu. ¹⁴ Zoona cifukwa tukulya namwe munyu, cutiwamizya lini kuti tikoona ciipa cucitika kwa mfumu. Nicifukwa ca ici kuti tuzibisha a mfumu ¹⁵ mufunefune pa volemba va makolo banu na kuoneshesha kuti uyu ni mzinda oukirawati ukacite ciipa ku mafumu na madela. balengesha mavuto anyinji ku mafumu na kumadela. Yankhala pakati na pakati pa kuukira kwa nthawi itali. Cenze cifukwa ca ici kuti mzinda wenzeonongewa. ¹⁶ Tuzibisha mfumu kuti ngati mzinda na vipupa vumangiwa, nikuti paliye canu citi cisalire ku madela na kupitilira mkolo." ¹⁷ Teto mfumu yewezyela mau kwa Rehumu na Simsai na ayake ku Samaria na bayakine osalako ku madela na kopitilila mkolo: "lekani mtendele ube namweo. ¹⁸ Kalata imwenilembela yebelengewa na kumasuliwa. ¹⁹ Teto nelamulira kuti bafufuziwe na kuziba kuti mu masiku ba kuvuli ooukira ndipo beukira mafumu. ²⁰ Mfumu za zikuleni zelamulira Yerusalemu ndipo zenze na mphamvu pa kalikonse mu dera na kupitilira msinje. Zopeleka na misonkho venzopelekewa kwa beve. ²¹ Lomba, pangani lamulo kuti aba analume baleke ndipo basamange mzinda mpaka nikapange lamulo. ²² Musamale pakusaikako nzeru pa ici. Muloleranji kuti coyofya ici cikule na kuonongesha zofunikira ngako za ufumu? ²³ Pamene lamulo la mfumu Aritasasita lebelengewa pamenso pa Rehumu, Simsai, na ayao, beluta mofulumila ku Yerusalemu na kukakamizya ayuda kuleka kumanga. ²⁴ Teto nchito yomanga mu ng'anda ya Mulungu yepanama mpaka mcaka cacibili ca ulamuliro wa Dariyo mfumu wa Perisiya.