¹ Weze mwezi wa seveni bana ba Israeli pibeweramo mu mizinda bao, Pibenkhala pamozi monnga munthu umozimu Yerusalemu. ² Yesuwa mwana mwanalume wa Yozadaki na azinekwao bansembe, na Zerubabele mwana wa Sealatieli, na azinekwao benyamuka na kuyomangaguwa la Mukungu la Israeli loperekelapo nsembe mwicilembewela mu malamulo ba Mose munthu wa Mulungu. ³ Ndipo beika guwa pa coikapo cake, pakuti benze na mantha cifukwa ca banthu ba mcalo. Benzop eleka nsembe kwa Yehova mcingulo na usiku. Besunga soti siku la cikondwelero ca misas monga mwecilembewera na kupeleka nsembe ⁴ zoshoka pauya siku kulingana na cinenero, nchito ya siku iliyonse. ⁵ Molingana, kwenze kupeleka nsembe zoshoka masiku onse na ya pamwezi na vopelea vonse va maphwando yoikika ya Yehova, pamozi na zopeleka za ulere. ⁶ Beyamba kupeleka nsembe zoshoka kwa Yehova pasiku loyamba la mwezi wa seveni, olo kuti kacisi yenze ikaliyopezeke. ⁷ Teto bepeleka siliva kwa wosebenzela pa myala, na amisiri, ndipo bepasa vakulya, vakumwa, na mafuta ku banthu baku Sidoni na Turo, kuti bakalete vimiti va makangaza ku mbali kwa msinje wa Lebanoni mpaka ku Yopa, mwebalolera Koresi, mfumu ya ku Perisiya. ⁸ Ndipo mu mwezi wacibili wa caka cacibili pibewela ku ng'anda ya Mulungu ku Yerusalemu, Zerubabele mwana wa Sealatiele, Yesuwa mwana wa Yozadaki, na bansembe onse, a Levi, na bala befuma ku ndende kuya ku Yerusalemu beyamba kusebenza. Besankha a Levi twenti ba zaka twenti kuona pa nchito ya mng'anda ya Yehova. ⁹ Yesuwa na bana bake na azinekwa, na Kadimieli na bana bake, benze m'mbadwo wa Hodavia), na bana ba Henadadi na bana bao na azinekwao-onse enze alevi-besonkhana pamozi kuyang'anila bala benzosebenza mu ng'anda ya Mulungu. ¹⁰ Bomanga beika maziko ya nanda ya Yehova. Izi zethandika bansembe kupanama mumikhanjo bao na malipenga, na a Levi, bana ba Asafu, kupembeza Yehova na zinganga, monga kwanja la Davite, mfumu la Israeli yelamulira. ¹¹ Beimba mopembeza na kuthokoza Yehova, "niwabwino! pangano lake lacikhulupiliro kwa Israeli nilosasila." Banthu onse belira mokuwa na cikondwelero mu cipembezo kwa Yehiva cifukwa maziko ba kacisi beikiwa. ¹² Komba bansembe anyinji, a Levi, na akulu akulu, bala benze okalamba ndipo beona nanda yoyamba, pamene maziko ba ng'anda beikiwa beve bakali na moyo, belira mokuwa. Koma banthu banyinji bekuwa mokondwa na ma mau osangalala. ¹³ Zofumamo zake zenze zakuti, banthu benzokwanisha lini kusiyanisha cisangalaro na kumvwika kwa kukondwera kofumira ku banthu ovwika kulira, pakuti banthu benzolira mokuwa na cisamgalaro cikuleni, ndipo mau bemvwika kutali.