¹ Teto mfumu elamulira kuti kufufuziwe mu ng'nda mosungira volemba ku Babiloni. ² Mumzinda wocingiliriwa wa Ekibatana ku Midia kwepezeka kapukutu; aba miye benze malaembo bake: ³ Mu caka coyamba ca mfumu Koresi, Koresi epeleka lamulo pa za ng'anda ya Mulungu ku Yerusalemu: 'lekani ng'anda imangiwe kuti yabe mamo opelekeramo nsembe, lekani maziko bake bamangiwe, muutali mwake mube 27 mamita, na muufupi mamita 27, ⁴ na mizela atau ya myala ikulu ikulu na mzela wa mapulanga, ndipo mtengo wake lekani ulipiliwe na ng'anda ya mfumu. ⁵ Lomba muwezyelemo golide na siliva vinthu va mng'anda ya Mulungu, vamene Nebukadinezara enzetwla ku Babiloni kufumya ku kacisi wa ku Yerusalemu na kuviwezyela ku kacisi yaku Yerusalemu. Mufunika kuviika ku ng'anda ya Mulugu.' ⁶ Lomba Tatenai kazembe wa dela lopitilira mkolo, Setari-Bezenai, na ayao bayakine bamene bali mu dela lopitilira mkolo, mufumeko! ⁷ Muisiye nchito ya Mulugnu uyu. Kazembe na akulu akulu ba aYuda bakamange ng'anda iyi ya Mulungu pa malo ao. ⁸ kuti mufunika kucita izi kwa akulu akulu ba aYuda omanga ng'anda iyi ya Mulungu: ndalama zopelekewa na mfumu ba malo opitilira mkolo zikasebenzeshewe pakusa analume kuti basakaleke kukata nchto yao. ⁹ Ciliconse cufunika- nkhabi, bana ba mbelele, mbelele zinalume za nsembe yoshoka kwa Mulungu waku Kululu, mbeu, munyu, vinyu, kapena mafuta kulingana lamuliro la bansembe ku Yeruslemu- mukobapasa vintu ivi masiku onse mosalephera. ¹⁰ Mukocita ici kuti bakopeleka nsembe kw Mulungu waku Kululu nakunipemphelera, mfumu, na bana bangu. ¹¹ Nulamula aliyense wati akaphwanye lamuro ili, nsanamira imozi ikafumyiwe ku ng'anda kwake nakumukhokhomerapo. Ng'anda yake ikasanduke cungu cotapo vinyalala cifukwa ca ici. ¹² Lekani Mulungu epangisha kuti zin lake linkhazikike kwala akacose mfumu iliyonse kapena banthu bati bakanyamule kwanja lao kusintha lamuro ili, olo kupkhwanya ng'anda iyi ya Mulungu ku Yerusalemu. Neo, Dariyo, nulamura ici. Lekani aliynse acite mosamalira!" ¹³ Ndipo cifkwa ca lamulo letumizyiwa na mfumu Dariyo, Tatenai, bwanamkubwa wa dela lopitilila mkolo, na Setari-Bozenai ,a bayao bayakine, ecita vilivonse vamene mfumu mfumu Dariyo elamulira. ¹⁴ Teto akulu akulu ba aYuda emanga na kulemera mu ciphunziso ca Hagai mneneri na Zakariya, bana ba Ido. Besilizya kumanga kulinga na lamuro la Mulungu wa Israeli na palamuro ya Koresi, Dariyo, na Aritasasita mfumu waku Perisia. ¹⁵ Ng'anda yesilizyiwa pa siku lacitatu mu mwezi wa Adara, mu caka ca sikisi ca ufumu Dariyo. ¹⁶ Banthu ba Israeli, bansembe, aLevi, na banthu onse benze mndende bekondwera pocita madyelero ba copeleka ca ng'anda iyi ya Mulungu mosangalala. ¹⁷ Bepeleka nkhabi zili 100, bana ba mbelele 100, na mbelele zinalume 400, za copeleka ca ng'anda ya Mulungu. Mbuzi zinalume 12 zepelekewa soti za copeleka ca cimo la Israeli, imozi pa mtundu umozi wa Israeli. ¹⁸ Beika soti bansembe na aLevi pobagaaba kucita mchito ya Mulungu ku Yerusalemu, monga mwicelembelewa mu buku la Mose. ¹⁹ Teto bala benze mu ndende bekondelera Pasika pa sikula la 14 la mwezi woyamba. ²⁰ Bansembe na aLevi bezitubisha nakupaya nsembe za Pasika za bala benze mndende, kuikapo na beve. ²¹ Aisraeli belyako nyama iyakine ya Pasika ni bala bewelako ku undende na kuzipatula beka mukuifyiwa kwa banthu ba pa calo n kusakira Yehova, Mulungu wa Israeli. ²² Bekondwera pocita cisangalaro ca buledi uliye cofufumisha kwa masiku seveni, pakuti Yehova ebaletela cisangalaro posandusha mtima wa mfumu ya Asiria kulimbikisha manja bao mu nchito yake, Ng'anda ya Mulungu wa Israeli.