¹ Huwag mong pagsalitaan nang masama ang isang nakakatanda sa iyo kundi ituring mo siya gaya ng iyong ama. Ituring mo rin ang mga nakababatang lalaki gaya ng iyong mga kapatid. ² Pangaralan mo rin ang nakatatandang babae gaya ng iyong ina at mga nakakabatang babae na parang mga kapatid nang buong kalinisan. ³ Parangalan mo ang mga balo kung tunay nga silang mga balo. ⁴ Ngunit kung ang balo ay may mga anak o mga apo, turuan muna silang pahalagahan ang kanilang sariling sambahayan at tulungan ang kanilang mga magulang sapagkat ito ay kalugod-lugod sa Panginoon. ⁵ Ngunit para sa mga tunay na balo na naiwang nag-iisa, inilalagay niya ang kanyang pag-asa sa Diyos at patuloy na humihiling sa kanya araw man o gabi. ⁶ Ngunit ang babaeng nagpapasasa sa kalayawan ay patay na kahit na siya'y buhay pa. ⁷ Ituro mo rin ang mga bagay na ito para mamuhay silang walang kapintasan. ⁸ Ngunit kung mayroon sa kanilang nagpapabaya sa sarili niyang sambahayan, nagpabaya rin siya sa kanyang pananampalataya at masahol pa siya kaysa sa hindi mananampalataya. ⁹ Huwag ninyong isama sa bilang ang isang balong hindi bababa sa animnapu ang edad, na naging asawa ng isang lalaki. ¹⁰ Dapat siyang makilala sa kaniyang mabubuting gawa kung siya'y nag-aalaga ng mga bata, o tumatanggap ng bisita galing sa ibang bayan, o sa paghuhugas ng paa ng mga mananampalataya, o pagtulong sa mga nahihirapan, o sa pagiging masipag sa lahat ng mabubuting gawain. ¹¹ Ngunit huwag mong isama sa listahan ang mga batang balo dahil kapag umiral ang kanilang pagnanasa, mas gugustuhin pa nilang mag-asawa kaysa tuparin ang kanilang tungkiulin kay Cristo. ¹² Dahil dito, nabibigyang-daan nila ang kasalanan dahil hindi nila tinutupad ang una nilang pangako. ¹³ Nasanay din sila na walang ginagawa. Nagpupunta din sila sa mga iba't-ibang bahay para magkalat ng tsismis at magkunyaring may pinagkakaabalahan. Nagsasalita sila ng mga bagay na hindi naman dapat sabihin. ¹⁴ Kaya gugustuhin kong mag-asawa ang mas batang balo, magkaroon ng anak, at mamahala sa tahanan para hindi mabigyan ng pagkakataon na makagawa ang kaaway para hindi tayo siraan ng iba, ¹⁵ dahil may ilan sa kanila na tumalikod at sumunod kay Satanas. ¹⁶ Kung mayroon sa inyong mananampalatayang babae na nag-aalaga ng mga balo, dapat niyang ipagpatuloy ang pagtulong sa kanila para matulungan ng iglesiya ang mga balo na mas nangangailangan. ¹⁷ Nararapat na tumanggap ng mataas na karangalan ang mga matatandang namumuno sa iglesiya lalo na sa kanilang nangangaral at nagtuturo. ¹⁸ Dahil sinasabi ng kasulatan, "Huwag mong busalan ang baka habang gumigiik ito ng butil," at "Dapat niyong bayaran ng tama ang mga manggagawa." ¹⁹ Huwag kayong tatanggap ng pagbibintang laban sa nakatatanda maliban na lang sa bintang ng dalawa o tatlong saksi. ²⁰ Pero ituwid ninyo ang mga nagpapatuloy sa kasalanan sa harapan nilang lahat para matakot ang iba. ²¹ Sa harapan ng Diyos, ni Cristo Jesus, pati na sa mga anghel, inuutusan ko kayong ipatupad ang mga utos na ito nang walang pinipili at walang kinikilingan. ²² Huwag kayong magmadali sa pagpatong ng kamay sa iba at huwag din kayong makikisama sa pagkakasala ng iba. Panatilihin ninyong malinis ang inyong sarili. ²³ Huwag kang iinom lang ng tubig. Uminom ka rin ng konting alak para sa iyong tiyan at sa iyong madalas na pagkakasakit. ²⁴ Kapansin-pansin na ang pagkakasala ng ilang tao na magdudulot din sa kanila ng paghatol. Pero ang kasalanan din ng iba ay napapansin din sa huli. ²⁵ Gayon din ang na may mabubuting gawa na mas napapansin pati ang hindi kayang maitago ang mga ito.