¹ "Oripge si moyai imandang'wong' eng' taitab biko si kogeerok icheket, ngoyai ko u noto ko monyoru melekto eng' Kwandang'wong' ne mi kipsengwet. ² Noto anyun ye kegoite kagochinoiguk che bo rirenetab ge, ko matibaraste eng' tain'gung', ko u ye yoei chombilik eng' sunagogisiek ak eng ortinwek si kobbiit konyor kalasunet kobun biko. Amwowok iman ale kagonyor icheket melektong'wai. ³ Ago ngigoite kagochinoik, ko matanai eung'ung' nebo kataam kito ne yoei eung'ung' ne bo tai. ⁴ Si kobiit kobunji ung'ot konunoiguk. tiseiywekuk. Ak kokonin melekto Kwandang'ung ne keerei eng ung'ot. ⁵ Ak ye osoei ko mouitu chombilik amu chomei icheket kosae kotonondos eng' sunagogisiek ak ormarichok si kobiit kogeer biko icheket. Amwowok iman ale kagonyor icheket melektong'wai. ⁶ Ago inye ye imache isa, iwe gongung orit, ak ye kaiger kurget, isa Kwandang'ung, ne keerin en ung'ot. ⁷ Ak ngosaei ko matotes ngalegab buch ko u yo yae bororiosiek; amu leen kigosyini icheket amu chang'indab ng'alekwai. ⁸ Noto anyun amokergeituge ak icheket, amu ingen Kwandang'wong tuguk che omakchinige agot kotomo osom inendet. ⁹ Noto anyun osa ko u ni: Kwandanyo ne mi kipsengwet ing'otililit kaineng'ung'. ¹⁰ Ingonyo bounateng'ung. Ingoyaak mageng'ung eng' ing'weny ko u yo yaakse eng' kipsengwet. ¹¹ Konech amitwogigcho che bo rani. ¹² Ak inyoiwech kaat lelutikyo, ko u ye kinyochini kaat che lelwech. ¹³ Amemutech ole mito tiemutiet, ago soruech eng' ne ya. ¹⁴ Amu ngot onyochini kaat biko kachililutikwai konyoiwok kaat agine Kwandang'wong' ne bo kipsengwet. ¹⁵ Ago ngot ko monyochini kaat biko kachililutikwai ko manyoiwok kaat agine Kwandang'wong' kachililutikwok. ¹⁶ "Kogeny ng'orugutgei ko mokergeitugei ak chombilik, eng' togochik chebo cholatet; amu wale togochikwai, si kogeer biko kole koirugutge. Amwowok iman ale kagonyor ichek melektang'wai. ¹⁷ Ago ye irugutge inye, iil meting'ung' ak iun togeng'ung' ¹⁸ si mageer biko kole irugutigei ago si kogeer Kwandang'ung' ne mi eng' ung'ot; ak kokonin melekto Kwandang'ung' ne kerei eng ung'ot. ¹⁹ "Amogonorjige konoraik eng chogenikab ng'weny, ole amei kutiek ak kutuk ak olibutei chorik ak kochor. ²⁰ Ako ogonorjige konoraik eng' kipsengwet ole maamei kutiek anan kutuk, ak ole mabute chorik ak kochor. ²¹ Amu ole mi konorueng'ung', komito oloto muguleldong'ung' agine. ²² Taitab borto konda. Noto anyun ngo kararan kondang'ung' ko nyiitat bortong'ung komugul lapkeiyet. ²³ Ago ngo ya kondang'ung' ko nyiitat bortong'ung' komugul tuindo. Noto anyun ngot koek tuindo lapkeiyet ne mi oring'ung' ko o tuindo ne tia anyun! ²⁴ Mami chi ne imuchi koot kiptainik aeng' amu ago kosas age ak kocham age nda konamge ak age,ak kosas age. Maimuchi ioot Jehovah ak mokornontit. ²⁵ Amwowok anyun ale, mogerer met agobo sobeng'wong' eng' che oame, nda che oee nda agobo borwekwok, tuguuk che oloochi. Tos ma sire sobondo amitwogik, ak masire borto ngoroik? ²⁶ Otopen taritik che bo barak. Kagolse ama kesisie ama iumjini choge, ago baei icheket Kwandang'wong' ne bo kipsengwet. Tos ma ogeigeen akwee mising' kosiir icheket? ²⁷ Ak imuchi ng'o eng' akwee ne eng kereretab met komuchi kotesyi sobenyi koindab agenge ne bo eut? ²⁸ Ak amunee anyun si ogerer met agobo ng'oroik? obwat taptok che bo kertit ole bititoi. Maboisie ago maleti ngoriet. ²⁹ Ago amwowok ale, mbo Solomon eng' talbistonyi tugul ko kimailagat ko u agenge eng' chu. ³⁰ Ngot kologchini Jehovah ko u noto suswek chebo kertit che mi rani ak karoon kewirji mat ko tos mayaiwok ko u noto kosiir, eeh akwee che otinye kayanet ne kitigin? ³¹ Noto anyun amogerer met ak ole, 'Ngo si keam nee?' anan 'Ngo si kee nee?' anan 'Kiloochi nee koek ngoroik ?' ³² Amu cheng'e tuguchu tugul bororiosiek, amu inget Kwandang'wong' ne bo kipsengwet kole, omache tuguchuto. ³³ Ago ocheng' korok bounatennyi ak imandannyi si keteswok tuguchu tugul. ³⁴ Noto anyun amogerer met agobo karon amu emegee ak kaimutikchii betutab mutai. Tinye betut age tugul yaitienyi.