¹ Ikuunga lyoonse nilya katuka chokutwaala Jeeso kwa Pilato. ² Ni vatanga ku muzingiriza zaambo, nivaati, ''Twa waana wuuzu muuntu na lyanganisa chichava cheetu, na vaviinda kuzwisikiza Kaisara, nekuti iiye nje Kirisiti, Simwiine.'' ³ Pilato cho kumuvuuza, naati, ''Jowe Simwiine wa Majuta?'' ⁴ Pilato na cho mukulwaana wa mapirisiti ne chinavuungi, ''Ka nivweene mulandu woozu muuntu.'' ⁵ Mmi niva kakanina, nivaati, ''Wu lyanganisa vaantu, na ruta mwa Judia yoonse, kutaanga mwa Galalia mane neheechinu chivaka.'' ⁶ Mmi Pilato chinga zuwa vulyo, cho kuvuuza kuti a wuuzu muuntu mu Galalia. ⁷ Chinge ziva kuti ungo muvuso wa Heroda, na tumina Jeeso kwa Heroda, ya veena mwa Jerusalema mwaawo mazuva. ⁸ Heroda chinga a vona Jeeso, nasanga ahulu, mukuti ava sakite kumuvona choluvaka lulye. A vazuwiire kahakwe mmi na suluherea kuvona zishupo zimwi zaakwe. ⁹ Heroda na vuuza Jeeso che inzira ziingi, mmi Jeeso kana a va mwiitavi. ¹⁰ Va pirisita vakulwaana ne vang'olyi cho kuziima, ni va muvona mulandu ahulu. ¹¹ Heroda ne masolye aakwe ni vamushuta ne kumufwiisainsoni. Ni va muzwatika zizavalo zo vusimwiine co kumuvozekeza kwa Pilato. ¹² Heroda ne Pilato cho kuva valyikani chelyo izuva, mukuti kalye va valyitoyete. ¹³ Pilato nakunganya va pirisita ne vahitizi ne vaantu voonse ¹⁴ na vacho kuti, ''Mwalyeta wuuzu muuntu kwaangu sina muuntu firikanya vaantu, mmi muvone, Iime, namuvuuza iipuzo havusu vweenu, ka kwiina mulandu wunaawana moozu muuntu kaha ziintu zi mumukakaniza. ¹⁵ Nee, nangati Heroda, mukuti wa kamuvooza kunu kweetu, muvone, kakwiina chavachiti chiswaneere lufu. ¹⁶ Iime mbuni mukave ne kumulukulula.'' ^{17 18} Mmi vaantu voonse chokuwa, nivaati, ''mumutwaalye uuko wuuzu muuntu, mmi mutuhulwiire Banabasi!'' ¹⁹ Banabasi a veena muntorongo cho vusinyi ne kwiihaya vaantu mu mulyeneng'i. ²⁰ Pilato na waambwa naavo hape, nasaka ku hulula Jeeso. ²¹ Mmi ni va huwa, nivaati, ''Mumu kokotere, mumu kokotere.'' ²² Na vacho lovutatu hape, ''Chiinzi, vuvilalanzi vwa vachiti wuuzu muuntu? Ime kakwiina mulandu wunivawaani kwaalyi wuchita kuti e hayiwa. Chikwiina vulyo mbuni mukave, Choku mulukulula.'' ²³ Mmi niva piherera cha maanzwi eena kwiiwulu, nivacho kuti a kokoterwa. Ku huwa kwaavo ni kwa woola Pilato. ²⁴ Lyinu Pilato cho kuvaha chivava kakanini. ²⁵ Na hulula yivavalyi kusaka ya veena muntorongo cho vusinyi ne kwiihaya. Mmi na vaha Jeeso kuya cho kusuna kwaavo. ²⁶ Vavati chiva mutwalite munzira, cho kuwoonda Simoni wa Sireni, ya valyi kuzwa kumuzi, ni va mukulyikisa chifapano, ne chirire Jeeso. ²⁷ Vuungi vwa vaantu, vwa vakulwakazi va vazunguvalyiirwa ne ku mulyirira, ni va musheere mwiisulye. ²⁸ Mmi chingaa vachevuka, Jeeso naati, ''Vakulwakazi va Jerusalema, musiye kuni lyirira, mmi mu lyiririre muveene ne vaana veenu. ²⁹ Muvone, mazuva a keeza eeti nivati, 'Veena mikoonde vakulwakazi vasa huzumuki ne ivumi lyisana lyiva viiki mwaana, ne veere lyisana lyiva nyonseki. ³⁰ Lyunu kavataange kucho marundu, 'Mutu wiire,' ne turunduzana, 'Mutu wuumbe.' ³¹ Lyinu chivachita iizi ziintu isamu nisiri iteke, kakuve vulye hakuti chilya zuminina.'' ³² Vakwaame vamwi, vovere ve zisinyi, vava yeendi naaye kukwiihayiwa. ³³ Chinga vasiku kuchivaka chisuumpwa ''Gologota,'' ni vamukokotera ne zisinyi - wuumwi kuvulyo wuumwi ku mamoonso. ³⁴ Jeeso naati, ''Tayo, va woondere, mukuti kaveezi chivachita.'' Ni va sweha indawula, kulyikauhanyeza zaparo zaakwe. ³⁵ Vanntu vava ziimi ni valyolyeete vavusi naavo chiva mushuwununa, nivati, ''A valyi kuhaza vamwi. Mumusiye alyihaza mwiine, chikuti nje Kirisiti we Ireeza, yo salyitwa.'' ³⁶ Masolye naawo avalyi ku mushewununa, cho kuchuuta kwaalyi, ni vamuha iviniga, ³⁷ ni vaati, ''Chikuti njoowe Simwiine wa Majuta, lihaza wumwiine.'' ³⁸ Kuveena chisupo haalyi, ''Wuuzu nje Simwiine wa Majuta.'' ³⁹ Chimwi che zisinyi yava kokoteerwa na mutuka naati, ''Kaheena wuuwe Kiriti? Lihaza naswe wutuhaza.'' ⁴⁰ Mmi wumwi cho kumukalyimera, naati, ''Kootiyi Ireeza, mukuti muvoonse muwatwiirirwa lufu? ⁴¹ Wuuse toota kutuswaneere kuva hanu, mukuti tambula vuvilala vutuva chiti. Mmi wuuzu muuntu kakwiina vuvilala vwaava chiti.'' ⁴² Mmi naati, ''Jeeso, nooni zeeze hakuti cho keeza mumuvuso waako.'' ⁴³ Jeeso na mucho kuti, ''Vusakusima nikucho kuti, suunu mbove naame naane mwi paradiyisi.'' ⁴⁴ Chivalyi kuyendera kunako yo musihalyi, mmi keerima cho kuwuumba ikaando yose kuya kwi inako yo vutatu chiteengu ⁴⁵ izuva chinga lyasiiha. Majira wo mwiikereka cho kuhaluka hakati. ⁴⁶ Cho kuhuwa chelyiinzwi lyiina kwiiwulu, Jeeso naati, ''Tayo, Ni viika luhuho lwaangu mu maanza aako.'' Chinga mana kuwaamba, cho kufwa. ⁴⁷ Mukulwaana wa masolye chingavona chaachitahala, cho kuteemba Ireeza, naati, ''Vusakusima wuuzu muuntu a vashiyeeme.'' ⁴⁸ Vaantu voonse va vakungeene kukuvona vava ziintu zoonse zivachitahalyi, vavavoolyi vaya vulyikava zizuva. ⁴⁹ Mmi voonse vava mwiizi, ne vakulwakazi vava musheere mumasulye kukazwa kwa Galilea, vava zimeene halyezana, ni valyolyeete iizi ziintu. ⁵⁰ Muvone kuveena mukwaame ya valyi kusuumpwa Josefa, yavalyi we koko lyo Mulawo. A valyi muuntu yo shiyeeme ne kujolola. ⁵¹ Wuuzu mukwaame kana ava zuminzeene ne maikuto aavo ne zivavalyi kuchita. A valyi kuzwa kwa Arimathea, mulyeneng'i wa Majuta, mmi avalyi kusaka muvuso we Ireeza. ⁵² Wuuzu mukwaame, neeza kwa Piloto, na kumbiira muviri wa Jeeso. ⁵³ Na wusuusa, ne kuuzingera mu majira mahuvahuva, na wuviika mwiikuumbu lyiveezetwa he iivwe, lyiseeni kuviikwa muuntu. ⁵⁴ Lyi valyi izuva lyo kulyivaakanya, mmi Insavata chiivalyi kutaanga. ⁵⁵ Va kulwakazi vavalyi kukeeza ne Jeeso kukazwa kwa Galilea ni veechirira ne kuvona iikuumbu ne muviri hauva lalyikwa. ⁵⁶ Ni vavoola cho kuka vaakanya zinuunka vulyotu ne zisiingwa.