¹ Lyinu Mukiti wa Maroto a seena Chiviriso chaaveena hafwihi, asuumpwa Ipaseka. ² Va Pirisita vakulwaana ne vang'olyi vavalyi kusaka mweeti vehayire Jeeso, mukuti vava tiite vaantu. ³ Lyinu Satani cho kwiinjira mwa Judasi, yo suumpwa Isikariota, yavalyi wumwi wa veena iikumi ne vovere. ⁴ Judasi chokuya ku vapirisita vakulwana ne vahitizi vo mwii tempere kuka wambinsana mweeti cho woola kuva vetekera Jeeso. ⁵ Va valyitumeri ni vazuminzaana kumuha malyi. ⁶ Na zumina naasaka iinako ishiyeeme yo kumuvaha niisalyi muchiinavwiinga. ⁷ Lyinu iizuva lya maroto asa viriiswa ni lyeeza, lye Ipaseke ye chitavero che mberere. ⁸ Lyinu Jeeso na tuma Pirorosi ne Johani, naati, ''Mweende muka tuvaakanyeza zilyo ze Ipaseka, kuti tuzilye.'' ⁹ Ni vamucho kuti, ''Nko kwihi kosaka kuti tuka vaakanya?'' ¹⁰ Na vetava, ''Muvone, ha mwiinjira mu mulyeneng'i, mbumukopane ne mukwaame yo lyitwiikite ka haambwe ka mweenzi. Mu mwiichirire munzuvo yeeti a keenjire. ¹¹ Mucho siinzuvo, 'Muruti u kucho kuti, ''Yiinahi iinzuvo ya veene, kweeti ni kalyire Ipaseka ne varutwana vaangu?''' ¹² 12 Mbwa mitoondeza iizuvo inkaando yivaakenywa yina kwi wulu. Mu vakanya wukooko. ¹³ Ni vayeenda, ni vakawaana chimwi ne chimwi moona mwa vava lyiiri. Mmi ni vavakanya zilyo ze Ipaseka. ¹⁴ Mmi iinako chinga yasika, ne kala hansi ne va aposotola. ¹⁵ Na vacho kuti, ''Ni va sakite ahulu kulya Ipaseka naanwe Ni niseeni ku sukuluka. ¹⁶ Mmi ni michokuti, Keeti ni niyilwe hape mbwiita haizuzirikizwa mu muvuso we Ireeza.'' ¹⁷ Jeeso na hiinda inkomoki, chingamana kulyitumera, naati, ''Muhiinde iichi, mulyikawuhanyeza. ¹⁸ Ni micho kuti, Keeti ni ninywe zihaantu zo mufeini mbwiita muvuso we Ireeza hawusika. ¹⁹ Na hiinda vuroto, chingamana kulyitumera, na vucholola, na vaha, naati, ''Wuuwu muviri waangu, wumuheewa. Muchite iichi ku nizeeza.'' ²⁰ Na hiinda inkomoki chenzira iswana chinga vamana kulalyira, naati, ''Iiyi inkomoki chilyikani chihya mu malaha aangu, eeti ni etikire uunwe. ²¹ Mmi mutokomere. Iyaanza lyo yo niwuza lyiina naame he tafulye. ²² Mukuti Mwaana wo Muuntu iye wulyiyendera moona mukuswaneere. Mmi wiina vumayi muntu yo ni twala ku kuwuzwa!'' ²³ Ni vataanga kulyivuuza mukati kaavo kuti njeeni yeeti cho chita vulyo. ²⁴ Mmi ni kwavuka inkaani mukati kaavo ziti mukulwaana njeeni muvalyi voonse. ²⁵ Na vacho kuti, '' Va simwiine va Malyichava vasimwiine vaavo, mmi vava vusa valyisuumpa vachita zilotu ²⁶ Mmi kaanzi kuvi vulyo kweenu. Kono, mukulwaana kweenu ave siina muhwiire ne kuva yo hitiire naalyi muhikaana. ²⁷ Mukuti mukulwaana, wikala he tafulye, kapa yo teenda? Ka njeye yiwikala he tafulye? Mane Iime niina mukati keenu ni nimiteendera. ²⁸ Mmi njoonwe muva zwiiri havusu naame mu milyiko yaangu. ²⁹ Ni miha muvuso, moona Tayo mwa vanihi muvuso, ³⁰ kuti muwoolye kulya ne kunywa he tafulye yaangu mu muvuso waangu, mane ka mwikalye ha zipura zo vusimwiine ni muwatula miswovo iina iikumi ne yovere ya Isiraere. ³¹ 32 ''Simoni, Simoni, tokomere, Satani wakumbira kuva nawe, kuti a kusefe siina ihwiti. ³² Mmi na kuraperera, kuti itumero yaako kaanzi ikaangwa. Hakuti chiwa voola hape, wukoza va mwaako.'' ³³ Pitorosi na mucho kuti, ''Simwiine, Ni lyipaakanyeza kuyeenda naawe koonse kuntorongo ne lufu.'' ³⁴ Jeeso ne tava, ''Ni kulwiira, Pitorosi, unkoombwe keeti a lyire suunu, no seeni ku ni lyisampula kootatwe kuti wuniizi.'' ³⁵ Mmi Jeeso na vacho kuti, ''Hanivalyi ku mituma ni museena chikwama, mukotana wo mufaho, kapa insaangu, mwiina chi muvavulyi?'' ³⁶ Na vacho kuti, ''Mmi hanu, wiina chikwama, a chihiinde, mane ne mukotana wo mufaho. Ya seena mulyiinga a wuuza iijaansi lyaakwe a lyiwulyire wumwi. ³⁷ Mi Ni micho kuti, ching'olyetwa chaangu chilukeere kwizuzirikizwa, 'A valyi kuvalyirwa kuzisinyai.' Mukuti chiva ng'olwa chaangu chichi zuzirikizwa.'' ³⁸ Lyinu ni vaati, ''Simwiine, lolye! Zihai zo vere iizi.'' ³⁹ Jeeso na yeenda, sina mwa twayere, kwi Iruundu lya Oliva, mmi va apositola cho ku mwiichirira. ⁴⁰ Chinga va kasika, na vacho kuti, ''Murapere kuti kaanzi mwiinjiri mumulyiko.'' ⁴¹ Na zwa havalyi kuya halye zana, na fukama ne cho kurapera, ⁴² naati, ''Tayo, cho saka, zwiisa iiyi inkomoki kwaangu. Nangati kwiina vulyo ising'i kusuna kwaangu, kono kuchitwa kwaako.'' ⁴³ Mmi ing'iloyi lizwa kwiiwulu nilyeeza kwaalyi, ku mukoza. ⁴⁴ Mu kuzuwa vutuku ahulu, na rapera ahuluhulu, mmi chitukutuku chaakwe ni chaava siina malaha a doonkera haansi. ⁴⁵ Chinga mana kurapera, neeza ku vapositola mmi na vawaana valyeere chevaka lyo kuzuwa vutuku ⁴⁶ na vavuza kuti, ''Chiinzi ha mulyeere? Muvuke murapere, kuti kaanzi mwiinjiri mu mulyiko.'' ⁴⁷ Chosi kweete kwaamba, muvone, chinavuungi ni chaasika, ne Judasi, wuumwi wa veena iikumi ne vovere, na vahiitiire. Neeza hembalyi ya Jeeso ku muxoota, ⁴⁸ mmi Jeeso naamucho kuti, ''Judasi, a wu wuuza Mwaana wo Muuntu cho kuxoota?'' ⁴⁹ Va veena ne Jeeso chinga va vona chichitahala,ni vaati, ''Simwiine, tulwe che zihai?'' ⁵⁰ Wumwi waavo cho kukaanka muhikaana wo mupirisiti mukulwaana, na mukosala kutwi kwa malyo. ⁵¹ Jeeso naati, ''Chi kwaalyikana!'' Cho kuwoonda kutwi kwaakwe, cho kumuhoza. ⁵² Jeeso nacho mukulwaana wa mwpirisita, ne vahitizi vo mwii tempere, ne vakulwaana vaveezi ku kumulwiisa, ''Mwiiza siineeri mukeeza kumusa, che zihai ne inkolyi? ⁵³ Ne veena naanwe mazuva woonse mwi tempere, kana muva ni viiki maanza. Mmi yinu innako yeenu, ne ziho za keerima.'' ⁵⁴ Cho kumuwoonda, ni va mutwaala kunzuvo yo mupirisita mukulwaana. Mmi Pitorosi na mushala mumasulye kavakazana. ⁵⁵ Chinga vabukula mulyiro hakati ke irapa ne kwiikala hamwiina, Pitorosi ne kala mukati kaavo. ⁵⁶ Wumwi mukulwakazi wo muhikaana na muvona nekeere mwiseri lyo mulyiro na mulolyerera naati, ''Wuuzu mukwame seke wiina naaye.'' ⁵⁷ Mmi Pitorosi naalyi sampula, naati, ''Mukulwakazi, Iime kanimwiizi.'' ⁵⁸ Kavakazana wumwi muuntu chokumuvona, naati, ''Naawe wu wumwi waavo.'' ⁵⁹ Ni kwahita luvaka wumwi mukwaame na piherera naati, ''Vusakusima wuuzu mukwame seke wiina naaye, mukuti mu Galalia.'' ⁶⁰ Mmi Pitorosi naati, ''Mukwaame, Iime kaniizi cho waamba.'' Chosikweete kuwaamba, mpohonaaho wunkombe cho kulyira. ⁶¹ Chokuchevuka, Simwiine cho kulola Pitorosi, Pitorosi chokuzeeza maanzwi a Simwiine, chomucho kuti, ''Unkombwe naseni kulyira suunu mbo kunilyisampwire kootatwe.'' ⁶² Pitorosi nazwiira haanze na kalyira ahulu. ⁶³ Lyinu vakwaame vava kweete Jeeso ni mushuta ne kumukava. ⁶⁴ Ni vamuwuumba chigira kumeenso ne kumuvuuza, nivati, ''Porofite njeeni wa ku kava?'' ⁶⁵ Niva waamba ziintu ziingi kaha Jeeso, niva munyaansa. ⁶⁶ Iizuva chinga lyaazwa, vakulwaana va vaantu ni vakungana, hamwiina ne vapirisiti vakulwaana ne vang'olyi. Ni vamutwaala kuchikota ⁶⁷ niivaati, ''Chikuti njoowe Kirisiti, tulwiire.'' ⁶⁸ mmi hani mivuuza, keeti muniitave. ⁶⁹ Mmi kuzwa hanu Mwaana wo Muuntu mbwaakwiikere kwiiyanza lyamalyo lyeziho ze Ireeza. ⁷⁰ Voonse nivaati, ''Lyinu wumwaana e Ireeza? ⁷¹ Ni vaati, ''Chiinzi hatusisaka mushupi? Mukuti wuuswe chitwalyizuwiira mukaholo kaakwe.''