¹ Jeesu na cho varutwana vaake, " Kwiina vusakusima kuti ka kuve ne zimwi ziintu zeeti ni zituchite kuti tu chite chivi, mmi kwiina vumayi kwa vana vaantu yeeti ni zize chaakwe! ² Chilotu kwaalyi nkokuti kalyi u sumininwa iivwe iikaando muunsingo yaakwe cho ku muswehera mwi waate, kunnda wokuti a chite kuti wuumwi waava vahwiirezana a kaangwa. ³ Mutokomere uunwe muveene. Chokuti mwaako wa kufosekeza, mukalyimere, mmi ha vaka, wumuwoondere. ⁴ Chokuti u ku fosekeza kumana iyaanza ne toovere mwiizuva, mi chokuvoola kwaako kumana iyaanza ne toovere, naacho kuti, ''Naa vaka,' U lukeere ku muwoondera!" ⁵ Va positoloyi ni vaacho Simwiine, " Weere kuzumina kweetu. ⁶ "'Simwiine naati, "Kalyi ni mwiina kuzumina siina ntaanga yo mssitadi, kalyi mucho ilyi iisamu lyo maluberi, 'Nnyukuke aaha, mmi uka meene mwi iwaate,' mmi ni lya muzuwa. ⁷ Lyiinu njeeni kweenu, wiina muhikaana naadi yo tokomera imberere, yeeti chooti haakazwa kuluwa u mucho kuti, wiize ahahaanu mmi wikalye haansi ulye'? ⁸ Keeti cho mocho kuti, 'Nivakanyeza chimwi nilye, mmi u lyisumine ibaanti hewulu lye zizavalo mmi uni teendere mbwiita chinaamana kulya ne ku nywa. Lyinu kumasulye ndyeti u lye ne kunywa'? ⁹ Keeti cho litumerera muhiikaana mukuti wa chita ziintu zaava lwiirwa, aa u chita? ¹⁰ Naangati uunwe naanwe, hakuti chi mwaachita chimwi ne chimwi chi mu va lwiirwa, mucho kuti, 'Tuva hiikaana va seena vusakusima, Tuva chiti vulyo chitu lukere ku chita.''' ¹¹ Kuva chitahalyi kuti yiimwi naako cho ya vweenda na kaya kwa Jerusalema, naa hiita munyinza ya Samariya ne Galaliya. ¹² A vaati chi wiinjira mu wuumwi munzi, ahohwaaho na kopana ne va kwaame veena ikumi va lwala iimbingwa. Ni vaaziima kulye naaye ¹³ mmi ni vaa huwiira kwiiwulu, ni vaati, "'Jeeso, Simwiine, tufwiire Iinse." ¹⁴ Chiingaa vavona, na vacho kuti, "Muyeende mu kalyitondeeza ku va pirisiti." Mmi ni kwaachitahala kuti , chi va siya vweenda, kaya, vava hozwa. ¹⁵ Wuumwina ku vaalyi chingaavona kuti chaahozwa, na voola kumasulye, che liinzwi lyiina kwiwuulu na teemba Ireeza. ¹⁶ Na sungamina haansi ha mateede, a Jeeso' cho ku mulyitumerera. A vaalyi Musamariya. ¹⁷ Mmi chiwitava, Jeeso avaati, " Kaheena vaveena iikumi vava hozwa? Veenahi va mana iyaanza ne minwe yoo nne? ¹⁸ Ka kwiina vaami va ka voola ku ku teemba Ireeza, mbwiinta uzu iibukweenda?" ¹⁹ Na mucho kuti, "Nyemuke, u yeende. Kuzumina kwaako chi kwa kuhaaza." ²⁰ Chingaa vuuzwa ne Mafarasyi kuti vusimwiine vwe Ireeza ka vwiize, Jeeso na veetava naati, "Vusimwiine vwe Ireeza kavwiiza che inzira i vooneka. ²¹ Keeti ni va cho kuti, 'Lyoolye kuna!' naandi, cho ku voona, vusimwiine vwee Ireeza vwiina mukati kaako." ²² Naa cho va rutwani vaakwe, " Mazuuva a keeza yeeti ni munuungwa ku voona lyimwi lya mazuva wo Mwaana wo Muuntu, mmi keeti ni mu lyi voone. ²³ Lyinu ka va mucho kuti, 'Mulolye, haana! Mulolye aaha!' Mmi mu siye kuzwiira haanze naandi ku ngombola mu masulye aavo, ²⁴ moona lumini mu luveera ahulu chu luminika ku zwa ku yimwi imbalyi ye yiwuulu ku ya ku yiimwi imbalyi ye yiwuulu, lyinu ne Mwaana wo Muuntu ka kuve vuulyo mwi iizuva lyaakwe. ²⁵ Mmi lwee intaanzi ulukera ku sukuluka muziintu ziingi ne ku kaanwa ne vaantu ve yiinu yinaako. ²⁶ Moona mu ku va chitahalyi munako ya za Nuwe, kulyi aaho mweeti ni ku chitahalye mu mazuva wo Mwaana wo Muuntu. ²⁷ Va valyi ku lya, ni va nyaa, ni va sesa, maane va valyi ku seseswa, maane mbwiita iizuva Nuwe lya veenjiri mwi areka - mmi meendayi cho kwiiza cho ku vasinya voonse. ²⁸ Moona mu ku va chitahalyi mu mazuuva a Lota, va valyi ku lya, ku nwa, ku wuula, ku wuuza, ku vyaala, ni va zaaka. ²⁹ Mmi mwiizuva lya Lota cho zwaa kuunze lya Sodoma, ku vaasoki mulyiro ne sulufera kuzwa kwiiwulu ni wa va siinya voonse. ³⁰ Mu masulye inzira yiswana ka kuve vulyo ne mwiizuva lyo Mwaana wo Muuntu choovoneka. ³¹ Mweelyo iizuva, kaanzi ni kuzuminiwa wiina heewulu lye chituwa che iinzuva kuti asuuke aka hiinde zivya zaakwe muunzuvo. Mmi kaanzi ku zumininwa wiina kuluwa ku ka voola kumuzi. ³² Muzeze Mwihyavo Lota. ³³ Wumwi ne wuumwi yo saka voolyerwa vuhaalo vwaakwe ka vu muzovere, mmi wuumwi ne wuumwi yo zoverwa vuhaalo vwaakwa ka vuhaaza. ³⁴ Ni milyiira, mwaawo masiku ka ku kwiina vaantu voovere mu muvulo vu mwiina. Wuumwiina ka hiindwa, mmi wuumwi ka siyiiwa. ³⁵ Ka ku kwiina va kulwakazi vo vere veeti ni va kutwa. Wuumwiina ka hiindwa, mmi wumwiina ka siyiiwa." ³⁶ (Ka ku kwiina vovere mwiiwa; wumwiina ka hiindwa mmi wuumwi ka siyiiwa.) ³⁷ Ni va muvuuza, "Kwihii, Simwiine?" Mmi na vacho kuti, " Heena chituunta, hava ne makuuvi naaho naa kungeene haamwiina." ³⁷ Ni vamuvuuza, ''Kwihi, Simwiine?''