Segel ta rai 144.000 Ulun Israel ¹ Udi hio,kuki kakinni epat malaikat mindri ta empat pusing bumi,rahat nahan ka epat angin bumi mat bakoi naan sa nyiwui ta entuan,ta laut,atau lei ta kakau-kakau. ² Udi hio,kuki kakinni malaikat lain muncul tekei uneng balua e mate andrau,nihi nunda segel tekei Allah sa welum.Aye kamiak nihi lengan mehet napot ka epat malaikat sa haot na ami kuasa mat nyanrusak bumi nihi laut huni, ³ "Adalah nyanrusak bumi,laut,atawa kayu-kayu samete kami galis ngami tanda segel ta rai hamba-hamba Allah takam." ⁴ Kuki ngarengei jumlah here sa na segel sa kangajoh 144.000 ulun.Here kaluhan ba asal tekei setiap suku anak-anak Israel:* ⁵ tekei suku Yehuda 12.000 tekei suku Ruben 12.000 tekei suku Gad 12.000 ⁶ tekei suku Asyer 12.000 tekei suku Naftali 12.000 tekei suku Manasye 12.000 ⁷ tekei suku Simeon 12.000 tekei suku Lewi 12.000 tekei suku Isakhar 12.000 ⁸ tekei suku Zebulon 12.000 tekei suku Yusuf 12.000 tekei suku Benyamin 12.000 sa haot na meteraikan.Lautan murunsia ⁹ Udi hio kuki kakinni,sabujur ni sa jumlah hante murunsia sa bakoi kiuh na reken jumlah e,tekei kaluhan negara nihi suku nihi bangsa nihi bahasa,mindri ta hadap tahkta nihi ta hadapan Anak Domba,makai jubah mahilak nihi palapa-palapa palem ta tangan here; ¹⁰ Balalu here kamiak nihi lengan mehet," Keselamatan mat gi Allah kami sa maharung ta entu tahkta, balalu mat gi Anak Domba." ¹¹ Balalu,kaluhan malaikat sa rahat mindri ta sakaliling takhta hio balalu tangar sakaliling tueh-tueh,* balalu ka epat satua hio,here sujud ta hadapan tahkta hio balalu menyembah Allah, ¹² nihi ngeau," Amin !* Pujian nihi kemuliaan nihi hikmat nihi ucapan syukur nihi kehormatan nihi kekuasaan,nihi keperkasaan napot Allah takam hampe kalalawah e.Amin!" ¹³ Udi hio,1 tekei tueh-tueh hio bapander nihi nane napot kuki,"hie kah here sa makai jubah mahilak iti balalu tekei awe here hawi?" ¹⁴ Balalu,kuki ngeau napot aye,"Tuan ku,kayo karasa e."Balalu,aye negau napot kuki,"here hio ulun-ulun sa haot balua tekei kahanang hante nihi haot mui jubah here palus nampa hilak e ta huang ira Anak Domba. ¹⁵ Ulah gene hio,here mindri tangar hadapan tahkta Allah sa melayani Aye kaandrau nihi kamalem ta Bait E; balalu aye sa maharung ta entu tahkta hio sagar muneng ta helang here. ¹⁶ here bakoi sagar kaluan atawa kalalah lagi;atawa lei mate andrau bakoi sagar nampahanang here ataupun malaing sa lain e. ¹⁷ Gene,Anak Domba sa ta penah-penah tahkta hio sagar jari Gembala here balalu sagar ngagandeng here gi mate ranu pamelum; nihi Allah sagar ngahapus kaluhan ranu mate tekei mate here."