² Anak Domba nguka segel ka isa hampe kaenem ¹ Udi hio,kuki memperhatikan katika Anak Domba nguka isa tekei pitu segel hio,balalu kuki ngarengei isa tekei epat satua hio bapander nihi lengan mehet," gi ina!" Maka,kuki nginni erang kikui kuda mahilak nihi aye sa maharung ta entu isa panah;balalu isa mahkota na ami napot aye,balalu aye maju mat nampakalah nihi nampa manang e. ³ ,Balalu,katika Anak Domba nguka segel sa karueh,kuki ngarengei mahkluk karueh ngeau,"gi iti!" ⁴ Balalu,maju bo erang kikui kuda lain ba warna mariang sameh lelap apui,balalu aye maharung tangar entu e na ami kuasa mat ngalap kedamaian tekei bumi hampe murunsia sagar ba ka wunu,palus isa ka wua pedang sa hante na ami napot aye. ⁵ Balalu,katika Anak Domba hio nguka segel sa katelu,kuki ngarengei satua ka telu ngeau,"gi iti!" balalu,kuki kakinni erang kikui kuda maintem nihi aye sa maharung tangar entu e negei isa timbangan tangar tangan e. ⁶ Balalu,kuki ngarengei sameh naan lengan tekei penah-penah satua hio ngeau," isa supak gandum mat gi 1 dinar,balalu 3 supak jelai mat gi 1 dinar,tapi ada nyanrusak minyak tangar anggur e!" ⁷ Balalu,katika Anak Domba hio nguka segel sa ka epat,kuki ngarengei lengan satua sa ka epat hio ngeau,"gi iti!" ⁸ Balalu,kuki nginni erang kikui kuda ba warna hijau pucat nihi aye sa maharung tangar entu e bangaran Maut nihi Hades nutah e.Balalu,kuasa na ami napot here entu 1 bumi,mat munu nihi pedang,kaluan,panyakit,palus satua-satua sa ganas ta bumi. ⁹ Katika Anak Domba nguka segel sa ka dime,kuki nginni ta altar* jiwa-jiwa here sa haot na wunu gene Firman Allah nihi kesaksian sa haot na pertahankan here. ¹⁰ Here kamiak nihi lengan sa mehet,"pire kalawah lagi lah,Tuhan sa kudus nihi wuah,Kayo sagar menahan diri tekei menghakimi nihi ngabalas ira kami napot here sa muneng ta bumi?" ¹¹ Balalu,napot masing-masing jiwa hio na ami isa jubah mahilak balalu here na wara bahwa here harus baistirahat tawelek lagi,hampe jumlah hengau-hengau pelayan nihi pulaksanai-pulaksanai here sa sagar na wunu sameh here jari genep. ¹² Balalu,kuki nginni katika Anak Domba hio nguka segel ka enem,jari lah gempa bumi sa dasyat;mate andrau jari maintem sameh kain karung sa na ulah tekei wulu palus kaluhan wulan jari sameh ira. ¹³ Balalu,bintang-bintang tangar langit ba lawuan gi bumi sameh kakau ara nyanawu wua-wua e sa manta waktu na gunsang ulah angin sa mehet tuu. ¹⁴ Balalu,patuhi lah* langit sameh nihi kitab sa na puntal,balalu satiap gunung nihi pulau na tampindahkan tekei uneng e. ¹⁵ Maka,raja-raja ta bumi,balalu here panga hante,nihi perwira-perwira,*balalu ulun-ulun tatau sa bakuasa,balalu kaluhan walau,nihi ulun bebas masiok tangar gua-gua nihi tangar helang watu-watu ta pegunungan. ¹⁶ Here ngeau napot gunung-gunung nihi watu-watu karang hio,"runtuh bo nukun kami balalu siok bo kami tangar hadap Aye sa maharung ta entu tahkta,balalu tekei muruka Anak Domba! ¹⁷ Gene,andrau hante gi muruka here haot hampe balalu hie kah sa kiuh batahan?"