Puntalan Kitab nihi Anak Domba ¹ Udi hio,kuki kakinni ta tangan kawan Aye sa maharung ta entu tahkta hio isa puntalan*kitab,sa naan tulisan ta iring huang nihi iring wading e,sa na segel nihi pitu segel. ² Balalu,kuki kakinni isa malaikat sa gagah kamiak nihi lengan mehet,"hie kah sa layak nguka puntalan kitab hio balalu nguka segel-segel e?" ³ Tapi,bakoi naan erang kulun lei,maeh sa ta surga,ta bumi,atau pun sa ta kapit bumi sa kiuh nguka atawa nginni bagian huang puntalan hio. ⁴ Maka,kuki mulai nangis sasinguk gene bakoi naan erang kulun lei na haba layak mat nguka puntalan kitab hio atawa nginni bagian huang e. ⁵ Tapi,isa tekei tueh-tueh*hio ngeau napot kuki,"tadoh bo nangis!inni,Singa tekei suku Yehuda,keturunan Daud*,haot manang hampe Aye kiuh nguka puntalan kitab hio nihi pitu segel e." ⁶ Balalu,kuki nginni ta penah-penah tahkta naan epat satua huni,balalu ta penah-penah here tueh-tueh hio erang hio erang kikui Anak Domba mindri,sameh haot na samalis,sa naan pitu tandruk nihi pitu matei,aye hio pitu Roh Allah sa na utus gi kaluhan bumi. ⁷ Anak Domba hio hawi balalu ngalap kumpulan kitab hio tekei tangan kawan Aye sa maharung ta entu tahkta. ⁸ Balalu,wayah Anak Domba haot ngalap puntalan kitab hio,ka epat satua nihi karuam pulu epat tueh-tueh sujud ta hadapan Anak Domba hio,asing-asing negei isa kecapi nihi isa cawan amas sa penu nihi kemenyan,sa aye hio doa ulun-ulun kudus. ⁹ Balalu,here menyanyi kan isa nyanyian bio,eau e:"Kayo layak ngalap puntalan kitab hio palus nguka segel-segel e gene Kayo haot na samalis,balalu nihi ira Nu,Kayo haot newuh ulun-ulun tekei tiap suku,bahasa,kaum,nihi bangsa napot Allah. ¹⁰ Balalu Kayo haot ngajari kan here jari isa kerajaan nihi imam-imam napot Allah takam,nihi here sagar memerintah entu bumi." ¹¹ Udi hio,kuki nginni,balalu kuki ngarengei lengan tekei ajoh malaikat sa ngaliling tahkta, 4 satua,nihi here tueh-tueh hio.nihi jumlah here beribu-ribu,bahkan ba puluh ribu, ¹² kamiak nihi lengan mehet,"layak lah Anak Domba,sa haot na samalis hio,narime kuasa,nihi ka tatau,nihi hikmat,nihi kekuatan,nihi hormat,nihi kemuliaan,nihi pujian." ¹³ Udi hio,kuki ngarengei setiap satua sa naan ta surga,nihi ta bumi,nihi ta kapit bumi,nihi ta laut,nihi kaluhan sa naan ta huang,kaluhan hio ngeau,"Napot aye,sa maharung ta tahkta,nihi napot Anak Domba,kaluhan pujian,hormat,kemuliaan,nihi kuasa hampe kalalawah e !" ¹⁴ Balalu, 4 satua hio ngeau,"Amin!"* nihi here tueh-tueh sujud nihi menyembah.