Yohanes kakinni Surga ¹ Udi hio,kuki kakinni isa pintu ta uka tangar surga,balalu lengan huni,sa narengei ku sameh lengan terompet bapander nihi kuki,ngeau," ambai bo gi iti balalu kuki sagar nampa inni gi kayo inon sa harus jari udi iti." ² Wayah hio lei,kuki na kuasai Roh* balalu inni bo,isa tahta naan ta surga balalu erang kulun maharung ta entu tahta hio. ³ Balalu,Aye sa maharung ta entu tahta hio, ta inni sameh watu permata Yaspis nihi Sardis;balalu naan isa pelangi tangar kaliling tahta hio,sa ta inni sameh zamrut. ⁴ Tangar kaliling tahta hio naan ruam pulu epat tahta nihi ta entu tahkta-tahkta hio kuki kakinni ruam pulu epat matueh-matueh* maharung,makai jubah mahilak balalu mahkota-mahkota amas naan ta ulu here. ⁵ Balalu,tekei tahkta hio balua kilatan petir nihi gamuruh lengan guntur.Balalu,naan pitu dian sa malelap ta hadap tahkta hio,sa aye hio pitu Roh Allah. ⁶ Balalu,ta hadap tahta hio lei naan isa hal sameh lautan kaca,sameh kristal.Tangar penah nihi ta sakaliling tahta hio naan epat satua sa penu nihi mate tangar intang muka nihi wading e. ⁷ Satua sa panga dahulu e sameh erang kikui Singa,balalu satua sa karueh sameh erang kikui lembu jantan,balalu satua sa katelu e rai mate e sameh rai murunsia,balalu satua sa ka epat e sameh erang kikui wurung mangamet sa rahat samiding. ⁸ ka epat satua hio masing-masing naan enem kalekep sa penu nihi mate,tangar iring luar nihi iring huang e;kaandrau nihi kamalem,ka epat satua hio bakoi piji ulep ngeau,"Kudus,kudus,kudus lah Tuhan,Allah sa maha Kuasa,sa haot naan,sa naan,balalu sa sagar hawi." ⁹ Balalu,tiap kali satua-satua hio ngami kemuliaan,hormat,balalu antuhan syukur napot Aye sa maharung ta tahkta,sa welum kalalawah-lawah ni, ¹⁰ ka ruampulu epat matueh-matueh hio sujud ta hadapan Aye sa maharung ta entu tahkta hio,balalu menyembah Aye sa welum hampe kalalawah e hio,balalu nawut mahkota here tangar hadapan tahkta hio nelang ngeau, ¹¹ "Oi Tuhan nihi Allah kami,Kayo layak narime kemuliaan,hormat,nihi kuasa gene Kayo haot ngulah kaluhan hal nihi gene aheng Nu kaluhan hio naan na ciptakan."