Surat napot Jemaat ta Sardis ¹ "Balalu,gi malaikat jemaat ta Sardis tuliskan bo : iti lah antuhan Aye sa ampun pitu Roh* Allah nihi pitu bintang hio:Kuki karasa gawian-gawian nu.ulun ngantuh bahwa kayo welum,tapi sabujur e kayo matei. ² Waspada bo,nihi perkuat lah hal-hal sa masih naan,sa ane matei,gene Kuki mete kahalu gawiannu sampurna huang panginni Allah. ³ Gene hio,ingat bo inon sa haot na tarime kayo nihi na rengei,nutah bo hio balalu bertobat bo!amun kayo bakoi waspada,Kuki sagar hawi sameh nihi maling balalu kayo bakoi sagar karasa jam pire Kuki sagar hawi napot kayo. ⁴ Tapi,kayo naan papire kulun ta Sardis sa mete nampa raat pakaian here;balalu here sagar takia hayak Kuki nihi makai pakaian mahilak gene here layak. ⁵ Ulun sa manang sagar na pakaian mahilak balalu Kukibakoi sagar ngahapus arane tekei hadapan Ambah Ku balalu ta hadapan malaikat-malaikat E. ⁶ aye sa naan silu oboh lei ngarengei inon sa naantuh Roh napot jemaat-jemaat."Surat napot Jemaat ta Filadelfia ⁷ " Balalu,napot malaikat jemaat ta Filadelfia tuliskan bo:iti lah antuhan tekei sa Kudus nihi Sa Bujur,sa negei kunci Daud,*sa nguka balalu bakoi erang kulun lei kiuh nutup e;sa nutup bakoi erang kulun lei kiuh nguka e: ⁸ Kuki karasa gawian-gawiannu.Inni bo,Kuki haot nguka wanawang gi kayo,sa bakoi erang kulun lei kiuh nutup e gene kakuatan nu halus,tapi kayo nuu Firman Ku balalu bakoi nulak aran Ku. ⁹ Inni bo,Kuki sagar ngulah here Sinagoge iblis hio,sa mangaku ulun Yahudi,tapi sabujur e bakoi,tapi namposo,Kuki sagar ngulah here hawi balalu suntup ta pee nu,balalu ngulah here karasa bahawa Kuki sayang nihi kayo. ¹⁰ gene kayo haot ngajaga Firman ketekunan Ku,Kuki sagar nyamelum kayo ta wayah kasusahan sa sagar hawi napot dunia,mat nguji here sa muneng tangar bumi. ¹¹ Kuki hawi hinang.tegei bo inon sa naan ta kayo mat bakoi erang kulun lei sagar ngalap mahkota nu. ¹² Hie sa manang,Kuki sagar ngajari e tungket payangga Bait Suci Allah Ku,balalu aye bakoi sagar tulak lagi tekei hio;balalu Kuki sagar manulis kan ta aye ngaran Allah Ku nihi ngaran kota AllahKu,aye hio Yerusalem bio,sa hio minau tekei surga,tekei Allah Ku,balalu aran Ku sa bio. ¹³ Aye sa naan silu elah bo ngarengei inon sa na antuh Roh napot jemaat-jemaat."Surat napot Jemaat ta Laodikia ¹⁴ " Balalu,napot malaikat jemaat Laodikia na tuliskan bo:iti lah antuhan sang Amin,saksi sa setia nihi wuah,awal tekei kaluhan ciptaan Allah: ¹⁵ Kuki karasa perbuatan-perbuatan nu,bahwa kayo bakoi marisak atawa malaing.Labih maeh e amun kayo marisak atawa malaing. ¹⁶ Jari,gene kayo rasu kuku ,bakoi malaing atawa marisak,Kuki sagar nyanua nu tekei wawa Ku. ¹⁷ Gene kayo ngeau,`Kuki tatau,balabihan,balalu bakoi naan kakurangan inon-inon,`palus bakoi karasa bahwa sabujur e kayo sengsara,kihal,susah,pehe nihi mapoloi. ¹⁸ Kuki manasehat kayo mat midi tekei Ku amas,sa na murni kan nihi apui mat kayo jari tatau,balau pakaian-pakaian mahilak mat kayo kiuh makai e sehingga nanam mangan gene mapoloi nu bakoi sagar ta inni,balalu ngusuk salab ta mate nu mat kayo kiuh nginni. ¹⁹ Here sa na sayang Ku,na sompo Ku nihi na hajar Ku;gene hio,rela kan bo atei nu balalu ba tobat lah! ²⁰ inni lah!Kuki mindri ta muka pintu balalu ngatok.amun naan ulun ngarengei lengan Ku balalu nguka pintu,Kuki sagar suluk gi aye palus kuman hayak aye,balalu aye hayak Kuki. ²¹ Aye manang,Kuki sagar mengijinkan e maharung hayak Kuki ta tahkta Ku,sameh nihi Kuki haot manang balalu maharung hayak Ambah Ku tangar tahta E. ²² Aye sa naan silu elah bo ngarengei inon sa na antuh Roh napot jemaat-jemaat."