Surat napot Jemaat ta Efesus ¹ "napot malaikat jemaat ta Efesus na tulis bo lah : itilah lengan Aye sa negei pitu bintang ta tangan kawan E balalu sa takia ta helang pitu pee dian amas hio: ² Kuki karasa kaluhan gawian nu balalu kauyuh nu balalu ketekunan nu,kalawe kayo bakoi tahan nadap sa jahat,balalu kayo manguji ulun-ulun sa ngantuh tenga e rasul,*tapi sa bujur e here bakoi lah rasul,balalu kahaba here palsu. ³ Kayo naan ketekunan balalu batahan demi aran Ku palus bakoi kataru uyuh. ⁴ Tapi,Kuki nagur kayo gene kayo haot nanan kaahi nu sa asal. ⁵ Gene hio,ingat bo tekei awe kayo lawu balalu batobat nihi ngulah inon sa haot na ulah kayo asal e.amun bakoi,Kuki sagar hawi napot kayo balalu ngalap pee dian nu tekei uneng e,kecuali kayo batobat. ⁶ Tapi,iti sa ampun kayo :kayo marikang gawian-gawian here pa nutah Nikolaus,sa na rikang Ku lei. ⁷ Aye sa naan silu oboh lei ngarengei inon sa naantuh Roh*napot jemaat-jemaat.gi aye sa manang,Kuki sagar ngami panguta tekei kakau pamelum sa naan ta Taman Allah."Surat napot Jemaat tangar Smirna ⁸ " Balalu,napot malaikat Jemaat Smirna tulis kan bo:ititlah lengan tekei sa awal nihi sa akhir,sa haot matei balalu welum waleng: ⁹ Kuki karasa kahadin namput kasusah nu,tapi sa bujur e kayo tatau ! Kuki karasa fitnah sa na tuju nadap kayo ulah here sa ngantuh tenga e ulun Yahudi,tapi sa bujur e bakoi,tapi Sinagoge iblis ¹⁰ Ada takut nadap inon sa sagar na ka rara kayo.inni lah,setan sagar nawut papire tekei kaon gi penjara mat kaon na uji,balalu kayo sagar nginam penganiayaan salawah 10 andrau.Setia bo hampe matei,balalu Kuki sagar ngami gi kayo mahkota pamelum. ¹¹ aye sa naan basilu elah e ngarengei inon sa naantuh Roh napot jemaat-jemaat.ulun sa manang bakoi sagar rara gene pampatei sa karueh."Surat napot Jemaat ta Pergamus ¹² "Balalu,napot Malaikat ta Pergamus tuliskan bo : itilah paneran Aye sa ampun pedang kumat ba mate rueh : ¹³ Kuki karasa ta awe kayo muneng,ta uneng takhta iblis muneng;tapi kayo bategei ta aran Ku nihi bakoi manyangkal iman Ku bahkan ta zaman Antipas,saksi Ku sa setia sa na wunu ta sameh kaon,uneng iblis muneng. ¹⁴ Tapi,kuki nyompo kayo gene naan papire ta sameh kaon sa nutah ajaran Bileam,sa ngajar Balak mat ngandak santukan ta hadap anak-anak Israel*,mat kuman panguta sa na persembahkan napot berhala*balalu ngagawi dosa-dosa seksual. ¹⁵ Sameh hio lei,naan papire ta sasameh kaon sa negei ta ajran Nikolaus ¹⁶ Gene hio,bertobat lah!amun bakoi,Kuki sagar hawi hinang napot kayo balalu ngalakat here nihi pedang ta wawa Ku. ¹⁷ hie sa naan silu oboh lei ngarengei inon sa naantuh Roh napot jemaat-jemaat.gi aye sa manang,Kuki sagar ngami manna*sa ta siok;balalu Kuki sagar ngami gi aye isa wua watu mahilak,balalu isa ngaran bio tatulis tangar watu hio,sa bakoi erang kulun lei karasa kecuali ulun sa narime e." Surat gi jemaat di Tiatira ¹⁸ "Balalu,napot malaikat jemaat ta Tiatira tuliskan lei: iti lah paneran Anak Allah,sa mate E sameh lelap apui nihi pee E malelap sameh tembaga huang padapuran: ¹⁹ Kuki karasa gawian-gawian nu,ka ahi nihi imannu,pelayanan nu nihi kesabarannu,balalu bahwa gawian-gawian nu sa pangalis palangkah nekei sa ka isa. ²⁰ Tapi,Kuki nyompo kayo gene kayo ngabiar wawei Izebel hio,sa mangaku sebagai erang kulun nabiah,mangajar nihi nyantawang pelayan-pelayan Ku mat berzina nihi kuman panguta sa haot na persembahkan gi berhala. ²¹ Kuki haot ngami e waktu mat bertobat,tapi aye bakoi hakun bertobat tekei zina e. ²² Inni bo,Kuki sagar nawut aye gi entu uneng mandre ka rara balalu here sa berzina*nihi e sagar na tawud ku gi huang karara hante,kecuali here bertobat tekei gawian-gawian wawei hio. ²³ Balalu,Kuki sagar munu anak-anak e nihi kapateian;balalu kaluhan jemaat sagar karasa bahwa Kuki lah sa manguji pikiran nihi atei ulun,balalu Kuki sagar ngami gi kayo masing-masing ngalut gawian nu. ²⁴ Tapi,napot kayo sa lain ta Tiatira,sa bakoi nutah ajaran iti,sa mete karasa rahasia-rahasia iblis,Kuki ngeau : Kuki bakoi sagar ngandak beban lain napot kayo. ²⁵ Tapi,bategei lah tarus tangar inon sa haot ampun kayo hampe Kuki hawi. ²⁶ Balalu,napot ulun sa manang balalu ngagawi ulahan-ulahan Ku hampe pangalis,Kuki sagar ngami kuasa entu bangsa-bangsa, ²⁷ balalu here sagar memerihtah bangsa-bangsa hio nihi tongkat wasi,na palenuh ba tamurai sameh tembikar tukang periuk,gene Kuki lei haot narime kuasa tekei Ambah Ku. ²⁸ Balalu,Kuki sagar ngami gi aye bintang timur. ²⁹ aye sa naan silu elah bo ngarengei inon sa na antuh Roh nihi jemaat-jemaat."